- Адамны артындан къара сабан сюрме.
- Акъылсызны джууукъгъа алма, акъыллыны кенгнге салма.
- Хантына кёре тузу, юйюне кёре къызы.
- Къонакъны къачан кетерин сорма, къачан келлигин сор.
- Акъыллы эркиши атын махтар, акъылсыз эркиши къатынын махтар.
- Алма терегинден кери кетмез.
- Окъ къызбайны джокълайды.
- Акъыллы башны – тили къысха.
- Ишге юренсин къоллары, халкъ бла болсун джоллары.
- Сакъ юйюне сау барыр.
- Кимни – тили, тиши онглу, кимни – къолу, иши онглу.
- Иги сеники эсе да, сюйген кесимикин этеме.
- Кеси юйюмде мен да ханма.
- Башы ишлегенни, ауузу да ишлер.
- Эр сокъур болсун, къатын тилсиз болсун.
- Аз айтсам, кёб ангылагъыз.
- Ашыкъгъан cуу, тенгизге джетмез.
- Алтыда кюлмеген, алтмышда кюлмез.
- Тёзгеннге, джабылгъан эшик ачылыр.
- Айыбны суу бла джууалмазса.
- Юреннген ауруу къалмаз.
- Джерни букъусу кёкге къонмаз.
- Джетген къыз джерли эшекни танымаз.
- Ауузу аманнга «иги», деме.
- Джарлы джети элни сёзюн этер.
- Гырджын – тепсини тамадасы.
- Кёзю сокъурдан – къоркъма, кёлю сокъурдан – къоркъ.
- Ёлмесенг да, къарт дамы болмазса?
- Мухарны эси – ашарыкъда.
- Гугурук къычырмаса да, тангны атары къалмаз.
- Акъыл къартда, джашда тюйюлдю – башдады.
- Джангызны оту джарыкъ джанмаз!
- Ауругъанны сау билмез, ач къарынны токъ билмез.
- Адамны сыфатына къарама, сёзюне къара.
- Уясында не кёрсе, учханында аны этер.
- Иги болса, тамадама – махтау, аман болса, меннге – айыб.
- Къыз чыгъаргъан – къызыл къымжа.
- Дуния малгъа сатылма, кесингден телиге къатылма.
- Ёзденликни джайгъан – джокълукъ.
- Ат да турмайды бир териде.
- Хаухну атма, ёнгкючню сатма.
- Бастасын ашагъан, хантусун да ичер.
- Тенги кёбню джау алмаз, акъылы кёбню дау алмаз.
- Чакъырылгъанны аты, чакъырылмагъанны багъасы болур.
- Адам къыйынлыгъын кёлтюрюр, зауукълугъун кёлтюрмез.
- Телини эшигин, махтау джабар.
- Билгенни къолу къарны джандырыр.
- Миллетни бойну – базыкъ, аны бла кюрешген – джазыкъ.
- Эркишини аманы тиширыуну джылатыр.
- Кечеси – аяз, кюню – къыш, джарлы къаргъагъа бир аш тюш!
Ошибка!
Для просмотра темы введите ваши логин и пароль.Пожалуйста, авторизуйтесь: