- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Адамгъа аман кюн соруб келмейди.
- Ариу сёз аурууунгу алыр.
- Халкъны джырын джырласанг, халкъ санга эжиу этер.
- Къатын байлыкъны сюер, эр саулукъну сюер.
- Адам сёзюнден белгили.
- Адамны аманы адамны бети бла ойнар.
- Эки элинги тыйсанг, джети элде махталырса.
- Келинин тута билмеген, къул этер, къызын тута билмеген, тул этер.
- Къарнынг тойгъунчу аша да, белинг талгъынчы ишле.
- Тойгъа барсанг, тоюб бар, эски тонунгу къоюб бар.
- Ачлыкъ отха секиртир.
- Джылар джаш, атасыны сакъалы бла ойнар.
- Таугъа чыгъаллыкъ эсенг, тюзде къалма.
- Акъыл бла адеб эгизледиле.
- Хатерли къул болур.
- Эр сокъур болсун, къатын тилсиз болсун.
- Таукел къуру къалмаз.
- Мен да «сен», дейме, сен да «кесим», дейсе.
- Атадан ёксюз – бир ёксюз, анадан ёксюз – эки ёксюз.
- Уруну арты – къуру.
- Чыбыкълыкъда бюгюлмеген, къазыкълыкъда бюгюлмей эди.
- Бюгюн дуния кибик, тамбла ахыратды.
- Билмезни кёзю кёрмез, этмезни къулагъы эшитмез.
- Мал кёб болса, джууукъ кёб болур.
- Ишни аллы бла къууанма да, арты бла къууан.
- Сормай – алма, чакъырылмай – барма.
- Айыбны суу бла джууалмазса.
- Тилсиз миллет джокъ болур.
- Уллу айтханны этмеген – уллаймаз.
- Арбаз къынгырды да, ийнек сауалмайма.
- Эки ойлашыб, бир сёлешген.
- Атлыны кёрсе, джаяуну буту талыр.
- Сабий болмагъан джерде, мёлек болмаз.
- Аурууну келиую тынч, кетиую – къыйын.
- Мураты болгъанны джюрек тебюую башхады.
- Махтаннган къыз, тойда джукълар.
- Кенгеш болса, уруш болмаз.
- Кёл – къызбай, къол – батыр.
- Чомарт джарлы болмаз.
- Тюзню ётмеги тюзде къалса да, тас болмаз.
- Кечеси – аяз, кюню – къыш, джарлы къаргъагъа бир аш тюш!
- Эшекни не къадар тюйсенг да, ат болмаз.
- Ичимден чыкъды хата, къайры барайым сата?
- Джырына кёре эжиую.
- Бал чибинни ургъаны – ачы, балы – татлы.
- Суугъа – чабакъ, къаягъа – ыргъакъ.
- Элде адам къалмаса, ит тахтагъа минер.
- Акъыллы башны – тили къысха.
- Тин – байлыгъынг, терен саулугъунг.
Ошибка!
Для просмотра темы введите ваши логин и пароль.Пожалуйста, авторизуйтесь: