- Кийимни бир кюнню аясанг, минг кюннге джарар.
- Гугурук къычырмаса да, тангны атары къалмаз.
- Аманны тукъумуна къарама, игини тукъумун сорма.
- Ёзденликни джайгъан – джокълукъ.
- Келинин тута билмеген, къул этер, къызын тута билмеген, тул этер.
- Бёрю да ач къалмасын, эчки да ашалмасын.
- Къанны къан бла джуума, аманны аман бла къуума.
- Тёзгеннге, джабылгъан эшик ачылыр.
- Бети къызарыучу адамны, джюреги харам болмаз.
- Сескекли кесин билдирир.
- Сакъалы текени да бар, мыйыгъы киштикни да бар.
- Къонакъ хазыр болгъанлыкъгъа, къонакъбай хазыр тюлдю.
- Джылкъыдан – ат чыгъар, тукъумдан – джаш чыгъар.
- Билимли ёлмез, билимсиз кёрмез.
- Къозулугъунда тоймагъан, къойлугъунда тоймаз.
- Ачлыкъ отха секиртир.
- Адам къыйынлыгъын кёлтюрюр, зауукълугъун кёлтюрмез.
- Чомартны къолу берекет.
- Къонагъынгы артмагъын алма да, алгъышын ал.
- Терслик кетер, тюзлюк джетер.
- Джюз элде джюз ёгюзюм болгъандан эсе, джюз джууугъум болсун.
- Кирсизни – саны таза, халалны – къаны таза.
- Окъдан джара эртде-кеч болса да бителир, сёз джара, ёмюрге къалыр.
- Чёбню кёлтюрсенг, тюбюнден сёз чыгъар.
- Къыз келсе, джумуш эте келеди, къатын келсе, ушакъ эте келеди.
- Адамны адамлыгъы къыйынлыкъда айгъакъланады.
- Ёпкелегенни ашы татлы болады.
- Джангыз торгъай джырламаз.
- Кёбден умут этиб, аздан къуру къалма.
- Арыгъан къош чамчы болур.
- Гитче джилтин уллу элни джандырыр.
- Рысхы – сют юсюнде кёмюк кибикди.
- Уллу сёлешме да, уллу къаб.
- Башынга джетмегенни сорма.
- Эркишини аманы тиширыуну джылатыр.
- Таш бла ургъанны, аш бла ур.
- Ётюрюкню къуйругъу – бир тутум.
- Дуния мал дунияда къалады.
- Ариу сёзде ауруу джокъ.
- Азыкълы ат арымаз, къатыны аман джарымаз.
- Ишин билген, аны сыйын чыгъарады.
- Къарт болгъан джерде, берекет болур, сабий болгъан джерде, оюн болур.
- Хансыз джомакъ болмаз.
- Ауузу аманнга «иги», деме.
- Миллетни бойну – базыкъ, аны бла кюрешген – джазыкъ.
- Къайтырыкъ эшигинги, къаты уруб чыкъма.
- Хар адамгъа кеси миннген тау кибик.
- Уруну арты – къуру.
- Тюзню ётмеги тюзде къалса да, тас болмаз.
- Джыланны къуйругъундан басарынг келсе, аны башы болгъанын унутма.
где
20.09.2010 13:33:56
где скачать книгу Карачаевские пословицы и поговорки?
|
|
|
|
20.09.2010 13:43:30
В библиотеке есть 2 книги:
Карачаево-балкарские пословицы и поговорки, М.Ч. Кудаев Къарачай-Малкъар нарт сёзле |
||||
|
|
|||
Читают тему (гостей: 1)