- Аллахха ийнаннган кишини, Аллах онгдурур ишин.
- Дуния мал дунияда къалады.
- Ышармагъан – кюлмез, кюлмеген – къууанчны билмез.
- Джарлы эскисин джамаса, къууаныр.
- Таш ата билмеген, башына урур.
- Гитче джилтин уллу элни джандырыр.
- Ачлыкъда тары гырджын халыуадан татлы.
- Акъыллы эркиши атын махтар, акъылсыз эркиши къатынын махтар.
- Бир онгсуз адам адет чыгъарды, деб эштирик тюлсе.
- Ауурну тюбю бла, дженгилни башы бла джюрюген.
- Къан бла кирген, джан бла чыгъар.
- Къыйынлы джети элни къайгъысын этер.
- Гырджын – тепсини тамадасы.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ач отунчуну ачыуу – бурнунда.
- Ата Джуртча джер болмаз, туугъан элча эл болмаз.
- Ким бла джюрюсенг, аны кёзю бла кёрюнюрсе.
- Эр абынмай, эл танымаз.
- Бети къызарыучу адамны, джюреги харам болмаз.
- Ашына кёре табагъы, балына кёре къалагъы.
- Орундукъ тюбюнде атылсам да, орта джиликме, де да айлан.
- Уясында не кёрсе, учханында аны этер.
- Аш берме да, къаш бер.
- Зар адам ашынгы ашар, кесинги сатар.
- Къатын къылыкъсыз, эр тынчлыкъсыз.
- Къошда джокъгъа – юлюш джокъ.
- Ёпкелегенни ашы татлы болады.
- Мени джылытмагъан кюн, меннге тиймесин!
- Ариу джол аджал келтирмез.
- Къарнынг тойгъунчу аша да, белинг талгъынчы ишле.
- Намыс сатылыб алынмайды.
- Къумурсхала джыйылсала, пилни да джыгъадыла.
- Акъыл неден да кючлюдю.
- Уруну арты – къуру.
- Ауузу аманнга «иги», деме.
- Иги адам абынса да, джангылмаз.
- Чомартха Тейри да борчлуду.
- Тыш элде солтан болгъандан эсе, кесинги элде олтан болгъан игиди!
- Иги – алгъыш этер, аман – къаргъыш этер.
- Уллу къазанда бишген эт, чий къалмаз.
- Эркишиге тары кебек танг кёрюнюр.
- Хоншуну тауугъу къаз кёрюнюр, келини къыз кёрюнюр.
- Джашынгы кесинг юретмесенг, джашау юретир.
- Мухарны эси – ашарыкъда.
- Чакъырылмай келген къонакъ сыйланмай кетер.
- Къызбайны юйюне дери сюрсенг, батыр болур.
- Эки къатын алгъанны къулагъы тынгнгаймаз.
- Джол бла сёзню къыйыры джокъ.
- Чыкълы кюнде чыкъмагъан, чыкъса къуру кирмеген.
- Кёзюнде тереги болгъан, чёбю болгъаннга кюле эди.
Малкъар уя
12.10.2011 19:04:55
|
|
|
|
14.10.2011 12:27:23
toni
Бек аламат ! Мундан ары да Аллах онг берсин ! Халкъыны сый берген адамгъа - МАХТАУ !!! |
||||
|
|
|||
Читают тему (гостей: 1)