- Эрни эр этерик да, къара джер этерик да, тиширыуду.
- Къайгъы тюбю – тенгиз.
- Татлы тилде – сёз ариу, чемер къолда – иш ариу.
- Гугурук къычырмаса да, тангны атары къалмаз.
- Урама да – ёледи, сатама да – келеди.
- Хоншуну тауугъу къаз кёрюнюр, келини къыз кёрюнюр.
- Хантына кёре тузу, юйюне кёре къызы.
- Акъыл неден да кючлюдю.
- Къонакъ кёб келюучю юйню, къазаны отдан тюшмез.
- Зар адам ашынгы ашар, кесинги сатар.
- Тойгъан джерге джети къайт.
- Биреу къой излей, биреу той излей.
- Сабийни джумушха джибер да, ызындан бар.
- Ариу сёз аурууунгу алыр.
- Таукел адам тау тешер.
- Аджашхан тёгерек айланыр.
- Алим болгъандан эсе, адам болгъан къыйынды.
- Джолда аягъынга сакъ бол, ушакъда тилинге сакъ бол.
- Байлыкъ болгъан джерде, тынчлыкъ джокъду.
- Къазанда болса, чолпугъа чыгъар.
- Агъач халкъгъа алтынды, иссиликге салкъынды.
- Акъыллы эркиши атын махтар, акъылсыз эркиши къатынын махтар.
- Чомарт джарлы болмаз.
- Чёбню кёлтюрсенг, тюбюнден сёз чыгъар.
- Узун джолну барсанг, бюгюн келирсе, къысха джолну барсанг, тамбла келирсе.
- Сёлеш деб шай берген, тохта деб, сом берген.
- Адамны сабийин сюйген джюреги, бычакъча, джитиди.
- Эл ауузу – элия.
- Чабакъ башындан чирийди.
- Сютден ауузу кюйген, суугъа юфгюре эди.
- Ишни аллы бла къууанма да, арты бла къууан.
- Джарлы эскисин джамаса, къууаныр.
- Дженгил джетерикме деб, узун джолну къоюб, къысхасын барма.
- Джыйырма къойну юч джыйырма эбзе кюте эди.
- Арыгъан къош чамчы болур.
- Таула не мийик болсала да, аууш табылыр.
- Сакъ юйюне сау барыр.
- Кёрмегеннге кебек – танг, битмегеннге сакъал – танг.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Кесинг сынамагъан затны, адамгъа буюрма.
- Аман эсирсе, юйюн ояр.
- Аманнга алтын чыдамаз.
- Телиге от эт десенг, юйюнге от салыр.
- Нарт сёз – тилни бети.
- Кёзню ачылгъаны – иги, ауузну джабылгъаны – иги.
- Джуртун къоругъан озар.
- Суу кетер, таш къалыр.
- Кёб къычыргъандан – къоркъма, тынч олтургъандан – къоркъ.
- Джиби бир къат джетмей эди да, эки къат тарта эди.
- Мен да «сен», дейме, сен да «кесим», дейсе.
Ошибка!
Для просмотра темы введите ваши логин и пароль.Пожалуйста, авторизуйтесь: