- Адам къыйынлыгъын кёлтюрюр, зауукълугъун кёлтюрмез.
- Сакъ юйюне сау барыр.
- Иги бла джюрюсенг, джетерсе муратынга, аман бла джюрюсенг, къалырса уятха.
- Бет бетге къараса, бет да джерге къарар.
- Ёлген эшек бёрюден къоркъмайды.
- Чыбыкълыкъда бюгюлмеген, къазыкълыкъда бюгюлмей эди.
- Эринчекни аурууу – кёб.
- Ушамагъан – джукъмаз.
- Къарнынг къанлынга кийирир.
- Къыз тиширыу кеси юйюнде да къонакъды.
- Чабар ат – джетген къыз.
- Чомартны къолун джокълукъ байлар.
- Джуртун къоругъан озар.
- Ачны эсинде – аш.
- Сабийликде юретмесенг, уллу болса – тюзелмез.
- Эм ашхы къайын ана мамукъ бла башынгы тешер.
- Ариу сёз джыланны орнундан чыгъарыр.
- Ишни аллы бла къууанма да, арты бла къууан.
- Кёбню кёрген – кёб билир.
- Окъумагъан сокъурду, сокъур ташха абыныр!
- Ач къарынны, токъ билмез
- Байма, деб да, къууанма, джарлыма, деб да, джылама.
- Къарнынг тойгъунчу аша да, белинг талгъынчы ишле.
- Адеб этмеген, адеб кёрмез.
- Абынмазлыкъ аякъ джокъ, джангылмазлыкъ джаякъ джокъ.
- Джашлыкъ этмеген, башлыкъ этмез.
- Биреуню къыйынлыгъы бла кесинге джол ишлеме.
- Элге къуллукъ этмеген, элге ие болмаз.
- Адам сёзге тынгыла, акъыл сёзню ангыла.
- Махтаннган къыз, тойда джукълар.
- Сёз – кюмюш, джыр – алтын.
- Хар ишни да аллы къыйынды.
- Ишлегенде эринме, ишде чолакъ кёрюнме.
- Тенги кёбню джау алмаз, акъылы кёбню дау алмаз.
- Джюрекге ариу – кёзге да ариу.
- Экеу тутушса, биреу джыгъылыр.
- Акъыл бла адеб эгизледиле.
- Мухарны эси – ашарыкъда.
- Къар – келтирди, суу – элтди.
- Сакъалы текени да бар, мыйыгъы киштикни да бар.
- Чомарт джарлы болмаз.
- Ёзденликни кёбю ётюрюк.
- Къыйынлы джети элге оноу этер.
- Къарт болгъан джерде, берекет болур, сабий болгъан джерде, оюн болур.
- Ауурну тюбю бла, дженгилни башы бла джюрюген.
- Шайтан алдады, тюзлюк къаргъады.
- Булут кёкге джарашыу, уят бетге джарашыу.
- Аджалсыз ёлюм болмаз.
- Адамны артындан къара сабан сюрме.
- Термилгенинги табмазса, кюлгенинге тюберсе.
Ошибка!
Для просмотра темы введите ваши логин и пароль.Пожалуйста, авторизуйтесь: