- Адамны сыфатына къарама, сёзюне къара.
- Адам къаллай бир ишленмесе, аллай бир кесин уллу кёреди.
- Сабий кёргенин унутмаз.
- Артына баргъанны, къатына барма.
- Сютню башын джалагъан къутулур, тюбюн ичген тутулур.
- Къар – келтирди, суу – элтди.
- Сабыр джетер муратха, сабырсыз къалыр уятха.
- Суугъа – таянма, джаугъа – ийнанма.
- Къулакъдан эсе, кёзге ышан.
- Кесинге джетмегенни, кёб сёлешме.
- Джашны джигитлиги сорулур, къызны джигерлиги сорулур.
- Бастасын ашагъан, хантусун да ичер.
- Экеулен сёлеше тура эселе, орталарына барыб кирме.
- Ариу сёзде ауруу джокъ.
- Бети – къучакълар, джюреги – бычакълар.
- Ёпкелегенни ашы татлы болады.
- Уллу сёлешме да, уллу къаб.
- Кюн – узун, ёмюр – къысха.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Гырджын – тепсини тамадасы.
- Элиб деген, элге болушур.
- Ишлерге уял да, ашаргъа табма.
- Уллу атлама – абынырса, уллу къабма – къарылырса.
- Уясында не кёрсе, учханында аны этер.
- Кирсизни – саны таза, халалны – къаны таза.
- Билимден уллу байлыкъ джокъду.
- Таш бла ургъанны, аш бла ур.
- Сормай – алма, чакъырылмай – барма.
- Кёзню ачылгъаны – иги, ауузну джабылгъаны – иги.
- Бозанг болмагъан джерге, къалагъынгы сукъма.
- Эл элде бирер малынг болгъандан эсе, бирер тенгинг болсун.
- Къартны бурнун сюрт да, оноугъа тут.
- Кёбге таш атма.
- Ашын ашагъанынгы, башын да сыйла.
- Тамбла алтындан бюгюн багъыр ашхы.
- Сёз – кюмюш, джыр – алтын.
- Тёгюлген тюгел джыйылмайды.
- Чабар ат – джетген къыз.
- Бал – татлы, балдан да бала – татлы.
- Билеги кючлю, бирни джыгъар, билими кючлю, мингни джыгъар.
- Къонакъ аз олтурур, кёб сынар.
- Эркиши – от, тиширыу – суу.
- Намысы болмагъанны, сыйы болмаз.
- Ёнгкюч къууана барыр, джылай келир.
- Иги сёз – джаннга азыкъ, аман сёз башха – къазыкъ.
- Уллу суу бла уллу ауруудан башынгы сакъла.
- Эл ауузу – элек, анга ийнаннган – халек.
- Керти сёзге тёре джокъ.
- Суу ичген шауданынга тюкюрме.
- Берекет берсин деген джерде, берекет болур.
Ошибка!
Для просмотра темы введите ваши логин и пароль.Пожалуйста, авторизуйтесь: