- Ачны эсинде – аш.
- Эркишиге тары кебек танг кёрюнюр.
- Ач, тоймам, дейди, тойгъан, ач болмам, дейди.
- Бал чибинни ургъаны – ачы, балы – татлы.
- Рысхысына кёре, джаш ёсер, къышлыгъына кёре, мал ёсер.
- Ауругъан – джашаудан умутчу.
- Башы ишлегенни, ауузу да ишлер.
- Чомарт бергенин айтмаз.
- Татлы тилде – сёз ариу, чемер къолда – иш ариу.
- Джюрекден джюрекге джол барды.
- Таула не мийик болсала да, аууш табылыр.
- Иги адам абынса да, джангылмаз.
- Хар зат кесини орнуна иги.
- Ёзденликни джайгъан – джокълукъ.
- Джан саулукъ бермей, сан саулукъ бермезсе.
- Башы джабылгъан челекге, кир тюшмез.
- Эки къатын алгъан – эки ташны ортасына башын салгъан.
- Джеринден айырылгъан – джети джылар, джуртундан айырылгъан – ёлгюнчю джылар.
- Сабыр джетер муратха, сабырсыз къалыр уятха.
- Башсыз урчукъ тюзюне айланмаз.
- Ойнай билмеген, оюн бузар.
- Игини сыйлагъан адетди.
- Хар сёзню орну барды.
- Джарашыу сюйген – джалынчакъ.
- Ата Джуртуму башы болмасам да, босагъасында ташы болайым.
- Сакъалы текени да бар, мыйыгъы киштикни да бар.
- Акъдан къара болмаз.
- Ишленмеген джаш – джюгенсиз ат, ишленмеген къыз – тузсуз хант.
- Окъуу – билимни ачхычы, окъуу – дунияны бачхычы.
- Джумушакъ сёз къаты таякъны сындырыр.
- Джылар джаш, атасыны сакъалы бла ойнар.
- Къуру гыбыт бек дыгъырдар.
- Адебни адебсизден юрен.
- Ариу сёзде ауруу джокъ.
- Кюлме джашха – келир башха.
- Къонагъы джокъну – шоху джокъ.
- Ауузу бла къуш тута айланады.
- Джыйырма къойну юч джыйырма эбзе кюте эди.
- Бети – къучакълар, джюреги – бычакълар.
- Чёбню кёлтюрсенг, тюбюнден сёз чыгъар.
- Мен да «сен», дейме, сен да «кесим», дейсе.
- Сибиртки да сыйлы болду, кюрек да кюнлю болду.
- Орундукъ тюбюнде атылсам да, орта джиликме, де да айлан.
- Игилик игилик бла сингдирилиучю затды.
- Ёксюзню къалачы уллу кёрюнюр.
- Ышармагъан – кюлмез, кюлмеген – къууанчны билмез.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Адам къыйынлыгъын кёлтюрюр, зауукълугъун кёлтюрмез.
- Билим къая тешер.
- Къазанчы аман болса, къазаны къайнамаз.
Малкъар уя
      |
|
|
|
|
|
toni
Бек аламат ! Мундан ары да Аллах онг берсин ! Халкъыны сый берген адамгъа - МАХТАУ !!!   |
||||
|
|
|
|||
Читают тему (гостей: 1)