- Адам сёзюнден белгили.
- Кёрмегеннге кебек – танг, битмегеннге сакъал – танг.
- Бозанг болмагъан джерге, къалагъынгы сукъма.
- Джангызны оту джарыкъ джанмаз!
- Окъугъан озар, окъумагъан тозар.
- Байлыкъ келсе, акъыл кетер.
- Элге къуллукъ этмеген, элге ие болмаз.
- Ата – баланы уясы.
- Агъач – джерни чырайы, кийим – эрни чырайы.
- Аджалсыз ёлюм болмаз.
- Термилгенинги табмазса, кюлгенинге тюберсе.
- Байны оноуу, джарлыгъа джарамаз.
- Ургъан суудан башынгы сакъла.
- Тамбла алтындан бюгюн багъыр ашхы.
- Айтханы чапыракъдан ётмеген.
- Къатыны харакетли болса, эри къымсыз болур.
- Гитче джилтин уллу элни джандырыр.
- Эртде тургъан бла эртде юйленнген сокъуранмаз.
- Намыс сатылыб алынмайды.
- Кёб джат да, бек чаб.
- Этек чакъмакълары баш джаргъан, сёлешген сёзлери таш джаргъан.
- Хар ишни да аллы къыйынды.
- Ёлюр джаннга, ёкюл джокъ.
- Джюз элде джюз ёгюзюм болгъандан эсе, джюз джууугъум болсун.
- Кёзню ачылгъаны – иги, ауузну джабылгъаны – иги.
- Ашхы – джыяр, аман – джояр.
- Адамны джюреги нени кёрюрге сюйсе, кёзю да аны кёрюрге ёч болады.
- Аман къатын алгъан, арыр, иги къатын алгъан джарыр.
- Тёрени джагъы джокъ.
- Джырчы ёлсе, джыры къалыр.
- Сёз – кюмюш, джыр – алтын.
- Бир абыннган – минг сюрюнюр.
- Окъдан джара эртде-кеч болса да бителир, сёз джара, ёмюрге къалыр.
- Кёб къычыргъандан – къоркъма, тынч олтургъандан – къоркъ.
- Кимни – тили, тиши онглу, кимни – къолу, иши онглу.
- Билмегенинги, билгеннге сор.
- Бет бетге къараса, бет да джерге къарар.
- Айран ичген – къутулду, джугъусун джалагъан – тутулду.
- Мал тутхан – май джалар.
- Айырылмаз джууугъунга, унутмаз сёзню айтма.
- Сескекли кесин билдирир.
- Ишлерге уял да, ашаргъа табма.
- Билим ат болуб да чабар, къуш болуб да учар.
- Къалгъан ишге къар джауар.
- Чомарт къонакъ юй иесин сыйлар.
- Терек ауса, отунчу – кёб.
- Кесине оноу эте билмеген, халкъына да эте билмез.
- Таула не мийик болсала да, аууш табылыр.
- Джыйырма къойну юч джыйырма эбзе кюте эди.
- Биреуню къыйынлыгъы бла кесинге джол ишлеме.
Счастье быть звездою своего народа...
|
Поздравляю! Вам - наше признание и любовь!
 |
|
|
|
|
|
Поздравляю! Софа Магометовна действительно звезда Карачаевского народа!
|
|
|
|
|
|
Аллах Саулукъ - Эсенлик берсин !
Ариу сёзлю,джумушакъ кёллю,ачыкъ адамды. |
||||
|
|
|
|||
Читают тему (гостей: 1)