Войти на сайт
28 Марта  2024 года

 

  • Байма, деб да, къууанма, джарлыма, деб да, джылама.
  • Тюзлюк шохлукъну бегитир.
  • Кёбден умут этиб, аздан къуру къалма.
  • Джылыгъа джылан илешир.
  • Айныгъанлы алты кюн, тогъайгъанлы тогъуз кюн.
  • Иги сеники эсе да, сюйген кесимикин этеме.
  • Ачыу алгъа келсе, акъыл артха къалады.
  • Къазанда болса, чолпугъа чыгъар.
  • Ашхы тенг джолгъа салыр, аман тенг джолдан тайдырыр.
  • Кёб къычыргъандан – къоркъма, тынч олтургъандан – къоркъ.
  • Ишленмеген джаш – джюгенсиз ат, ишленмеген къыз – тузсуз хант.
  • Къарт айтханны этмеген, къартаймаз.
  • «Ма», - дегенни билмесенг, «бер», - дегенни билмезсе.
  • Джаралыны джастыгъында сау ёлюр.
  • Ётген ёмюр – акъгъан суу.
  • Къозулугъунда тоймагъан, къойлугъунда тоймаз.
  • Мухар, кеси тойса да, кёзю тоймаз.
  • Юреннген ауруу къалмаз.
  • Юре билмеген ит, къонакъ келтирир.
  • Къарт бла баш аша, джаш бла аякъ аша.
  • Насыблы элин сюер, насыбсыз кесин сюер.
  • Байны къызы баймакъ болса да, юйде къалмаз!
  • Байдан умут эте, джарлыдан ёгюз багъасы къорады.
  • Тил – кесген бычакъ, сёз – атылгъан окъ.
  • Кёлю джокъну – джолу джокъ.
  • Ач къалгъандан, кеч къалгъан къолай.
  • Къуллукъчума, деб махтанма, къуллукъ – хаух джамчыды!
  • Киштикге къанат битсе, чыпчыкъ къалмаз эди.
  • Оюмсуз атлагъан, аджалсыз ёлюр.
  • Эркишиге тары кебек танг кёрюнюр.
  • Айтханы чапыракъдан ётмеген.
  • Джаз бир кюнню джатсанг, къыш талай кюнню абынырса.
  • Эринчекге кюн узун.
  • Аманны тукъумуна къарама, игини тукъумун сорма.
  • Джукъу тёшек сайламайды.
  • Джаханимни кёрмей, джандетге кёл салмазса.
  • Билимден уллу байлыкъ джокъду.
  • Джангыз торгъай джырламаз.
  • Билим насыб берир, билим джолну керир.
  • Соргъан айыб тюлдю, билмеген айыбды.
  • Байлыкъ адамны сокъур этер.
  • Къызбайны юйюне дери сюрсенг, батыр болур.
  • Ишни аллы бла къууанма да, арты бла къууан.
  • Айран тёгюлсе, джугъусу къалыр.
  • Джерни букъусу кёкге къонмаз.
  • Термилгенинги табмазса, кюлгенинге тюберсе.
  • Эртде тургъан джылкъычыны эркек аты тай табар.
  • Кирсизни – саны таза, халалны – къаны таза.
  • Малны кют, джерни тюрт.
  • Билим къая тешер.

 

Страницы: 1
RSS
-------------------------ОЧЕНЬ НАДО !
 
ДЖАМАГЪАТ
ИЩУ ПЕСНЮ "ДЖАНСОХЛАРЫ"
ХОТЯБ ТЕКСТ!
ДЖЫРЛАГЪАН БИЛЕЕСЕГИЗДА! ...ЛЮБОЙ НАВОДКА!
 
ALANULAN
Джансохлары джыры
Джансохлары Ташлы -Сыртда джашай элле,ойра,
Табханларын шишлик къойлай ашай элле,ойра.

Джансохлары тогъузоулан бола элле,ойра,
Тогъузусу тогъуз хорагъа къона элле,дейди.

Къоркъакълыкъдан батырлыкъны сюе элле,ойра,
Ала бирер кюбе кёлек кие элле,ойра.
Тамадаларыны аты Джюзе эди,марджа,
Секириб минсе,ат белин бюге эди ,марджа.

Ачыуланса ,темир ауузлукъ юзе эди,ойра,
Урушха кирсе,чабакъча юзе эди,ойра.

Аны кичиси уа болур Джаубермез ,ойра,
Кишиликге джетсе,бир да ал бермез,ойра.

Аны кичиси да болур Къырымхан ,ойра,
Ол кеси къырым бийлени къурутхан,ойра.

Бек кичилерини аты Орусхан ,ойра,
Ол да,жаным ,законланы къурутхан ,ойра.

Джансохлары-бек огъурсуз ханлары,дейди.
Къалай джашасын дунияда джанлары,ойра.

Джюзе къарнашларына алай айтханды, дейле:
-Къарнашларым,сизге бир сёз айтайым,-ойра.

-Айт,айт!Бизни тамадабыз ,агъабыз,-дейле.
Айтхан сёзюнг-барыбызны багъабыз,-дейле.

Джюзе кеси алай айтыб сёлешди,марджа.
Тюлкюлеча дорбуннга кириб турмайыкъ,-деди.

Аны къалгъанла да къабыл этдиле,дейди:
Гюрюндешиб ,джайлыкълагъабаралла,марджа.
 
Аллах айтса,тамбла джазыб бошарма.
 
Сырт юсюнде жибек халыла байлалла,дейди
Ташлы сыртны юй оруннга сайлалла ,дейди.

Тытыр бла тутхан юйле ишлейле,ойра,
Тёгерекге ажир кибик кишнейле,ойра....
....
 
Treasure
БОШАЛДЫМЫ?
БЕК САУ БОЛ!
 
ALANULAN
Огъай,бошалмады.
Как только начинаю печатать,кто-нибудь да отвлекает.


Ала эндиТашлы сыртда жашайла ,ойра...
Къабартыны жигитлерин ашайла,ойра...

Жансохлары дегенинг,ой,сарыла дейди...
Ала тартыпкъабарты полкга барырла,ойра...

Сора Джюзе алай айтды джашлагъа,ойра...
-Садакъ окъланы бузмай,ким чыгъарса,-деди,-

Сындырмайын мени аллыма ким салса,-деди,-
Анга тамадалыгъымы къоярма,-деди.

Джашла ,туруб,кезиу-кезиу тартдыла,ойра,
Бири да окъну чыгъаралмай къалдыла ,ойра.

Сора Джюзе секириб атдан тюшгенди,дейди,
Аякъларын къара ташха тирегенди ,дейди.

Ала анда ат чаришле салырла,дейди...
Озгъанлыкъны кеслерине алырла,ойра...

Ала сора атланышып кетдиле,ойра....
Жортуп,Къара-Къура кезге жетдиле,ойра...

Адам сыфатлы бир ташны кёрдюле,дейди...
Къарангы эл,гузаба сирелдиле,дейди...

Къара ташны Хадаужукъ а сундула,марджа...
Садакъ окъланы бирден бек къуйдула,марджа...

Ала ол кече алайдакъалдыла,ойра...ол?Эртген хапар алдыла,ойра...

Ала къарап ,къара ташны кёрдюле ,ойра...
-Къарангыла,жангылгъанбыз,-дедиле,ойра...

Таш тураед ,сынакъларычачылып,ойра,
Къары-къары садакъ окъла чанчылыб ,ойра...
 
Сора Джюзе алай айтды джашлагъа,ойра:
-Садакъ окъланы бузмай ким чыгъарса ,-деди,-
Сындырмайын мени аллыма ким салса,-деди,-
Анга тамадалыгъымы къоярма,деди.

Джашла, туруб ,кезиу-кезиу тартдыла ,ойра,
Бири да окъну чыгъаралмай къалдыла,ойра .

Сора Джюзе секириб атдан тюшгенди ,дейле,
Аякъларын къара ташха тирегенди ,дейди.

Тартыб-тартыб,садакъ окъланы алды,дейди,
Къара ташны къара къанын агъызды ,ойра.
 
Сра джашла джаныу сёзле айтдыла ,дейди,
-Хадауджукъ улу ,ананг берген къан болсун,дейле,-

Сени сюегинг мындан къаты болмаса ,-делле,-
Не уа теринг мындан къалын болмаса ,-делле.

Джюзе деди:-Ой,сиз батыр джигитле,ойра,
Ташадад деб,джауну сёзге алмагъыз ,-деди.

Къаргъа, къузгъун тилни ол да биледи ,дейле,-
Бизге къаджау ол тишлерин билейди,дейле.

Башлары бла ала къаргъа учханды,ойра,
Хададжукълада ат илкичге къонганды,ойра.
 
Treasure
ЭНДИУА? БОЛДУМУ?
 
Ала къаргъа къаркъ-къуркъ эте башлад,ойра...
Джаныу сёзлени барын анга ташлады,ойра...

Хадауджукъ улун Джансохлары джаныйла,дейди,
Кишиликни сынашыргъа сакълайла ,дейди...

Ол ишлени Хадауджукъулу билгенди,марджа...
Терк окъуна къабарты полкну тизгенди,марджа...

Аскерине:Сиз тохтагъыз,мен барайым,деди,
Муратларын ,не дерлерин,билейим,-деди.

Джангыз кеси акъ атха миниббаргъанды,дейле,
Джете келиб,сууукъ салам бердиле,делле..

Ат ёшени бла Джюзениатын ургъанды,марджа,
-Эй,мени къой да,джашла бла ойначы,деди.

-Кёзлерим бард ,джашланы да кёреме,-деди,
Мен сени бла ойнаргъа сюеме,деди.

-Да сора сен юч кезиуню къкъгъанса,-деди,
Тёртюнчю -энди мен да бир къагъайым,-деди.

Джюзе,артха кетиб ,кючлю къакъгъанды ,-дейди,
Хадауджукъ улу чартлаб атдан акъгъанды,- дейди.

Миннген аты тентиреб джыгъылгъанды,-ойра,
Ат иерини къашы джарылгъанды,ойра.

Джансох улу дуппурчукъда олтурду ,ойра,
Къазий улу уа кёк хорасына къойду,ойра.

Ойнай-кюле,къабарты аскерге джетгенди,ойра,
Джырыб-Джырыб,бирси джанына ётгенди ,ойра.

Къараб,Джансох улун дуппурда кёргенди,марджа,
Атны джилтинлетиб ,юсюне келгенди,марджа:
 
-Нек тураса ,Джюзе ,ойнамай,кюлмей,ойра,
Джигит эсенг къабарты полкга кирмей?-ойра.

Алай айтыб,эки да,юч да келди,
Джюзе сора таза къоймазын билди.

Джансох улуна ол ачыу тийгенди ,
-Да сен мени къоймазлыкъгъа ушайса!

Темир къамичисин алыб,эки бюкледи,
-Хайда,энди келгеннге мен хазырма!

Къазий улу дагъыда айланыб,келгенди,
-Джансох улу,былайда нек тураса?

Джигитлеча ойнамайын,кюлмейин,
Къараб турмай,къабарты полкга кирмейин,

Ой ,аман Джюзе,къарт болубму къалгъанса?
Атны ёшютлениб ,юсюне бурду,ойра.

-Сейир тюлдю,къарт да болгъан болурма,
Къазий улуну ат ёшюню бла урду.

-Аллах-Аллах,терсми болдум ,къарт эдинг,
Къат бла ойнамасакъ боллукъ эди!

-Сен ёлмегин,къартлыгъымдан сора уа ,
Тукъумунг а менден уллу болуред,

Ала сора сен бий ,мен бий болдула ,
Ахырында бу оноугъа келдиле.

Экибизден бийни -гёджефи айырыр ,
Экиси да гёжеф излей кетдиле.
 
 
Джюзе джолда туз арбачыны джетди,
Аны сайлаб.кесине гёджеф этди.

Къазий улу да бир гёджеф табханды,
Хар бириси гёджефине бакъгъанды.

Ол кезиуде бир уллу бий ёлгенд,
Къазий улу анга кетиб къалгъанед.

Джюзе:-Энди болджалыбыз джетгенди,
Гёджефлени келтиригиз-дегенди.

Къазий улу ол кюн анда джокъ эди,
Гёджефи да:-Ансыз тутушмам,- дегенди.

Къоймай,гёджефлени тутушдурдула,
Джюзени гёджефи бирин джыкъгъанды.

Аны кёрюб,Джансох улу зарланды,
Гёджефин ,джартын уруб,ёлтюрдю.

-Ием келмей ,басдырмагъыз,-дегенди,
Мычымайын,Къазий улу джетгендии.

Гёджефин ёлюб турганын кёрдю,
Къанын алмай къоймазгъа,ол ант этди.

Джюзеге ол хыйла этди,махтады,
-Мындан арыантлы болуб,джашайыкъ.

"Антны Татартюпге барыб,этейик",
Салыб сора Татартюпге бардыла.
 
Джюзе анда:-Ол тиймесе,мен тиймем,
Татартюпде ол ант этиб,сёз берди.

Ызы бла Къазий улу киргенди,
-Геджефими къанын алмай,къоймам.

Бир кюн Къазий улу барды Джюзеге,
-Келчи,Джюзе,атланайыкъ,джюрюйюк.

Джюзе шапасын да алыб тебирейди,
Джюзени къатыны тилеб,иймеди.

Джюзе тохтамады,джолгъа тебиреди,
Къатыны уа шапасындан тиледи:

-Сакъ бол,-деди,Кеси джангыз къалмасын,-
Душманы бард,джау табасы болмасын.

Джюзе бла Къазий улу чыкъдыла ,
Экиси да бирер шапа алдыла.

Бара-барыб,бир къонушда тюшдюле,
Тюш азыкъгъа бир семиз къой кесдиле.

Къой сояды Къазий улуну шапасы ,
Джюзени шапасы уа суугъа барсын.

Шапа,бийчесинден къоркъуб:"Байрмайма",-деди,
Джюзе,къоймай""Бар",-деб,суугъа джиберди.

Шапа кетди,Джюзе джатыб къалкъыйды ,
Къазий улу аны урургъа талпыйды.

Джукълаб тургъанлай ,къылычын бекледи,
Шапасы уа анга айыб этгенди.

Джюзе сескениб турургъа тебиреди,
Экинчи да къаш башындан сермеди.

Джюзе къылычын суууруб,сермеди,
Къолу тутмай,джау табанын кетерди.

Джюзе ачыудан кюкюрей ёлгенди,
Къазий улу да дерт алыб кетгенди.
 
ALANULAN
Всё.
А "гёджеф"-это что?
 
Treasure САУ БОЛ! БЕК СУАБ ИЩ ЭТДИНГ !


ГЁДЖЕБ-СИЛАЧ,БОГАТЫРЬ
 
ALANULAN
Не сау болу барды.Была рада помочь.

ГЁДЖЕБ-СИЛАЧ,БОГАТЫРЬ
Сау бол.
 
БУ ДЖЫРНЫ ,КЪУРУБ КЕТГЕН ДЖЫРДЫ ДЕБ АЙТХАНЕДИЛЕ МЕННГЕ!
АНЫ ЮЧЮН КЪУУАНАМА МЕНДА !

СОРГЪАННЫ АЙЫБЫ ДЖОКЪДУ!---КЪАЙДАН ТАБДЫНГ СЁЗЛЕРИН? НОТАЛАРЫНГ ДЖОКЪМУДУ?
 
ДЖАМАГЪАТ КТО ЗНАЕТ ГДЕ МОЖНО ДОСТАТЬ ГЫПЫ(АЙРАН)
 
Скажите пожалуйста про что в песне поётся?спасибо.
 
каша
 
ДЖАМАГЪАТ КТО ЗНАЕТ ГДЕ МОЖНО ДОСТАТЬ ГЫПЫ(АЙРАН)

я тоже ищу))
сейчас уже с трудом объясняешь людям, что гыпы айран и айран не совсем одно и то же...если уже и это не помнят, есть ли вообще возможность найти его
 
касгон
про 9х братьев Джансоховых и их тёрки с Атажукиным

sama
есть ли вообще возможность найти его
!АЛЛАХ АЙТСА ЕСТЬ! БИР ЭКИ ЫЙЫКЪДАН ЭСИМЕ ЬИР САЛЫРСА.
Страницы: 1
Читают тему (гостей: 1)

 

Написать нам