- Нёгер болсанг, тенг бол, тенг болмасанг, кенг бол.
- Кёлсюзден сёзсюз тууар.
- Ач уят къоймаз.
- Кёлю джокъну – джолу джокъ.
- Эм уллу байлыкъ – джан саулукъ.
- Эринчекге кюн узун.
- Ач бёрюге мекям джокъ.
- Садакъачыны джаны – къапчыгъында.
- Джогъун бар этген, барын бал этген.
- Билгенни къолу къарны джандырыр.
- Минг тенг да азды, бир джау да кёбдю.
- Акъыл сабырлыкъ берир.
- Татлы тилде – сёз ариу, чемер къолда – иш ариу.
- Артына баргъанны, къатына барма.
- Рысхы – сют юсюнде кёмюк кибикди.
- Тели турса – той бузар.
- Бети – къучакълар, джюреги – бычакълар.
- Иги болса, тамадама – махтау, аман болса, меннге – айыб.
- Къууут – джелге, берне – бошха.
- Джаханимни кёрмей, джандетге кёл салмазса.
- Ишлемеген – тишлемез.
- Бетинги сатма, малынгы сат.
- Джаралыны джастыгъында сау ёлюр.
- Ишленмеген джаш – джюгенсиз ат, ишленмеген къыз – тузсуз хант.
- Бозаны арты дауур болур.
- Туз, гырджын аша, тюзлюк бла джаша.
- Окъугъанны бети джарыкъ.
- Сакъ юйюне сау барыр.
- Чакъырылмагъан къонакъ тёрге атламаз.
- Кенгеш болса, уруш болмаз.
- Бюгюн дуния кибик, тамбла ахыратды.
- Ким бла джюрюсенг, аны кёзю бла кёрюнюрсе.
- Ёмюрлюк шохлукъну джел элтмез.
- Байны къызы баймакъ болса да, юйде къалмаз!
- Сыфатында болмагъаны, суратында болмаз.
- Чоюнну башы ачыкъ болса, итге уят керекди.
- Къобан да къуру да къобханлай турмайды, адам да къуру да патчахлай турмайды.
- Алтыннга тот къонмаз.
- Акъыллы башны – тили къысха.
- Ишленмеклик адамлыкъды.
- Соргъан айыб тюлдю, билмеген айыбды.
- Кийиминг бла танылма, адамлыкъ бла таныл.
- Къартны сыйын кёрмеген, къартлыгъында сыйлы болмаз.
- Ач, тоймам, дейди, тойгъан, ач болмам, дейди.
- Къарт болгъан джерде, берекет болур, сабий болгъан джерде, оюн болур.
- Тилчи бир сагъатха айлыкъ хата этер.
- От этилмеген джерден тютюн чыкъмайды.
- Термилгенинги табмазса, кюлгенинге тюберсе.
- Гугурук къычырмаса да, тангны атары къалмаз.
- Аз сёлешген, къайгъысыз турур.
Инженерная тема
09.11.2011 13:39:35
Умный дом на связи))))
|
||||
|
|
|||
Читают тему (гостей: 1)