- Уллу суу бла уллу ауруудан башынгы сакъла.
- Дуния аламаты сен эсенг да, игиме деб айтма.
- Баш – акъыл ючюн, акъылман – халкъ ючюн.
- Бичгенде ашыкъма, тикгенде ашыкъ.
- Шекер бла туз – бир болмаз, ушамагъан – юй болмаз.
- Таукел тауну аудурур.
- Къобан да къуру да къобханлай турмайды, адам да къуру да патчахлай турмайды.
- Джол бла сёзню къыйыры джокъ.
- Джырчы ёлсе, джыры къалыр.
- Къайгъы тюбю – тенгиз.
- Атлыны кёрсе, джаяуну буту талыр.
- Арыгъан къош чамчы болур.
- Ушамагъан – джукъмаз.
- Билмезни кёзю кёрмез, этмезни къулагъы эшитмез.
- Чабакъгъа акъыл, табагъа тюшсе келеди.
- Аман хансны – урлугъу кёб.
- Эм уллу байлыкъ – джан саулукъ.
- Акъыл сабырлыкъ берир.
- Рысхы джалгъанды: келген да этер, кетген да этер.
- Чомартха хар кюн да байрамды.
- Адам туугъан джеринде, ит тойгъан джеринде.
- Игилик игилик бла сингдирилиучю затды.
- Бет бетге къараса, бет да джерге къарар.
- Тешик этген тынчды, аны джамагъан къыйынды.
- Окъуусуз билим – джокъ, билимсиз кюнюнг – джокъ.
- Ким бла джюрюсенг, аны кёзю бла кёрюнюрсе.
- Къазанчы аман болса, къазаны къайнамаз.
- От кюйдюрген, сау болса да, тот кюйдюрген, сау болмаз.
- Ашлыкъ – бюртюкден, джюн – тюкден.
- Айырылмаз джууугъунга, унутмаз сёзню айтма.
- Къуру гыбыт бек дыгъырдар.
- Адамны сыфатына къарама, сёзюне къара.
- Ач къалгъандан, кеч къалгъан къолай.
- Адамны джюреги нени кёрюрге сюйсе, кёзю да аны кёрюрге ёч болады.
- Къонакъ хазыр болгъанлыкъгъа, къонакъбай хазыр тюлдю.
- Кёзю сокъурдан – къоркъма, кёлю сокъурдан – къоркъ.
- Дуния малгъа сатылма, кесингден телиге къатылма.
- Тура эдим джата, къайдан чыкъды хата?
- Ачыу алгъа келсе, акъыл артха къалады.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тау башында, тау болмаз, джангыз терек, бау болмаз.
- Тилде сюек болмаса да, сюек сындырыр.
- Джукъу тёшек сайламайды.
- Суу кетер, таш къалыр.
- Кюн – узун, ёмюр – къысха.
- Кёзюнде тереги болгъан, чёбю болгъаннга кюле эди.
- Сескекли кесин билдирир.
- Адамны адамлыгъы къыйынлыкъда айгъакъланады.
- Ишни аллы бла къууанма да, арты бла къууан.
- Къазанны башы ачыкъ болса, итге уят керекди.
Ошибка!
Для просмотра темы введите ваши логин и пароль.Пожалуйста, авторизуйтесь: