- Чёбню кёлтюрсенг, тюбюнден сёз чыгъар.
- Адам боллукъ, атламындан белгили болур.
- Айтылгъан буйрукъ, сёгюлмез
- Эркиши – от, тиширыу – суу.
- Битмегеннге сакъал – танг.
- Джюрек кёзден алгъа кёрюр.
- Джылыгъа джылан илешир.
- Тешигини къатында, чычхан да батыр болур.
- Акъыл аздырмаз, билим тоздурмаз.
- Билим – акъылны чырагъы.
- Таула не мийик болсала да, аууш табылыр.
- Ана къойну – балагъа джандет.
- Хар ишни да аллы къыйынды.
- Тёзгеннге, джабылгъан эшик ачылыр.
- Эрни эр этерик да, къара джер этерик да, тиширыуду.
- Юреннген ауруу къалмаз.
- Чыкълы кюнде чыкъмагъан, чыкъса къуру кирмеген.
- Эм ашхы къайын ана мамукъ бла башынгы тешер.
- Биреуге аманлыкъны тилеме да, кесинге ашхылыкъны тиле.
- Кенгеш болса, уруш болмаз.
- Кесинге джетмегенни, кёб сёлешме.
- Къайтырыкъ эшигинги, къаты уруб чыкъма.
- Тиширыусуз юй – отсуз от джагъа.
- Бойнуму джети джерден кессенг да, мен ол ишни этеллик тюлме.
- Ач бёрюге мекям джокъ.
- Къонакъ аз олтурур, кёб сынар.
- Халкъны юйю – туугъан джери.
- Чоюнну башы ачыкъ болса, итге уят керекди.
- Берекет берсин деген джерде, берекет болур.
- Ач отунчуну ачыуу – бурнунда.
- Ауузу аманнга «иги», деме.
- Мадар болса, къадар болур.
- Аман адам этегингден тутса, кес да къач.
- Кесине гебен этелмеген, биреуге черен эте эди.
- Киштикге къанат битсе, чыпчыкъ къалмаз эди.
- Сютню башын джалагъан къутулур, тюбюн ичген тутулур.
- Эки элинги тыйсанг, джети элде махталырса.
- Артына баргъанны, къатына барма.
- Магъанасыз сёз – тауушсуз сыбызгъы.
- Нёгер болсанг, тенг бол, тенг болмасанг, кенг бол.
- Адеб этмеген, адеб кёрмез.
- Джеринден айырылгъан – джети джылар, джуртундан айырылгъан – ёлгюнчю джылар.
- Ач уят къоймаз.
- Тенгинг джокъ эсе – изле, бар эсе – сакъла!
- Огъурлуну сёзю – суу, огъурсузну сёзю – уу.
- Ышармагъан – кюлмез, кюлмеген – къууанчны билмез.
- Адамны бетине къарама, адетине къара.
- Тойгъан антын унутур.
- Суу ичген шауданынга тюкюрме.
- Мал ёлсе, сюек къалыр, адам ёлсе, иши къалыр.
Инженерная тема
09.11.2011 13:39:35
Умный дом на связи))))
|
||||
|
|
|||
Читают тему (гостей: 1)