Эльбрусоид :: Форум :: Норию Созарукову

Эшекни не къадар тюйсенг да, ат болмаз.
Иги адам абынса да, джангылмаз.
Акъыл аздырмаз, билим тоздурмаз.
Эркишини аманы тиширыуну джылатыр.
Aдам боллукъ, сыфатындан белгили.
Ауузу бла къуш тута айланады.
Тойгъан джерден туугъан джер игиди.
Акъыл бла адеб эгизледиле.
Адеб базарда сатылмаз.
Атлыны кёрсе, джаяуну буту талыр.
Кёзюнде тереги болгъан, чёбю болгъаннга кюле эди.
Башда акъыл болмаса, эки аякъгъа кюч джетер.
Иги – алгъыш этер, аман – къаргъыш этер.
Мал кёб болса, джууукъ кёб болур.
Чабар ат – джетген къыз.
Ариу сёз джыланны орнундан чыгъарыр.
Тилсиз миллет джокъ болур.
Игилик игилик бла сингдирилиучю затды.
Ётюрюкчюню шагъаты – къатында.
Джиби бир къат джетмей эди да, эки къат тарта эди.
Агъач – джерни чырайы, кийим – эрни чырайы.
Сескекли кесин билдирир.
Ойнай-ойнай кёз чыгъар.
Гугук кесини атын айтыб къычыргъанча, мен, мен деб нек тураса?
Зарда марда джокъ.
Джашда акъыл джокъ, къартда къарыу джокъ.
Ана – юйню кюн джарыгъы.
Ач, тоймам, дейди, тойгъан, ач болмам, дейди.
Къулакъдан эсе, кёзге ышан.
Къобан да къуру да къобханлай турмайды, адам да къуру да патчахлай турмайды.
Ауузу аманнга «иги», деме.
Эки элинги тыйсанг, джети элде махталырса.
Къолунгдан къуймакъ ашатсанг да, атаны борчундан къутулмазса.
Аякъларынгы джууургъанынга кёре узат.
Юй ишлеген балта эшикде къалыр.
Къыйынлы джети элни къайгъысын этер.
Зар адамны насыбы болмаз.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Бал чибинни ургъаны – ачы, балы – татлы.
Элге къуллукъ этмеген, элге ие болмаз.
Сыфатында болмагъаны, суратында болмаз.
Ариу сёзде ауруу джокъ.
Эркишиге тары кебек танг кёрюнюр.
Эртде тургъан бла эртде юйленнген сокъуранмаз.
Къуллукъчума, деб махтанма, къуллукъ – хаух джамчыды!
Билимден уллу байлыкъ джокъду.
Ойнай билмеген, уруб къачар.
Аууздан келген, къолдан келсе, ким да патчах болур эди.
Сакъалы текени да бар, мыйыгъы киштикни да бар.
Аманны тукъумуна къарама, игини тукъумун сорма.

RSS

Норию Созарукову - 60 лет!

Эльба-Карач

Гость

Джаратама0

22.11.2010 17:46:51

На той неделе в Черкесске прошел торжественный вечер, посвященный 60-летию со дня рождения заслуженного поэта КЧР Нория Созарукова.

Для тех, кто не в курсе Норий Шогъаибович автор нашего гимна

КЪАРАЧАЙЫМ - МАЛКЪАРЫМ

Деу аланла зорчуладан, джауладан,
Кёб ёмюрлени Аллах бла сакъланнган.
Сейир джуртну эркелете, ийнакълай,
Биз джашайбыз Малкъар бла Къарачай.

Бу дунияны джандети, деб аталгъан,
Тау джерибиз махтау бла айтылгъан.
Сууларыбыз - тамам кюмюш белибау,
Къууанчыбыз - эки башлы Минги Тау.

ПРИПЕВ:
Къарачайым, Малкъарым!
Экибиз да эки учар къанатым.
Бир миллетден джаратылгъан эки халкъ,
Шох турабыз бир-бирге болуб джакъ.

Тамаданы сыйлаб орун бергенле,
Тиширыуну ана къачын кёргенле.
Къартларыбыз тюз оноулу келбетли,
Джаш тёлюбюз тау намыслы, адетли.

Къыйын кюнде шохун, тенгин сатмагъан,
Башхалагъа сауут алыб чабмагъан,
Тюзлюк джолда тенг атлагъан эгизле,
Зорлукъ ачыу сынамагъыз ёмюрде.

ПРИПЕВ:
Къарачайым, Малкъарым!
Экибиз да эки учар къанатым.
Бир миллетден джаратылгъан эки халкъ,
Шох турабыз бир-бирге болуб джакъ.

Девушка Гор

Гость

Джаратама0

22.11.2010 17:53:20

Очень нравится стихотворение

Сени кёрсем...
Сени кёрсем, кёзлеринге къарарым,
Джюрегимде сюймекликни айтырым
Деб, таукеллик этеме мен кесиме,
Ашыгъама сеннге тюбер кюнюме.

Тюбесем а, къызыу тебе джюрегим,
Джунчугъандан абызырайды эсим.
Уялгъандан джерге къарай кёзлерим,
Тамагъымда къаладыла сёзлерим.

Кюрешеме джанкъылычдан ёталмай,
Кесим джангыз тогъайына джеталмай.
Кел, биз анга бирден басхыч салайыкъ,
Ол джанында насыб бармыд, къарайыкъ!

Форумчанка Гость	#3 Джаратама0 22.11.2010 17:54:57 Поздравляем! Знаем! Ценим! Желаем...! Спасибо!!!! За гимн особенный

sama Гость	#4 Джаратама0 22.11.2010 17:56:56 Так вот он какой, автор гимна! Поздравляю с прошедшим юбилеем! Насыблы, къууанчлы болугъуз!

Эльба-Карач Гость	#5 Джаратама0 22.11.2010 18:04:19 Уважаемые форумчане, в среду в офисе Эльба-Карачаевск состоится встреча с юбиляром. Все желающие можете задать вопросы лично, или в этой теме

Форумчанка Гость	#6 Джаратама0 22.11.2010 22:25:48 У меня вопросы такие.. Как родилась песня "Къарачайым, Малкъарым"? Как Норий отнесся к тому, что Эльбрусоид выбрал его песню своим гимном?

капепе Гость	#7 Джаратама0 22.11.2010 22:29:15 У меня вопросы такие.. Как родилась песня "Къарачайым, Малкъарым"? Форумчанка думаешь Софа в курсе? ))

Пиражёкну цархы Гость	#8 Джаратама0 23.11.2010 01:59:07 И слова хорошие и песня удачная. Узакъ ёмюрлю болсун!

Dalila Гость	#9 Джаратама0 23.11.2010 02:04:30 Узакъ ёмюрлю болсун! Замечательная песня, талантливый поэт....

kalejchi

Гость

#10

Джаратама0

23.11.2010 17:41:46

Норий, Сизни юбилейигиз бла алгъышлай, узакъ ёмюр теджей, бир-эки сорууум да барды "Къарачайым-Малкъарым" назмугъузну юсюнден.

Экинчи тизгин "Кёб ёмюрлени..." деб башланады. Бизни тилни джорукъларын кёре, "кёб ёмюрню..." деб айтылыргъа керек тюлмю эди?
Сёз ючюн: "кёб адам келди", "кёб сёз айтылды" дегенча. Быллай ууакъ-тюек затланы тюзетген къыйын болмаз.

Экинчи сорууум.
"Бир миллетден джаратылгъан эки халкъ" деб айтылады джырда. Мен а - къарачай-малкъар эки халкъ тюл - БИР ХАЛКЪДЫ деб турама.
Эки халкъ деб, Сиз не ючюн джазгъаныгъызны бир ангылатсагъыз.

Сау болугъуз, эсен болугъуз.

Форумчанка Гость	#11 Джаратама0 23.11.2010 18:15:38 капепе Софа, да будет тебе известно, в курсе всего

SOFIKOSHKA

Гость

#12

Джаратама0

23.11.2010 23:41:24

Форумчанка
капепе

Софа, да будет тебе известно, в курсе всего

Ильяс, слушай Люду)) она тебе не соврет))

Девушка Гор
Сени кёрсем...

стихотворение на самом деле очень красивое и романтичное

Вот еще про нас:

Аланланы туудукълары

Бир тамырдан ёсген гюл кибик,
Бир бутакъда битген эки балийча,
Бир тыбыргъа тенг келтире игилик,
Бирден туугъан эки эгиз сабийча.

Бир миллетбиз, Малкъар бла Къарачай:
Биринг джай кюн, биринг тамам толгъан ай,
Экигиз да асыл, Алан туудукъла,
Кёб ёмюрню хош джашагъыз тау джыртда.

SOFIKOSHKA Гость	#13 Джаратама0 23.11.2010 23:42:44 НАПОМИНАЮ!!! ЗАВТРА, 24 НОЯБРЯ В 15-00 В ОФИСЕ ЭЛЬБЫ В КАРАЧАЕВСКЕ СОСТОИТСЯ ВСТРЕЧА С ЮБИЛЯРОМ, АВТОРОМ СЛОВ НАШЕГО ГИМНА "КЪАРАЧАЙЫМ-МАЛКЪАРЫМ" НОРИЕМ СОЗАРУКОВЫМ!!!

SOFIKOSHKA

Гость

#14

Джаратама0

23.11.2010 23:50:47

Шо, бир окъугъуз

Сени ючюн бойнума сынау тюшсе,
Чыгъанакълы хансланы уллу тюзде
Джалан аякъ джырыб ётюб кетерме.
Бек керекди, деб билдирсенг а меннге,
Не тюрлю да мадар этиб, мен сеннге
Кёкден айны алыб, саугъа этерме.

Тарыкъмайын тёзалырма азабха,
Ёталырма, бууса да тар сыбабха,
Бир этгеед ансы бызни джазыуум!
Дуния рысхы, джамчы болуб джабса да,
Улху болуб, тоханагъа тартса да,
Сенсиз кюнюм - сорукъмагъан джарсыуум!

SOFIKOSHKA Гость	#15 Джаратама0 24.11.2010 02:26:38 up

Rassel

Гость

#16

Джаратама0

24.11.2010 15:25:05

Алгъышлайма джазыучуну!

Сорууум: Норийни оюму къалайды, не этерге керекди къарачай-малкъар джаш тёлю ана тилде сагъыш этерча, сёлеширча?
Адамла орус, къарачай сёзлени къатыштырыб сёлешселе къалай боласыз?

бездушный кролик Гость	#17 Джаратама0 24.11.2010 15:46:19 Менда алгъышлайма!!!Насып, саулукъ Аллахдан келсин

Акъыллычыкъ

Гость

#18

Джаратама0

24.11.2010 17:03:17

Очень нравится любовная лирика Созарукова

Къатыгъыз бла озуб баргъан заманда
Кёрюученме терезенгде гюллени.
Сени бла бир юйделле деб, ала,
Сукъланнганлай ашырама кюнлени.

Мен да аллай бир сейир гюл болалсам,
Кёз туурангда чагъар эдим, джашнарем.
Сенден меннге джюрек джылыу табылса,
Тар болса да, къошунда да джашарем!

Такой вопрос: А кто Муза? И конкретный ли это человек или он просто образ женщины воспевает?

Rassel Гость	#19 Джаратама0 25.11.2010 15:16:41 Тюбешдигизми Норий бла?))

Ккъарачай шахар Гость	#20 Джаратама0 25.11.2010 15:30:53 Тюбешдк, соруула да сордукъ)) кечирек суратланы да соруулагъа джууабланы да саллыкъбыз бу темагъа.

Rassel Гость	#21 Джаратама0 25.11.2010 17:59:27 Саубол, болсун))

Девушка Гор

Гость

#22

Джаратама0

25.11.2010 20:10:47

Вчера в офисе Эльба-Карач состоялась встреча актива и работников с поэтом-песенником Н. Созаруковым.

Норий Шогъаибович рассказал собравшимся о себе, о своей журналистской работе, о поэзии... Все слушали с большим интересом.

Подарил собравшимся свою книгу "Эки учар къанатым"

- Назмуларымда, джырларымда шохлукъну, джарашыулукъну эмда тюзлюкню ышаннгылы дагъаны тау халкъымы ашхы шартларын кёргюзала эсем, сора мен миллетиме тыйыншлы къуллукъ этеме, дерге боллукъма - дейди Норий.

Уважаемые форумчане, ответы на все ваши вопросы мы получили.

Через чуть-чуть можно будет все прочитать.

Девушка Гор Гость	#23 Джаратама0 26.11.2010 17:23:57 Норий Созаруков с удовольствием ответил на все ваши вопросы, уважаемые форумчане. Итак, вопрос 1 от Форумчанки *Как родилась песня "Къарачайым, Малкъарым"?* - "Къарачайым-Малкъарым" деген джыр мени эртдеден муратым эди,-дейди Норий. Миллетиме разылыгъымы къалай билдирирге билмей эдим. Сёзюм джетмей эди. Джыр боллукъду, гимнге сайланныкъды деб эсимде да джокъ эди. Эки миллетни бир бетден кёргюзтюрге тырмашыб тура эдим. Алай а, къолгъа алыргъа, джазаргъа базмай тура эдим. Бир талай назмум джыр болуб джырланнгандан сора, кюнлени биринде "Джёгетей" ансамбльде джырлагъан джашла, эртдеден шохларым, менге къонакъгъа келдиле. Бир джангы джырынг джокъмуду? - деген соруугъа не айтыргъа билмедим. Сора, Тюрклюлени Борис ышарыб: " ариу макъамыбызда хазырды"-деди. Ол кюн таукел болдум, эртдеден муратымы толтурала эсем кёреим деб, хазыр назмуланы макъамгъа салдым. Джашлагъа кёргюзтгенимде, табды, аламатды, деб махтадыла. Келишмеген джерчиклерин да тюрлендирдик. Алай бла "Къарачайым-Малкъарым" деген назмум джыр болуб къалды. Вопрос 2 от Форумчанки Как Норий отнесся к тому, что "Эльбрусоид" выбрал его песню своим гимном? - Тюгел эс ташламадым ансын, бек джунчугъан эдим - дейди Норий. Не ючюн десегиз? Барыбызда творчествосуна баш ийген адамыбызны, поэтибизни, джандетли болсун, Джырчы Смайылны "Минги Тау" деген джыры саулай Шимал Кавказгъа белгили болуб, гимн болгъанды. Анга юрениб тургъанлай, "Къарачайым-Малкъарым" деген джырымы джаш тёлю кесине гимнге сайлагъанында, юсюме бир уллу джюк тюшгенча болдум. Бир джаны бла кёлюм иги болду, не джашырыу, аны хар авторда ушатырыкъ эди. Иги джырды, миллет сюйюб тынгылайды, -дегенлени эшитсем, хар джол сайын ол джюгюм юсюмде уллудан-уллу болуб барады. Вопрос 3 от kalejchi Экинчи тизгин "Кёб ёмюрлени..." деб башланады. Бизни тилни джорукъларын кёре, "кёб ёмюрню..." деб айтылыргъа керек тюлмю эди? - Назму джыр болгъунчусаны джазылгъаны былай эди: "Деу аланла зорчуладан, джауладан, Кёб ёмюрню Аллах бла сакъланнган..." Алай а, башында айтханымча, сёзлени макъамгъа салгъаныкъда, бир-бир сёзлени тюрлендирген этгенбиз. Джыр ариу эштилирча. Бу "ёмюрню-ёмюрлени" деген сёзле да ол къауумгъа кириб къалгъандыла. Вопрос 4 от kalejchi Бир миллетден джаратылгъан эки халкъ" деб айтылады джырда. Мен а - къарачай-малкъар эки халкъ тюл - БИР ХАЛКЪДЫ деб турама. Эки халкъ деб, Сиз не ючюн джазгъаныгъызны бир ангылатсагъыз. - Биз сюймегенлей, кърал зорукъну кючю бла къарачай бла малкъар эки халкъ болуб къалгъанбыз. Малкъар КъМР-да джашайды, къарачай халкъ КъЧР-да орналыбды. Сюйсек, сюймесек да малкъар бла къарачай деб айтылады атыбызгъа. Джырда да алайын чертгенлигим эди. Бир миллетден юлешиниб, эки халкъ болуб турабыз десем, ол кърал политикагъада келишмей эди, миллетни иннетин бузаргъа да чурум бола эди. Ачыу туудура эди адамланы кёллеринде. Ол себебден, ол затланы тизиб айланмай: "Бир миллетден джаратылгъан эки халкъ" деб къойдум. Назмуну окъугъанла, джыргъа тынгылагъанла кеслери айырлыкъ болурла алайын деб. ....продолжение следует...

Читают тему (гостей: 1)

Логин:
Пароль:
	Запомнить меня на этом компьютере

Забыли свой пароль?
Регистрация