Войти на сайт
28 Марта  2024 года

 

  • Ана къолу ачытмаз.
  • Тилчи тилден къаныкъмаз.
  • Билгенни къолу къарны джандырыр.
  • Игиге айтсанг – билир, аманнга айтсанг – кюлюр.
  • Джиби бир къат джетмей эди да, эки къат тарта эди.
  • Бети бедерден, намыс сакълама.
  • Эли джокъну – кёлю джокъ.
  • Къартны сыйын кёрмеген, къартлыгъында сыйлы болмаз.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Ётюрюкчюню шагъаты – къатында.
  • Джаш болсун, къыз болсун, акъылы, саны тюз болсун.
  • Элни кючю – эмеген.
  • Тюз сёз баргъан сууну тыяр.
  • Башынга джетмегенни сорма.
  • Билимсиз иш бармаз.
  • Тенгинг джокъ эсе – изле, бар эсе – сакъла!
  • Биреу ашаб къутулур, биреу джалаб тутулур.
  • Мал ёлсе, сюек къалыр, адам ёлсе, иши къалыр.
  • Уллу айтханны этмеген – уллаймаз.
  • Ата Джуртча джер болмаз, туугъан элча эл болмаз.
  • Къуру гыбыт бек дыгъырдар.
  • Окъумагъан сокъурду, сокъур ташха абыныр!
  • Кесине гебен этелмеген, биреуге черен эте эди.
  • Тилсиз миллет джокъ болур.
  • Адам къаллай бир ишленмесе, аллай бир кесин уллу кёреди.
  • Ишлегенден, къарагъан уста.
  • Акъдан къара болмаз.
  • Окъ къызбайны джокълайды.
  • Зар адам ашынгы ашар, кесинги сатар.
  • Къаллай салам берсенг, аллай джууаб алырса.
  • Атлыны ашхысы, ат тизгининден билинир
  • Ач да бол, токъ да бол – намысынга бек бол.
  • Чакъырылмагъан къонакъ – орунсуз.
  • Къатын къылыкъсыз, эр тынчлыкъсыз.
  • Уллу къазанда бишген эт, чий къалмаз.
  • Чакъырылмагъан къонакъ къачан кетерин сормаз.
  • Къазанны башы ачыкъ болса, итге уят керекди.
  • Ачыу алгъа келсе, акъыл артха къалады.
  • Айтылгъан сёз ызына къайтмаз.
  • Таукел адам тау тешер.
  • Ачны эсинде – аш.
  • Агъач халкъгъа алтынды, иссиликге салкъынды.
  • Биреуню тёрюнден, кесинги эшик артынг игиди.
  • Адебсиз адам – джюгенсиз ат.
  • Чомарт бергенин айтмаз.
  • Аман эсирсе, юйюн ояр.
  • Биреуге кёлтюрген таягъынг, кесинги башынга урур.
  • Оюмсуз атлагъан, аджалсыз ёлюр.
  • Халкъны юйю – туугъан джери.
  • Дуния аламаты сен эсенг да, игиме деб айтма.

 

Страницы: 1
RSS
Норию Созарукову - 60 лет!
 
На той неделе в Черкесске прошел торжественный вечер, посвященный 60-летию со дня рождения заслуженного поэта КЧР Нория Созарукова.



Для тех, кто не в курсе Норий Шогъаибович автор нашего гимна

КЪАРАЧАЙЫМ - МАЛКЪАРЫМ

Деу аланла зорчуладан, джауладан,
Кёб ёмюрлени Аллах бла сакъланнган.
Сейир джуртну эркелете, ийнакълай,
Биз джашайбыз Малкъар бла Къарачай.

Бу дунияны джандети, деб аталгъан,
Тау джерибиз махтау бла айтылгъан.
Сууларыбыз - тамам кюмюш белибау,
Къууанчыбыз - эки башлы Минги Тау.

ПРИПЕВ:
Къарачайым, Малкъарым!
Экибиз да эки учар къанатым.
Бир миллетден джаратылгъан эки халкъ,
Шох турабыз бир-бирге болуб джакъ.


Тамаданы сыйлаб орун бергенле,
Тиширыуну ана къачын кёргенле.
Къартларыбыз тюз оноулу келбетли,
Джаш тёлюбюз тау намыслы, адетли.

Къыйын кюнде шохун, тенгин сатмагъан,
Башхалагъа сауут алыб чабмагъан,
Тюзлюк джолда тенг атлагъан эгизле,
Зорлукъ ачыу сынамагъыз ёмюрде.

ПРИПЕВ:
Къарачайым, Малкъарым!
Экибиз да эки учар къанатым.
Бир миллетден джаратылгъан эки халкъ,
Шох турабыз бир-бирге болуб джакъ.
 
Очень нравится стихотворение

Сени кёрсем...
Сени кёрсем, кёзлеринге къарарым,
Джюрегимде сюймекликни айтырым
Деб, таукеллик этеме мен кесиме,
Ашыгъама сеннге тюбер кюнюме.

Тюбесем а, къызыу тебе джюрегим,
Джунчугъандан абызырайды эсим.
Уялгъандан джерге къарай кёзлерим,
Тамагъымда къаладыла сёзлерим.

Кюрешеме джанкъылычдан ёталмай,
Кесим джангыз тогъайына джеталмай.
Кел, биз анга бирден басхыч салайыкъ,
Ол джанында насыб бармыд, къарайыкъ!
 
Поздравляем! Знаем! Ценим! Желаем...! Спасибо!!!! За гимн особенный
 
Так вот он какой, автор гимна!
Поздравляю с прошедшим юбилеем!
Насыблы, къууанчлы болугъуз!
 
Уважаемые форумчане, в среду в офисе Эльба-Карачаевск состоится встреча с юбиляром. Все желающие можете задать вопросы лично, или в этой теме
 
У меня вопросы такие..
Как родилась песня "Къарачайым, Малкъарым"?
Как Норий отнесся к тому, что Эльбрусоид выбрал его песню своим гимном?
 
У меня вопросы такие..
Как родилась песня "Къарачайым, Малкъарым"?


Форумчанка
думаешь Софа в курсе? ))
 
И слова хорошие и песня удачная.

Узакъ ёмюрлю болсун!
 
Узакъ ёмюрлю болсун!
Замечательная песня, талантливый поэт....
 
Норий, Сизни юбилейигиз бла алгъышлай, узакъ ёмюр теджей, бир-эки сорууум да барды "Къарачайым-Малкъарым" назмугъузну юсюнден.

Экинчи тизгин "Кёб ёмюрлени..." деб башланады. Бизни тилни джорукъларын кёре, "кёб ёмюрню..." деб айтылыргъа керек тюлмю эди?
Сёз ючюн: "кёб адам келди", "кёб сёз айтылды" дегенча. Быллай ууакъ-тюек затланы тюзетген къыйын болмаз.

Экинчи сорууум.
"Бир миллетден джаратылгъан эки халкъ" деб айтылады джырда. Мен а - къарачай-малкъар эки халкъ тюл - БИР ХАЛКЪДЫ деб турама.
Эки халкъ деб, Сиз не ючюн джазгъаныгъызны бир ангылатсагъыз.

Сау болугъуз, эсен болугъуз.
 
капепе
Софа, да будет тебе известно, в курсе всего
 
Форумчанка
капепе

Софа, да будет тебе известно, в курсе всего

Ильяс, слушай Люду)) она тебе не соврет))

Девушка Гор
Сени кёрсем...

стихотворение на самом деле очень красивое и романтичное

Вот еще про нас:

Аланланы туудукълары

Бир тамырдан ёсген гюл кибик,
Бир бутакъда битген эки балийча,
Бир тыбыргъа тенг келтире игилик,
Бирден туугъан эки эгиз сабийча.

Бир миллетбиз, Малкъар бла Къарачай:
Биринг джай кюн, биринг тамам толгъан ай,
Экигиз да асыл, Алан туудукъла,
Кёб ёмюрню хош джашагъыз тау джыртда.
 
НАПОМИНАЮ!!! ЗАВТРА, 24 НОЯБРЯ В 15-00 В ОФИСЕ ЭЛЬБЫ В КАРАЧАЕВСКЕ СОСТОИТСЯ ВСТРЕЧА С ЮБИЛЯРОМ, АВТОРОМ СЛОВ НАШЕГО ГИМНА "КЪАРАЧАЙЫМ-МАЛКЪАРЫМ" НОРИЕМ СОЗАРУКОВЫМ!!!

 
Шо, бир окъугъуз

Сени ючюн бойнума сынау тюшсе,
Чыгъанакълы хансланы уллу тюзде
Джалан аякъ джырыб ётюб кетерме.
Бек керекди, деб билдирсенг а меннге,
Не тюрлю да мадар этиб, мен сеннге
Кёкден айны алыб, саугъа этерме.

Тарыкъмайын тёзалырма азабха,
Ёталырма, бууса да тар сыбабха,
Бир этгеед ансы бызни джазыуум!
Дуния рысхы, джамчы болуб джабса да,
Улху болуб, тоханагъа тартса да,
Сенсиз кюнюм - сорукъмагъан джарсыуум!
 
up
 
Алгъышлайма джазыучуну!

Сорууум: Норийни оюму къалайды, не этерге керекди къарачай-малкъар джаш тёлю ана тилде сагъыш этерча, сёлеширча?
Адамла орус, къарачай сёзлени къатыштырыб сёлешселе къалай боласыз?
 
Менда алгъышлайма!!!Насып, саулукъ Аллахдан келсин
 
Очень нравится любовная лирика Созарукова

Къатыгъыз бла озуб баргъан заманда
Кёрюученме терезенгде гюллени.
Сени бла бир юйделле деб, ала,
Сукъланнганлай ашырама кюнлени.

Мен да аллай бир сейир гюл болалсам,
Кёз туурангда чагъар эдим, джашнарем.
Сенден меннге джюрек джылыу табылса,
Тар болса да, къошунда да джашарем!

Такой вопрос: А кто Муза? И конкретный ли это человек или он просто образ женщины воспевает?
 
Тюбешдигизми Норий бла?))
 
Тюбешдк, соруула да сордукъ)) кечирек суратланы да соруулагъа джууабланы да саллыкъбыз бу темагъа.
 
Саубол, болсун))
 
Вчера в офисе Эльба-Карач состоялась встреча актива и работников с поэтом-песенником Н. Созаруковым.



Норий Шогъаибович рассказал собравшимся о себе, о своей журналистской работе, о поэзии... Все слушали с большим интересом.






Подарил собравшимся свою книгу "Эки учар къанатым"





- Назмуларымда, джырларымда шохлукъну, джарашыулукъну эмда тюзлюкню ышаннгылы дагъаны тау халкъымы ашхы шартларын кёргюзала эсем, сора мен миллетиме тыйыншлы къуллукъ этеме, дерге боллукъма - дейди Норий.

Уважаемые форумчане, ответы на все ваши вопросы мы получили. Через чуть-чуть можно будет все прочитать.
 
Норий Созаруков с удовольствием ответил на все ваши вопросы, уважаемые форумчане.
Итак, вопрос 1 от Форумчанки
Как родилась песня "Къарачайым, Малкъарым"?
- "Къарачайым-Малкъарым" деген джыр мени эртдеден муратым эди,-дейди Норий.



Миллетиме разылыгъымы къалай билдирирге билмей эдим. Сёзюм джетмей эди. Джыр боллукъду, гимнге сайланныкъды деб эсимде да джокъ эди. Эки миллетни бир бетден кёргюзтюрге тырмашыб тура эдим. Алай а, къолгъа алыргъа, джазаргъа базмай тура эдим. Бир талай назмум джыр болуб джырланнгандан сора, кюнлени биринде "Джёгетей" ансамбльде джырлагъан джашла, эртдеден шохларым, менге къонакъгъа келдиле. Бир джангы джырынг джокъмуду? - деген соруугъа не айтыргъа билмедим. Сора, Тюрклюлени Борис ышарыб: " ариу макъамыбызда хазырды"-деди. Ол кюн таукел болдум, эртдеден муратымы толтурала эсем кёреим деб, хазыр назмуланы макъамгъа салдым. Джашлагъа кёргюзтгенимде, табды, аламатды, деб махтадыла. Келишмеген джерчиклерин да тюрлендирдик. Алай бла "Къарачайым-Малкъарым" деген назмум джыр болуб къалды.

Вопрос 2 от Форумчанки
Как Норий отнесся к тому, что "Эльбрусоид" выбрал его песню своим гимном?

- Тюгел эс ташламадым ансын, бек джунчугъан эдим - дейди Норий.
Не ючюн десегиз? Барыбызда творчествосуна баш ийген адамыбызны, поэтибизни, джандетли болсун, Джырчы Смайылны "Минги Тау" деген джыры саулай Шимал Кавказгъа белгили болуб, гимн болгъанды. Анга юрениб тургъанлай, "Къарачайым-Малкъарым" деген джырымы джаш тёлю кесине гимнге сайлагъанында, юсюме бир уллу джюк тюшгенча болдум. Бир джаны бла кёлюм иги болду, не джашырыу, аны хар авторда ушатырыкъ эди. Иги джырды, миллет сюйюб тынгылайды, -дегенлени эшитсем, хар джол сайын ол джюгюм юсюмде уллудан-уллу болуб барады.

Вопрос 3 от kalejchi
Экинчи тизгин "Кёб ёмюрлени..." деб башланады. Бизни тилни джорукъларын кёре, "кёб ёмюрню..." деб айтылыргъа керек тюлмю эди?
- Назму джыр болгъунчусаны джазылгъаны былай эди:
"Деу аланла зорчуладан, джауладан,
Кёб ёмюрню Аллах бла сакъланнган..."
Алай а, башында айтханымча, сёзлени макъамгъа салгъаныкъда, бир-бир сёзлени тюрлендирген этгенбиз. Джыр ариу эштилирча. Бу "ёмюрню-ёмюрлени" деген сёзле да ол къауумгъа кириб къалгъандыла.

Вопрос 4 от kalejchi
Бир миллетден джаратылгъан эки халкъ" деб айтылады джырда. Мен а - къарачай-малкъар эки халкъ тюл - БИР ХАЛКЪДЫ деб турама.
Эки халкъ деб, Сиз не ючюн джазгъаныгъызны бир ангылатсагъыз.

- Биз сюймегенлей, кърал зорукъну кючю бла къарачай бла малкъар эки халкъ болуб къалгъанбыз. Малкъар КъМР-да джашайды, къарачай халкъ КъЧР-да орналыбды. Сюйсек, сюймесек да малкъар бла къарачай деб айтылады атыбызгъа. Джырда да алайын чертгенлигим эди. Бир миллетден юлешиниб, эки халкъ болуб турабыз десем, ол кърал политикагъада келишмей эди, миллетни иннетин бузаргъа да чурум бола эди. Ачыу туудура эди адамланы кёллеринде. Ол себебден, ол затланы тизиб айланмай: "Бир миллетден джаратылгъан эки халкъ" деб къойдум. Назмуну окъугъанла, джыргъа тынгылагъанла кеслери айырлыкъ болурла алайын деб.
....продолжение следует...
Страницы: 1
Читают тему (гостей: 1)

 

Написать нам