- Аз айтсам, кёб ангылагъыз.
- Тенгни тенглиги джашай барсанг билинир.
- Ач къарным, тынч къулагъым.
- Татлы сёз – балдан татлы.
- Ишлегенде эринме, ишде чолакъ кёрюнме.
- Ишни ахырын ойламай, аллын башлама.
- Берекет берсин деген джерде, берекет болур.
- Тойгъан антын унутур.
- Джырына кёре эжиую.
- Эл элде бирер малынг болгъандан эсе, бирер тенгинг болсун.
- Тилде сюек болмаса да, сюек сындырыр.
- Джылыгъа джылан илешир.
- Ашатыргъа иш – ашхы, ишлетирге аш – ашхы.
- Ачлыкъда тары гырджын халыуадан татлы.
- Кёбню кёрген – кёб билир.
- Ойнай-ойнай кёз чыгъар.
- Къаллай салам берсенг, аллай джууаб алырса.
- Джуртун къоругъан озар.
- Алтыда кюлмеген, алтмышда кюлмез.
- Садакъачыны джаны – къапчыгъында.
- Ашхы – джыяр, аман – джояр.
- Акъыллы башны – тили къысха.
- Къайгъыны сюйген, къайгъы табар.
- Ашыкъгъанны этеги бутуна чырмалыр.
- Къолу уллу – асыу, аягъы уллу – джарсыу.
- Aдам боллукъ, сыфатындан белгили.
- Джогъун бар этген, барын бал этген.
- Чабакъсыз кёлге къармакъ салгъанлыкъгъа, чабакъ тутмазса.
- Элиб деген, элге болушур.
- Мадар болса, къадар болур.
- Билим насыб берир, билим джолну керир.
- Нарт сёз – тилни бети.
- Къартны бурнун сюрт да, оноугъа тут.
- Иши джокъну, сыйы джокъ.
- Ётюрюкню башын керти кесер.
- Кёкдеги болмаса, джердегин кёрмейди.
- Биреуню тёрюнден, кесинги эшик артынг игиди.
- Ариу сёз – джаннга азыкъ, аман сёз – башха къазыкъ.
- Аман киши кеси юйюнде – къонакъ.
- Аурууну келиую тынч, кетиую – къыйын.
- Кёб джат да, бек чаб.
- Ашлыкъ – бюртюкден, джюн – тюкден.
- Ашына кёре табагъы, балына кёре къалагъы.
- Чакъырылгъанны аты, чакъырылмагъанны багъасы болур.
- Алма терегинден кери кетмез.
- Ариу сёз джыланны орнундан чыгъарыр.
- Нарт сёз къарт болмаз.
- Хоншуну тауугъу къаз кёрюнюр, келини къыз кёрюнюр.
- Ач къарынны, токъ билмез
- Ёксюзню къалачы уллу кёрюнюр.
Внимание!
Сообщение будет показано после одобрения модератором.
Встреча в Эльбе - Нальчик с Ахматом Созаевым
Внимание!
Сообщение будет показано после одобрения модератором.
Читают тему (гостей: 1)