- Мураты болгъанны джюрек тебюую башхады.
- Байны оноуу, джарлыгъа джарамаз.
- Сабий кёргенин унутмаз.
- Душманны тышы – акъ, ичи – къара.
- Тешик этген тынчды, аны джамагъан къыйынды.
- Гыдай эчки суугъа къараб, мюйюзле кёрмесе, джашма алкъын, дегенди.
- Кеси юйюмде мен да ханма.
- Аманнга игилик этсенг, юйюнге сау бармазса.
- Атлыны ашхысы, ат тизгининден билинир
- Адебсиз адам – джюгенсиз ат.
- Танг атмайма десе да, кюн къоярыкъ тюйюлдю.
- Этни бети бла шорпасы.
- Джукъу тёшек сайламайды.
- Бёрю да ач къалмасын, эчки да ашалмасын.
- Айранны сюйген, ийнек тутар.
- Ашарыкъда сайлагъаннга – чий гырджын.
- Хазыр ашха – терен къашыкъ.
- Ата Джуртун танымагъан, атасын да танымаз.
- Ишленмеген джаш – джюгенсиз ат, ишленмеген къыз – тузсуз хант.
- Таш ата билмеген, башына урур.
- Оюмсуз атлагъан, аджалсыз ёлюр.
- Хар зат кесини орнуна иги.
- Кютгени беш эчки, сызгъыргъаны уа, джерни джарады.
- Бети къызарыучу адамны, джюреги харам болмаз.
- Бек ашыкъгъан меннге джетсин, дегенди аракъы.
- Кёбден умут этиб, аздан къуру къалма.
- Ашха уста, юйюнде болсун
- Уллу сёлешме да, уллу къаб.
- Бир абыннган – минг сюрюнюр.
- Ашлыкъ – бюртюкден, джюн – тюкден.
- Мен да «сен», дейме, сен да «кесим», дейсе.
- Ашхы атаны – джашы ашхы, ашхы ананы – къызы ашхы.
- Ханнга да келеди хариблик.
- Иги – алгъыш этер, аман – къаргъыш этер.
- Тамырсыз терекге таянма – джыгъылырса.
- Ойнай билмеген, оюн бузар.
- Адам туугъан джеринде, ит тойгъан джеринде.
- Акъыллы айтыр эди, акъылсыз къоймайды.
- Къазанда болса, чолпугъа чыгъар.
- Аурууну келиую тынч, кетиую – къыйын.
- Къызын тута билмеген, тул этер, джашын тута билмеген, къул этер.
- Кюн – узун, ёмюр – къысха.
- Адамны джюреги нени кёрюрге сюйсе, кёзю да аны кёрюрге ёч болады.
- Садакъачыны джаны – къапчыгъында.
- Кесинг сынамагъан затны, адамгъа буюрма.
- Тенгни тенглиги джашай барсанг билинир.
- Насыблы элин сюер, насыбсыз кесин сюер.
- Ёлюк кебинсиз къалмаз.
- Къарны аманнга къазан такъдырма, къолу аманнга от джакъдырма.
- Ёнгкюч къууана барыр, джылай келир.
Ошибка!
Для просмотра темы введите ваши логин и пароль.Пожалуйста, авторизуйтесь: