- Урама да – ёледи, сатама да – келеди.
- Рысхы джалгъанды: келген да этер, кетген да этер.
- Бастасын ашагъан, хантусун да ичер.
- Кёз – сюйген джерде, къол – ауругъан джерде.
- Билимли ёлмез, билимсиз кёрмез.
- Сютню башын джалагъан къутулур, тюбюн ичген тутулур.
- Башсыз урчукъ тюзюне айланмаз.
- Накъырда – кертини келечиси.
- Аз сёлешген, къайгъысыз турур.
- Аууздан келген, къолдан келсе, ким да патчах болур эди.
- Этим кетсе да, сюегим къалыр.
- Аман эсирсе, юйюн ояр.
- Ёлюр джаннга, ёкюл джокъ.
- Акъыл аздырмаз, билим тоздурмаз.
- Аман киши кеси юйюнде – къонакъ.
- Тиширыусуз юй – отсуз от джагъа.
- Джылар джаш, атасыны сакъалы бла ойнар.
- Билмейме деген – бир сёз
- Билим ат болуб да чабар, къуш болуб да учар.
- Ёксюзню къалачы уллу кёрюнюр.
- Ашхы тенг джолгъа салыр, аман тенг джолдан тайдырыр.
- Керти сёзге тёре джокъ.
- Иги адамны бир сёзю эки болмаз.
- Дженгил джетерикме деб, узун джолну къоюб, къысхасын барма.
- Нёгерсизни джолу узун.
- Биреу ашаб къутулур, биреу джалаб тутулур.
- Тёрде – темир таякълы, къаяда – чыпчыкъ аякълы.
- Аман адамны тепсинге олтуртсанг, къызынгы тилер.
- Къарнынг бла ёч алма.
- Къууут – джелге, берне – бошха.
- Кёбден умут этиб, аздан къуру къалма.
- Этни бети бла шорпасы.
- Чакъырылмагъан джерге барма, чакъырылгъан джерден къалма.
- Уллу сёзде уят джокъ.
- Чомарт джарлы болмаз.
- Ётюрюкчюню шагъаты – къатында.
- Ач бёрюге мекям джокъ.
- Окъ къызбайны джокълайды.
- Ашда – бёрю, ишде – ёлю.
- Минг тенг да азды, бир джау да кёбдю.
- Аман адам этегингден тутса, кес да къач.
- Ишленмеген джаш – джюгенсиз ат, ишленмеген къыз – тузсуз хант.
- Дуния малгъа сатылма, кесингден телиге къатылма.
- Къайтырыкъ эшигинги, къаты уруб чыкъма.
- Соргъан айыб тюлдю, билмеген айыбды.
- Таякъ этден ётер, тил сюекден ётер.
- Хар адамгъа кеси миннген тау кибик.
- Таш бла ургъанны, аш бла ур.
- Кийимни бир кюнню аясанг, минг кюннге джарар.
- Хар сёзню орну барды.
Ошибка!
Для просмотра темы введите ваши логин и пароль.Пожалуйста, авторизуйтесь: