- Сескекли кесин билдирир.
- Тёрдеги кюлсе, эшикдеги ышарыр.
- Итли къонакъ джарашмаз.
- Айыбны суу бла джууалмазса.
- Кёзю сокъурдан – къоркъма, кёлю сокъурдан – къоркъ.
- Джюз элде джюз ёгюзюм болгъандан эсе, джюз джууугъум болсун.
- Биреуге кёлтюрген таягъынг, кесинги башынга урур.
- Кюлме джашха – келир башха.
- Къулакъдан эсе, кёзге ышан.
- От этилмеген джерден тютюн чыкъмайды.
- Акъыллы – эл иеси, тели – эл баласы.
- Иги бла джюрюсенг, джетерсе муратынга, аман бла джюрюсенг, къалырса уятха.
- Адебсиз адам – джюгенсиз ат.
- Къазанны башы ачыкъ болса, итге уят керекди.
- Ичимден чыкъды хата, къайры барайым сата?
- Къызны минг тилер, бир алыр.
- Этим кетсе да, сюегим къалыр.
- Олтуруб кёрюнмей эди да, ёрге туруб кёрюне эди.
- Нарт сёз къарт болмаз.
- Кёзюнде тереги болгъан, чёбю болгъаннга кюле эди.
- Ишлегенде эринме, ишде чолакъ кёрюнме.
- Джюрекге ариу – кёзге да ариу.
- Хар сёзню орну барды.
- Мадар болса, къадар болур.
- Эркишиге тары кебек танг кёрюнюр.
- Садакъачыны джаны – къапчыгъында.
- Къарт бла баш аша, джаш бла аякъ аша.
- Сакъалы текени да бар, мыйыгъы киштикни да бар.
- Джетген къыз джерли эшекни танымаз.
- Ёлюк кебинсиз къалмаз.
- Къар – келтирди, суу – элтди.
- Махтаннган къыз, тойда джукълар.
- Суу кетер, таш къалыр.
- Юйюнг бла джау болгъандан эсе, элинг бла джау бол.
- Ушамагъан – джукъмаз.
- Кёпюр салгъан кеси ётер, уру къазгъан кеси кетер.
- Тойну къарнашы – харс, джырны къарнашы – эжиу.
- Келлик заман – къартлыкъ келтирир, кетген заман – джашлыкъ ёлтюрюр.
- Бюгюн дуния кибик, тамбла ахыратды.
- Иги джашны ышаны – аз сёлешиб, кёб тынгылар.
- Ашда – бёрю, ишде – ёлю.
- Къартха ушагъан джаш – акъыллы, джашха ушагъан къарт – тели.
- Ачлыкъда тары гырджын халыуадан татлы.
- Тойгъа барсанг, тоюб бар, эски тонунгу къоюб бар.
- Юй ишлеген балта эшикде къалыр.
- Кечеси – аяз, кюню – къыш, джарлы къаргъагъа бир аш тюш!
- Къарт айтханны этмеген, къартаймаз.
- Сёз сёзню айтдырыр.
- Чабар ат – джетген къыз.
- Абынмазлыкъ аякъ джокъ, джангылмазлыкъ джаякъ джокъ.
Ошибка!
Для просмотра темы введите ваши логин и пароль.Пожалуйста, авторизуйтесь: