Войти на сайт
24 Апреля 2024 года

 

  • Ёзденликни кёбю ётюрюк.
  • Ашыкъгъан cуу, тенгизге джетмез.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Эски джаугъа ышанма.
  • Эл ауузу – элия.
  • Ётюрюкчюню шагъаты – къатында.
  • Атынг аманнга чыкъгъандан эсе, джанынг тамагъынгдан чыкъсын.
  • Элни кючю – эмеген.
  • Узун джолну барсанг, бюгюн келирсе, къысха джолну барсанг, тамбла келирсе.
  • Тил – миллетни джаны.
  • Намысы джокъну – дуниясы джокъ.
  • Татлы сёз – балдан татлы.
  • Этни да ашады, бетни да ашады.
  • Атадан ёксюз – бир ёксюз, анадан ёксюз – эки ёксюз.
  • Зарда марда джокъ.
  • Ашатыргъа иш – ашхы, ишлетирге аш – ашхы.
  • Къартны бурнун сюрт да, оноугъа тут.
  • Къууут – джелге, берне – бошха.
  • Кёрмегеннге кебек – танг, битмегеннге сакъал – танг.
  • Тенгни тенглиги джашай барсанг билинир.
  • Адам туугъан джеринде, ит тойгъан джеринде.
  • Айтхан сёзюне табылгъан.
  • Насыблы элин сюер, насыбсыз кесин сюер.
  • Тил – кесген бычакъ, сёз – атылгъан окъ.
  • Билген билмегенни юретген адетди.
  • Чабакъгъа акъыл, табагъа тюшсе келеди.
  • Билимден уллу байлыкъ джокъду.
  • Юйюнг бла джау болгъандан эсе, элинг бла джау бол.
  • Ариу сёз аурууунгу алыр.
  • Бети къызарыучу адамны, джюреги харам болмаз.
  • Ач къалгъандан, кеч къалгъан къолай.
  • Башсыз урчукъ тюзюне айланмаз.
  • Кийимни бир кюнню аясанг, минг кюннге джарар.
  • Ач келгенни – тойдур, кеч келгенни – къондур.
  • Чомартха хар кюн да байрамды.
  • Кюн кёрмеген, кюн кёрсе, кюндюз чыракъ джандырыр.
  • Байны къызы баймакъ болса да, юйде къалмаз!
  • Окъуусуз билим – джокъ, билимсиз кюнюнг – джокъ.
  • Окъугъан – асыу, окъумагъан – джарсыу.
  • Джахил болса анасы, не билликди баласы?
  • Юре билмеген ит, къонакъ келтирир.
  • Тёрде – темир таякълы, къаяда – чыпчыкъ аякълы.
  • Джаз бир кюнню джатсанг, къыш талай кюнню абынырса.
  • Билимли ёлмез, билимсиз кёрмез.
  • Бек ашыкъгъан меннге джетсин, дегенди аракъы.
  • Къазанда болса, чолпугъа чыгъар.
  • Къуллукъчума, деб махтанма, къуллукъ – хаух джамчыды!
  • Хоншуну тауугъу къаз кёрюнюр, келини къыз кёрюнюр.
  • Къыз чыгъаргъан – къызыл къымжа.
  • Бир абыннган – минг сюрюнюр.

 

Архив Форума » Зеленый Форум [архив] » - ЗФ - Искусство и литература
Страницы: 1
RSS
Норию Созарукову - 60 лет!
 
#1
Джаратама0
22.11.2010 17:46:51
На той неделе в Черкесске прошел торжественный вечер, посвященный 60-летию со дня рождения заслуженного поэта КЧР Нория Созарукова.



Для тех, кто не в курсе Норий Шогъаибович автор нашего гимна

КЪАРАЧАЙЫМ - МАЛКЪАРЫМ

Деу аланла зорчуладан, джауладан,
Кёб ёмюрлени Аллах бла сакъланнган.
Сейир джуртну эркелете, ийнакълай,
Биз джашайбыз Малкъар бла Къарачай.

Бу дунияны джандети, деб аталгъан,
Тау джерибиз махтау бла айтылгъан.
Сууларыбыз - тамам кюмюш белибау,
Къууанчыбыз - эки башлы Минги Тау.

ПРИПЕВ:
Къарачайым, Малкъарым!
Экибиз да эки учар къанатым.
Бир миллетден джаратылгъан эки халкъ,
Шох турабыз бир-бирге болуб джакъ.


Тамаданы сыйлаб орун бергенле,
Тиширыуну ана къачын кёргенле.
Къартларыбыз тюз оноулу келбетли,
Джаш тёлюбюз тау намыслы, адетли.

Къыйын кюнде шохун, тенгин сатмагъан,
Башхалагъа сауут алыб чабмагъан,
Тюзлюк джолда тенг атлагъан эгизле,
Зорлукъ ачыу сынамагъыз ёмюрде.

ПРИПЕВ:
Къарачайым, Малкъарым!
Экибиз да эки учар къанатым.
Бир миллетден джаратылгъан эки халкъ,
Шох турабыз бир-бирге болуб джакъ.
 
 
 
#2
Джаратама0
22.11.2010 17:53:20
Очень нравится стихотворение

Сени кёрсем...
Сени кёрсем, кёзлеринге къарарым,
Джюрегимде сюймекликни айтырым
Деб, таукеллик этеме мен кесиме,
Ашыгъама сеннге тюбер кюнюме.

Тюбесем а, къызыу тебе джюрегим,
Джунчугъандан абызырайды эсим.
Уялгъандан джерге къарай кёзлерим,
Тамагъымда къаладыла сёзлерим.

Кюрешеме джанкъылычдан ёталмай,
Кесим джангыз тогъайына джеталмай.
Кел, биз анга бирден басхыч салайыкъ,
Ол джанында насыб бармыд, къарайыкъ!
 
 
 
#3
Джаратама0
22.11.2010 17:54:57
Поздравляем! Знаем! Ценим! Желаем...! Спасибо!!!! За гимн особенный
 
 
 
#4
Джаратама0
22.11.2010 17:56:56
Так вот он какой, автор гимна!
Поздравляю с прошедшим юбилеем!
Насыблы, къууанчлы болугъуз!
 
 
 
#5
Джаратама0
22.11.2010 18:04:19
Уважаемые форумчане, в среду в офисе Эльба-Карачаевск состоится встреча с юбиляром. Все желающие можете задать вопросы лично, или в этой теме
 
 
 
#6
Джаратама0
22.11.2010 22:25:48
У меня вопросы такие..
Как родилась песня "Къарачайым, Малкъарым"?
Как Норий отнесся к тому, что Эльбрусоид выбрал его песню своим гимном?
 
 
 
#7
Джаратама0
22.11.2010 22:29:15
У меня вопросы такие..
Как родилась песня "Къарачайым, Малкъарым"?

Форумчанка
думаешь Софа в курсе? ))
 
 
 
#8
Джаратама0
23.11.2010 01:59:07
И слова хорошие и песня удачная.

Узакъ ёмюрлю болсун!
 
 
 
#9
Джаратама0
23.11.2010 02:04:30
Узакъ ёмюрлю болсун!
Замечательная песня, талантливый поэт....
 
 
 
#10
Джаратама0
23.11.2010 17:41:46
Норий, Сизни юбилейигиз бла алгъышлай, узакъ ёмюр теджей, бир-эки сорууум да барды "Къарачайым-Малкъарым" назмугъузну юсюнден.

Экинчи тизгин "Кёб ёмюрлени..." деб башланады. Бизни тилни джорукъларын кёре, "кёб ёмюрню..." деб айтылыргъа керек тюлмю эди?
Сёз ючюн: "кёб адам келди", "кёб сёз айтылды" дегенча. Быллай ууакъ-тюек затланы тюзетген къыйын болмаз.

Экинчи сорууум.
"Бир миллетден джаратылгъан эки халкъ" деб айтылады джырда. Мен а - къарачай-малкъар эки халкъ тюл - БИР ХАЛКЪДЫ деб турама.
Эки халкъ деб, Сиз не ючюн джазгъаныгъызны бир ангылатсагъыз.

Сау болугъуз, эсен болугъуз.
 
 
 
#11
Джаратама0
23.11.2010 18:15:38
капепе
Софа, да будет тебе известно, в курсе всего
 
 
 
#12
Джаратама0
23.11.2010 23:41:24
Форумчанка
капепе

Софа, да будет тебе известно, в курсе всего

Ильяс, слушай Люду)) она тебе не соврет))

Девушка Гор
Сени кёрсем...

стихотворение на самом деле очень красивое и романтичное

Вот еще про нас:

Аланланы туудукълары

Бир тамырдан ёсген гюл кибик,
Бир бутакъда битген эки балийча,
Бир тыбыргъа тенг келтире игилик,
Бирден туугъан эки эгиз сабийча.

Бир миллетбиз, Малкъар бла Къарачай:
Биринг джай кюн, биринг тамам толгъан ай,
Экигиз да асыл, Алан туудукъла,
Кёб ёмюрню хош джашагъыз тау джыртда.
 
 
 
#13
Джаратама0
23.11.2010 23:42:44
НАПОМИНАЮ!!! ЗАВТРА, 24 НОЯБРЯ В 15-00 В ОФИСЕ ЭЛЬБЫ В КАРАЧАЕВСКЕ СОСТОИТСЯ ВСТРЕЧА С ЮБИЛЯРОМ, АВТОРОМ СЛОВ НАШЕГО ГИМНА "КЪАРАЧАЙЫМ-МАЛКЪАРЫМ" НОРИЕМ СОЗАРУКОВЫМ!!!

 
 
 
#14
Джаратама0
23.11.2010 23:50:47
Шо, бир окъугъуз

Сени ючюн бойнума сынау тюшсе,
Чыгъанакълы хансланы уллу тюзде
Джалан аякъ джырыб ётюб кетерме.
Бек керекди, деб билдирсенг а меннге,
Не тюрлю да мадар этиб, мен сеннге
Кёкден айны алыб, саугъа этерме.

Тарыкъмайын тёзалырма азабха,
Ёталырма, бууса да тар сыбабха,
Бир этгеед ансы бызни джазыуум!
Дуния рысхы, джамчы болуб джабса да,
Улху болуб, тоханагъа тартса да,
Сенсиз кюнюм - сорукъмагъан джарсыуум!
 
 
 
#15
Джаратама0
24.11.2010 02:26:38
up
 
 
 
#16
Джаратама0
24.11.2010 15:25:05
Алгъышлайма джазыучуну!

Сорууум: Норийни оюму къалайды, не этерге керекди къарачай-малкъар джаш тёлю ана тилде сагъыш этерча, сёлеширча?
Адамла орус, къарачай сёзлени къатыштырыб сёлешселе къалай боласыз?
 
 
 
#17
Джаратама0
24.11.2010 15:46:19
Менда алгъышлайма!!!Насып, саулукъ Аллахдан келсин
 
 
 
#18
Джаратама0
24.11.2010 17:03:17
Очень нравится любовная лирика Созарукова

Къатыгъыз бла озуб баргъан заманда
Кёрюученме терезенгде гюллени.
Сени бла бир юйделле деб, ала,
Сукъланнганлай ашырама кюнлени.

Мен да аллай бир сейир гюл болалсам,
Кёз туурангда чагъар эдим, джашнарем.
Сенден меннге джюрек джылыу табылса,
Тар болса да, къошунда да джашарем!

Такой вопрос: А кто Муза? И конкретный ли это человек или он просто образ женщины воспевает?
 
 
 
#19
Джаратама0
25.11.2010 15:16:41
Тюбешдигизми Норий бла?))
 
 
 
#20
Джаратама0
25.11.2010 15:30:53
Тюбешдк, соруула да сордукъ)) кечирек суратланы да соруулагъа джууабланы да саллыкъбыз бу темагъа.
 
 
 
#21
Джаратама0
25.11.2010 17:59:27
Саубол, болсун))
 
 
 
#22
Джаратама0
25.11.2010 20:10:47
Вчера в офисе Эльба-Карач состоялась встреча актива и работников с поэтом-песенником Н. Созаруковым.



Норий Шогъаибович рассказал собравшимся о себе, о своей журналистской работе, о поэзии... Все слушали с большим интересом.






Подарил собравшимся свою книгу "Эки учар къанатым"





- Назмуларымда, джырларымда шохлукъну, джарашыулукъну эмда тюзлюкню ышаннгылы дагъаны тау халкъымы ашхы шартларын кёргюзала эсем, сора мен миллетиме тыйыншлы къуллукъ этеме, дерге боллукъма - дейди Норий.

Уважаемые форумчане, ответы на все ваши вопросы мы получили. Через чуть-чуть можно будет все прочитать.
 
 
 
#23
Джаратама0
26.11.2010 17:23:57
Норий Созаруков с удовольствием ответил на все ваши вопросы, уважаемые форумчане.
Итак, вопрос 1 от Форумчанки
Как родилась песня "Къарачайым, Малкъарым"?
- "Къарачайым-Малкъарым" деген джыр мени эртдеден муратым эди,-дейди Норий.



Миллетиме разылыгъымы къалай билдирирге билмей эдим. Сёзюм джетмей эди. Джыр боллукъду, гимнге сайланныкъды деб эсимде да джокъ эди. Эки миллетни бир бетден кёргюзтюрге тырмашыб тура эдим. Алай а, къолгъа алыргъа, джазаргъа базмай тура эдим. Бир талай назмум джыр болуб джырланнгандан сора, кюнлени биринде "Джёгетей" ансамбльде джырлагъан джашла, эртдеден шохларым, менге къонакъгъа келдиле. Бир джангы джырынг джокъмуду? - деген соруугъа не айтыргъа билмедим. Сора, Тюрклюлени Борис ышарыб: " ариу макъамыбызда хазырды"-деди. Ол кюн таукел болдум, эртдеден муратымы толтурала эсем кёреим деб, хазыр назмуланы макъамгъа салдым. Джашлагъа кёргюзтгенимде, табды, аламатды, деб махтадыла. Келишмеген джерчиклерин да тюрлендирдик. Алай бла "Къарачайым-Малкъарым" деген назмум джыр болуб къалды.

Вопрос 2 от Форумчанки
Как Норий отнесся к тому, что "Эльбрусоид" выбрал его песню своим гимном?

- Тюгел эс ташламадым ансын, бек джунчугъан эдим - дейди Норий.
Не ючюн десегиз? Барыбызда творчествосуна баш ийген адамыбызны, поэтибизни, джандетли болсун, Джырчы Смайылны "Минги Тау" деген джыры саулай Шимал Кавказгъа белгили болуб, гимн болгъанды. Анга юрениб тургъанлай, "Къарачайым-Малкъарым" деген джырымы джаш тёлю кесине гимнге сайлагъанында, юсюме бир уллу джюк тюшгенча болдум. Бир джаны бла кёлюм иги болду, не джашырыу, аны хар авторда ушатырыкъ эди. Иги джырды, миллет сюйюб тынгылайды, -дегенлени эшитсем, хар джол сайын ол джюгюм юсюмде уллудан-уллу болуб барады.

Вопрос 3 от kalejchi
Экинчи тизгин "Кёб ёмюрлени..." деб башланады. Бизни тилни джорукъларын кёре, "кёб ёмюрню..." деб айтылыргъа керек тюлмю эди?
- Назму джыр болгъунчусаны джазылгъаны былай эди:
"Деу аланла зорчуладан, джауладан,
Кёб ёмюрню Аллах бла сакъланнган..."
Алай а, башында айтханымча, сёзлени макъамгъа салгъаныкъда, бир-бир сёзлени тюрлендирген этгенбиз. Джыр ариу эштилирча. Бу "ёмюрню-ёмюрлени" деген сёзле да ол къауумгъа кириб къалгъандыла.

Вопрос 4 от kalejchi
Бир миллетден джаратылгъан эки халкъ" деб айтылады джырда. Мен а - къарачай-малкъар эки халкъ тюл - БИР ХАЛКЪДЫ деб турама.
Эки халкъ деб, Сиз не ючюн джазгъаныгъызны бир ангылатсагъыз.
- Биз сюймегенлей, кърал зорукъну кючю бла къарачай бла малкъар эки халкъ болуб къалгъанбыз. Малкъар КъМР-да джашайды, къарачай халкъ КъЧР-да орналыбды. Сюйсек, сюймесек да малкъар бла къарачай деб айтылады атыбызгъа. Джырда да алайын чертгенлигим эди. Бир миллетден юлешиниб, эки халкъ болуб турабыз десем, ол кърал политикагъада келишмей эди, миллетни иннетин бузаргъа да чурум бола эди. Ачыу туудура эди адамланы кёллеринде. Ол себебден, ол затланы тизиб айланмай: "Бир миллетден джаратылгъан эки халкъ" деб къойдум. Назмуну окъугъанла, джыргъа тынгылагъанла кеслери айырлыкъ болурла алайын деб.
....продолжение следует...
 
 
 
Страницы: 1
Читают тему (гостей: 1)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2024 Elbrusoid.org  |  Все права защищены Законами Гор.