Войти на сайт
25 Апреля 2024 года

 

  • Бичгенде ашыкъма, тикгенде ашыкъ.
  • Ёпкелегенни ашы татлы болады.
  • Аджашхан тёгерек айланыр.
  • Ишни аллы бла къууанма да, арты бла къууан.
  • Къаллай салам берсенг, аллай джууаб алырса.
  • Билим къая тешер.
  • Эрни эр этерик да, къара джер этерик да, тиширыуду.
  • Ашлыкъны арба юйге келтирир, чана базаргъа элтир.
  • Ач къарным, тынч къулагъым.
  • Азыгъы аз, алгъа къабар, аты аман, алгъа чабар.
  • Кёб къычыргъандан – къоркъма, тынч олтургъандан – къоркъ.
  • Насыблы элин сюер, насыбсыз кесин сюер.
  • Тёрдеги кюлсе, эшикдеги ышарыр.
  • Гугук кесини атын айтыб къычыргъанча, мен, мен деб нек тураса?
  • Ашлыкъ – бюртюкден, джюн – тюкден.
  • Башланнган иш битер, къымылдагъан тиш тюшер.
  • Билгенни къолу къарны джандырыр.
  • Джашны джигитлиги сорулур, къызны джигерлиги сорулур.
  • Айныгъанлы алты кюн, тогъайгъанлы тогъуз кюн.
  • Тойну къарнашы – харс, джырны къарнашы – эжиу.
  • Сабийликде юретмесенг, уллу болса – тюзелмез.
  • Келгинчи, къонакъ уялыр, келгенден сора, къонакъбай уялыр.
  • Аууз сакълагъан – джан сакълар.
  • Кёл ашады да, кеси ашады.
  • Къазанчы аман болса, къазаны къайнамаз.
  • Къолунгдан къуймакъ ашатсанг да, атаны борчундан къутулмазса.
  • Ана къолу ачытмаз.
  • Эринчекге кюн узун.
  • Артына баргъанны, къатына барма.
  • Махтаннган къыз, тойда джукълар.
  • Кюл тюбюндеги от кёрюнмейди.
  • Арыгъан къош чамчы болур.
  • Байма, деб да, къууанма, джарлыма, деб да, джылама.
  • Кюн кёрмеген, кюн кёрсе, кюндюз чыракъ джандырыр.
  • Хатерли къул болур.
  • Бастасын ашагъан, хантусун да ичер.
  • Ата Джуртун танымагъан, атасын да танымаз.
  • Азыкъ аз болса, эртде орун сал.
  • Ёксюзню къалачы уллу кёрюнюр.
  • Адамны адамлыгъы къыйынлыкъда айгъакъланады.
  • Келинин тута билмеген, къул этер, къызын тута билмеген, тул этер.
  • Ауузу бла къуш тута айланады.
  • Зар адам ашынгы ашар, кесинги сатар.
  • Эри аманны, къатыны – аман.
  • Аджал соруб келмез, келсе, къайтыб кетмез.
  • Биреу ашаб къутулур, биреу джалаб тутулур.
  • Кютгени беш эчки, сызгъыргъаны уа, джерни джарады.
  • Билим насыб берир, билим джолну керир.
  • Биреуню къыйынлыгъы бла кесинге джол ишлеме.
  • Адебсиз адам – джюгенсиз ат.

 

Архив Форума » Зеленый Форум [архив] » - ЗФ - Искусство и литература
Страницы: 1
RSS
-------------------------ОЧЕНЬ НАДО !
 
#1
Джаратама0
24.12.2010 02:35:00
ДЖАМАГЪАТ
ИЩУ ПЕСНЮ "ДЖАНСОХЛАРЫ"
ХОТЯБ ТЕКСТ!
ДЖЫРЛАГЪАН БИЛЕЕСЕГИЗДА! ...ЛЮБОЙ НАВОДКА!
 
 
 
#2
Джаратама0
24.12.2010 16:16:06
ALANULAN
Джансохлары джыры
Джансохлары Ташлы -Сыртда джашай элле,ойра,
Табханларын шишлик къойлай ашай элле,ойра.

Джансохлары тогъузоулан бола элле,ойра,
Тогъузусу тогъуз хорагъа къона элле,дейди.

Къоркъакълыкъдан батырлыкъны сюе элле,ойра,
Ала бирер кюбе кёлек кие элле,ойра.
Тамадаларыны аты Джюзе эди,марджа,
Секириб минсе,ат белин бюге эди ,марджа.

Ачыуланса ,темир ауузлукъ юзе эди,ойра,
Урушха кирсе,чабакъча юзе эди,ойра.

Аны кичиси уа болур Джаубермез ,ойра,
Кишиликге джетсе,бир да ал бермез,ойра.

Аны кичиси да болур Къырымхан ,ойра,
Ол кеси къырым бийлени къурутхан,ойра.

Бек кичилерини аты Орусхан ,ойра,
Ол да,жаным ,законланы къурутхан ,ойра.

Джансохлары-бек огъурсуз ханлары,дейди.
Къалай джашасын дунияда джанлары,ойра.

Джюзе къарнашларына алай айтханды, дейле:
-Къарнашларым,сизге бир сёз айтайым,-ойра.

-Айт,айт!Бизни тамадабыз ,агъабыз,-дейле.
Айтхан сёзюнг-барыбызны багъабыз,-дейле.

Джюзе кеси алай айтыб сёлешди,марджа.
Тюлкюлеча дорбуннга кириб турмайыкъ,-деди.

Аны къалгъанла да къабыл этдиле,дейди:
Гюрюндешиб ,джайлыкълагъабаралла,марджа.
 
 
 
#3
Джаратама0
25.12.2010 00:14:48
Аллах айтса,тамбла джазыб бошарма.
 
 
 
#4
Джаратама0
07.01.2011 00:27:49
Сырт юсюнде жибек халыла байлалла,дейди
Ташлы сыртны юй оруннга сайлалла ,дейди.

Тытыр бла тутхан юйле ишлейле,ойра,
Тёгерекге ажир кибик кишнейле,ойра....
....
 
 
 
#5
Джаратама0
08.01.2011 02:07:02
Treasure
БОШАЛДЫМЫ?
БЕК САУ БОЛ!
 
 
 
#6
Джаратама0
08.01.2011 02:43:33
ALANULAN
Огъай,бошалмады.
Как только начинаю печатать,кто-нибудь да отвлекает.


Ала эндиТашлы сыртда жашайла ,ойра...
Къабартыны жигитлерин ашайла,ойра...

Жансохлары дегенинг,ой,сарыла дейди...
Ала тартыпкъабарты полкга барырла,ойра...

Сора Джюзе алай айтды джашлагъа,ойра...
-Садакъ окъланы бузмай,ким чыгъарса,-деди,-

Сындырмайын мени аллыма ким салса,-деди,-
Анга тамадалыгъымы къоярма,-деди.

Джашла ,туруб,кезиу-кезиу тартдыла,ойра,
Бири да окъну чыгъаралмай къалдыла ,ойра.

Сора Джюзе секириб атдан тюшгенди,дейди,
Аякъларын къара ташха тирегенди ,дейди.

Ала анда ат чаришле салырла,дейди...
Озгъанлыкъны кеслерине алырла,ойра...

Ала сора атланышып кетдиле,ойра....
Жортуп,Къара-Къура кезге жетдиле,ойра...

Адам сыфатлы бир ташны кёрдюле,дейди...
Къарангы эл,гузаба сирелдиле,дейди...

Къара ташны Хадаужукъ а сундула,марджа...
Садакъ окъланы бирден бек къуйдула,марджа...

Ала ол кече алайдакъалдыла,ойра...ол?Эртген хапар алдыла,ойра...

Ала къарап ,къара ташны кёрдюле ,ойра...
-Къарангыла,жангылгъанбыз,-дедиле,ойра...

Таш тураед ,сынакъларычачылып,ойра,
Къары-къары садакъ окъла чанчылыб ,ойра...
 
 
 
#7
Джаратама0
08.01.2011 02:59:05
Сора Джюзе алай айтды джашлагъа,ойра:
-Садакъ окъланы бузмай ким чыгъарса ,-деди,-
Сындырмайын мени аллыма ким салса,-деди,-
Анга тамадалыгъымы къоярма,деди.

Джашла, туруб ,кезиу-кезиу тартдыла ,ойра,
Бири да окъну чыгъаралмай къалдыла,ойра .

Сора Джюзе секириб атдан тюшгенди ,дейле,
Аякъларын къара ташха тирегенди ,дейди.

Тартыб-тартыб,садакъ окъланы алды,дейди,
Къара ташны къара къанын агъызды ,ойра.
 
 
 
#8
Джаратама0
08.01.2011 03:09:04
Сра джашла джаныу сёзле айтдыла ,дейди,
-Хадауджукъ улу ,ананг берген къан болсун,дейле,-

Сени сюегинг мындан къаты болмаса ,-делле,-
Не уа теринг мындан къалын болмаса ,-делле.

Джюзе деди:-Ой,сиз батыр джигитле,ойра,
Ташадад деб,джауну сёзге алмагъыз ,-деди.

Къаргъа, къузгъун тилни ол да биледи ,дейле,-
Бизге къаджау ол тишлерин билейди,дейле.

Башлары бла ала къаргъа учханды,ойра,
Хададжукълада ат илкичге къонганды,ойра.
 
 
 
#9
Джаратама0
08.01.2011 03:33:52
Treasure
ЭНДИУА? БОЛДУМУ?
 
 
 
#10
Джаратама0
08.01.2011 03:50:54
Ала къаргъа къаркъ-къуркъ эте башлад,ойра...
Джаныу сёзлени барын анга ташлады,ойра...

Хадауджукъ улун Джансохлары джаныйла,дейди,
Кишиликни сынашыргъа сакълайла ,дейди...

Ол ишлени Хадауджукъулу билгенди,марджа...
Терк окъуна къабарты полкну тизгенди,марджа...

Аскерине:Сиз тохтагъыз,мен барайым,деди,
Муратларын ,не дерлерин,билейим,-деди.

Джангыз кеси акъ атха миниббаргъанды,дейле,
Джете келиб,сууукъ салам бердиле,делле..

Ат ёшени бла Джюзениатын ургъанды,марджа,
-Эй,мени къой да,джашла бла ойначы,деди.

-Кёзлерим бард ,джашланы да кёреме,-деди,
Мен сени бла ойнаргъа сюеме,деди.

-Да сора сен юч кезиуню къкъгъанса,-деди,
Тёртюнчю -энди мен да бир къагъайым,-деди.

Джюзе,артха кетиб ,кючлю къакъгъанды ,-дейди,
Хадауджукъ улу чартлаб атдан акъгъанды,- дейди.

Миннген аты тентиреб джыгъылгъанды,-ойра,
Ат иерини къашы джарылгъанды,ойра.

Джансох улу дуппурчукъда олтурду ,ойра,
Къазий улу уа кёк хорасына къойду,ойра.

Ойнай-кюле,къабарты аскерге джетгенди,ойра,
Джырыб-Джырыб,бирси джанына ётгенди ,ойра.

Къараб,Джансох улун дуппурда кёргенди,марджа,
Атны джилтинлетиб ,юсюне келгенди,марджа:
 
 
 
#11
Джаратама0
08.01.2011 04:03:07
-Нек тураса ,Джюзе ,ойнамай,кюлмей,ойра,
Джигит эсенг къабарты полкга кирмей?-ойра.

Алай айтыб,эки да,юч да келди,
Джюзе сора таза къоймазын билди.

Джансох улуна ол ачыу тийгенди ,
-Да сен мени къоймазлыкъгъа ушайса!

Темир къамичисин алыб,эки бюкледи,
-Хайда,энди келгеннге мен хазырма!

Къазий улу дагъыда айланыб,келгенди,
-Джансох улу,былайда нек тураса?

Джигитлеча ойнамайын,кюлмейин,
Къараб турмай,къабарты полкга кирмейин,

Ой ,аман Джюзе,къарт болубму къалгъанса?
Атны ёшютлениб ,юсюне бурду,ойра.

-Сейир тюлдю,къарт да болгъан болурма,
Къазий улуну ат ёшюню бла урду.

-Аллах-Аллах,терсми болдум ,къарт эдинг,
Къат бла ойнамасакъ боллукъ эди!

-Сен ёлмегин,къартлыгъымдан сора уа ,
Тукъумунг а менден уллу болуред,

Ала сора сен бий ,мен бий болдула ,
Ахырында бу оноугъа келдиле.

Экибизден бийни -гёджефи айырыр ,
Экиси да гёжеф излей кетдиле.
 
 
 
#12
Джаратама0
08.01.2011 04:09:15
 
 
 
#13
Джаратама0
08.01.2011 04:14:32
Джюзе джолда туз арбачыны джетди,
Аны сайлаб.кесине гёджеф этди.

Къазий улу да бир гёджеф табханды,
Хар бириси гёджефине бакъгъанды.

Ол кезиуде бир уллу бий ёлгенд,
Къазий улу анга кетиб къалгъанед.

Джюзе:-Энди болджалыбыз джетгенди,
Гёджефлени келтиригиз-дегенди.

Къазий улу ол кюн анда джокъ эди,
Гёджефи да:-Ансыз тутушмам,- дегенди.

Къоймай,гёджефлени тутушдурдула,
Джюзени гёджефи бирин джыкъгъанды.

Аны кёрюб,Джансох улу зарланды,
Гёджефин ,джартын уруб,ёлтюрдю.

-Ием келмей ,басдырмагъыз,-дегенди,
Мычымайын,Къазий улу джетгендии.

Гёджефин ёлюб турганын кёрдю,
Къанын алмай къоймазгъа,ол ант этди.

Джюзеге ол хыйла этди,махтады,
-Мындан арыантлы болуб,джашайыкъ.

"Антны Татартюпге барыб,этейик",
Салыб сора Татартюпге бардыла.
 
 
 
#14
Джаратама0
08.01.2011 04:28:16
Джюзе анда:-Ол тиймесе,мен тиймем,
Татартюпде ол ант этиб,сёз берди.

Ызы бла Къазий улу киргенди,
-Геджефими къанын алмай,къоймам.

Бир кюн Къазий улу барды Джюзеге,
-Келчи,Джюзе,атланайыкъ,джюрюйюк.

Джюзе шапасын да алыб тебирейди,
Джюзени къатыны тилеб,иймеди.

Джюзе тохтамады,джолгъа тебиреди,
Къатыны уа шапасындан тиледи:

-Сакъ бол,-деди,Кеси джангыз къалмасын,-
Душманы бард,джау табасы болмасын.

Джюзе бла Къазий улу чыкъдыла ,
Экиси да бирер шапа алдыла.

Бара-барыб,бир къонушда тюшдюле,
Тюш азыкъгъа бир семиз къой кесдиле.

Къой сояды Къазий улуну шапасы ,
Джюзени шапасы уа суугъа барсын.

Шапа,бийчесинден къоркъуб:"Байрмайма",-деди,
Джюзе,къоймай""Бар",-деб,суугъа джиберди.

Шапа кетди,Джюзе джатыб къалкъыйды ,
Къазий улу аны урургъа талпыйды.

Джукълаб тургъанлай ,къылычын бекледи,
Шапасы уа анга айыб этгенди.

Джюзе сескениб турургъа тебиреди,
Экинчи да къаш башындан сермеди.

Джюзе къылычын суууруб,сермеди,
Къолу тутмай,джау табанын кетерди.

Джюзе ачыудан кюкюрей ёлгенди,
Къазий улу да дерт алыб кетгенди.
 
 
 
#15
Джаратама0
08.01.2011 04:29:38
ALANULAN
Всё.
А "гёджеф"-это что?
 
 
 
#16
Джаратама0
08.01.2011 18:23:20
Treasure САУ БОЛ! БЕК СУАБ ИЩ ЭТДИНГ !


ГЁДЖЕБ-СИЛАЧ,БОГАТЫРЬ
 
 
 
#17
Джаратама0
08.01.2011 18:25:03
ALANULAN
Не сау болу барды.Была рада помочь.

ГЁДЖЕБ-СИЛАЧ,БОГАТЫРЬ
Сау бол.
 
 
 
#18
Джаратама0
08.01.2011 18:42:24
БУ ДЖЫРНЫ ,КЪУРУБ КЕТГЕН ДЖЫРДЫ ДЕБ АЙТХАНЕДИЛЕ МЕННГЕ!
АНЫ ЮЧЮН КЪУУАНАМА МЕНДА !

СОРГЪАННЫ АЙЫБЫ ДЖОКЪДУ!---КЪАЙДАН ТАБДЫНГ СЁЗЛЕРИН? НОТАЛАРЫНГ ДЖОКЪМУДУ?
 
 
 
#19
Джаратама0
18.08.2011 12:19:39
ДЖАМАГЪАТ КТО ЗНАЕТ ГДЕ МОЖНО ДОСТАТЬ ГЫПЫ(АЙРАН)
 
 
 
#20
Джаратама0
18.08.2011 21:49:30
Скажите пожалуйста про что в песне поётся?спасибо.
 
 
 
#21
Джаратама0
18.08.2011 22:19:33
каша
 
 
 
#22
Джаратама0
18.08.2011 22:31:59
ДЖАМАГЪАТ КТО ЗНАЕТ ГДЕ МОЖНО ДОСТАТЬ ГЫПЫ(АЙРАН)

я тоже ищу))
сейчас уже с трудом объясняешь людям, что гыпы айран и айран не совсем одно и то же...если уже и это не помнят, есть ли вообще возможность найти его
 
 
 
#23
Джаратама0
18.08.2011 22:57:08
касгон
про 9х братьев Джансоховых и их тёрки с Атажукиным

sama
есть ли вообще возможность найти его
!АЛЛАХ АЙТСА ЕСТЬ! БИР ЭКИ ЫЙЫКЪДАН ЭСИМЕ ЬИР САЛЫРСА.
 
 
 
Страницы: 1
Читают тему (гостей: 1)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2024 Elbrusoid.org  |  Все права защищены Законами Гор.