- Ётюрюк хапар аякъ тюбю бла джюрюйдю.
- Къартха ушагъан джаш – акъыллы, джашха ушагъан къарт – тели.
- Сёлеш деб шай берген, тохта деб, сом берген.
- Бермеген къол, алмайды.
- Тамырсыз терекге таянма – джыгъылырса.
- Сыфатында болмагъаны, суратында болмаз.
- Мадар болса, къадар болур.
- Тёзгеннге, джабылгъан эшик ачылыр.
- Телиге акъыл салгъандан эсе, ёлгеннге джан салырса.
- Абынмазлыкъ аякъ джокъ, джангылмазлыкъ джаякъ джокъ.
- Кёб къычыргъандан – къоркъма, тынч олтургъандан – къоркъ.
- Биреуню къыйынлыгъы бла кесинге джол ишлеме.
- Акъыл бла адеб эгизледиле.
- Адамны адамлыгъы къыйынлыкъда айгъакъланады.
- Тойгъан джерге джети къайт.
- Баш болса, бёрк табылыр.
- Эрни эр этерик да, къара джер этерик да, тиширыуду.
- Тилсиз миллет джокъ болур.
- Кесине гебен этелмеген, биреуге черен эте эди.
- Тёгюлген тюгел джыйылмайды.
- Хунаны тюбюн къазсанг, юсюнге ауар.
- Эринчекни эр алмаз, эр алса да, кёл салмаз, кёл салса да, кёб бармаз!
- Джыланны къуйругъундан басарынг келсе, аны башы болгъанын унутма.
- Ичимден чыкъды хата, къайры барайым сата?
- Адам сёзюнден белгили.
- Адамны аманы адамны бети бла ойнар.
- Алим болгъандан эсе, адам болгъан къыйынды.
- Джол бла сёзню къыйыры джокъ.
- Ач бёрюге мекям джокъ.
- Рысхы – насыбха къор.
- Этим кетсе да, сюегим къалыр.
- Арбаз сайлама да, хоншу сайла.
- Джангызны оту джарыкъ джанмаз!
- Ханы къызы буюгъа-буюгъа киштик болду.
- Аууз сакълагъан – джан сакълар.
- Ишлегенде эринме, ишде чолакъ кёрюнме.
- Джукъу тёшек сайламайды.
- Ашын ашагъанынгы, башын да сыйла.
- Аманны тукъумуна къарама, игини тукъумун сорма.
- Тёрдеги кюлсе, эшикдеги ышарыр.
- Аш иеси бла татлыды.
- Ургъан суудан башынгы сакъла.
- Ашыкъгъанны этеги бутуна чырмалыр.
- Эр сокъур болсун, къатын тилсиз болсун.
- Сютден ауузу кюйген, суугъа юфгюре эди.
- Мен да «сен», дейме, сен да «кесим», дейсе.
- Бозанг болмагъан джерге, къалагъынгы сукъма.
- Къыз келсе, джумуш эте келеди, къатын келсе, ушакъ эте келеди.
- Берекет берсин деген джерде, берекет болур.
- Бет бетге къараса, бет да джерге къарар.
Ошибка!
Для просмотра темы введите ваши логин и пароль.Пожалуйста, авторизуйтесь: