- Ашхы атаны – джашы ашхы, ашхы ананы – къызы ашхы.
- Иги джашны ышаны – аз сёлешиб, кёб тынгылар.
- Адам сёзюнден белгили.
- Гугурук къычырмаса да, тангны атары къалмаз.
- Кёбню кёрген – кёб билир.
- Махтаннган къыз, тойда джукълар.
- Джаш къарыу бла кючлю, къарт акъыл бла кючлю.
- Хантына кёре тузу, юйюне кёре къызы.
- Джаш болсун, къыз болсун, акъылы, саны тюз болсун.
- Акъыллы эркиши атын махтар, акъылсыз эркиши къатынын махтар.
- Татлы тилде – сёз ариу, чемер къолда – иш ариу.
- Арба аугъандан сора, джол кёргюзтюучю кёб болур.
- Ариу сёз – джаннга азыкъ, аман сёз – башха къазыкъ.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ёзденликни кёбю ётюрюк.
- Джан саулукъ бермей, сан саулукъ бермезсе.
- Аман киши кеси юйюнде – къонакъ.
- Биреу ашаб къутулур, биреу джалаб тутулур.
- Окъуусуз билим – джокъ, билимсиз кюнюнг – джокъ.
- Айранны сюйген, ийнек тутар.
- Джетген къыз джерли эшекни танымаз.
- Кёкдеги болмаса, джердегин кёрмейди.
- Къайтырыкъ эшигинги, къаты уруб чыкъма.
- Сабий болмагъан джерде, мёлек болмаз.
- Джашда акъыл джокъ, къартда къарыу джокъ.
- Рысхы – насыбха къор.
- Чабакъсыз кёлге къармакъ салгъанлыкъгъа, чабакъ тутмазса.
- Ачлыкъ отха секиртир.
- Сютню башын джалагъан къутулур, тюбюн ичген тутулур.
- Къызгъанчдан ычхыныр, мухардан ычхынмаз.
- Урунуу – насыбны анасы.
- Киштикге къанат битсе, чыпчыкъ къалмаз эди.
- Аманнга да, игиге да оноусуз къатышма.
- Къыйынлы джети элге оноу этер.
- Нёгер болсанг, тенг бол, тенг болмасанг, кенг бол.
- Эркишиге тары кебек танг кёрюнюр.
- Зар адамны насыбы болмаз.
- Агъач халкъгъа алтынды, иссиликге салкъынды.
- Аман адамны тепсинге олтуртсанг, къызынгы тилер.
- Адебни адебсизден юрен.
- Ёгюзню мюйюзюнден тутадыла, адамны сёзюнден тутадыла.
- Тамбла алтындан бюгюн багъыр ашхы.
- Адам боллукъ, атламындан белгили болур.
- Билмезни кёзю кёрмез, этмезни къулагъы эшитмез.
- Аз сёлеш, кёб ишле.
- Таякъ этден ётер, тил сюекден ётер.
- Джюрекге ариу – кёзге да ариу.
- Билим – акъылны чырагъы.
- Байлыкъ адамны сокъур этер.
- Соргъан айыб тюлдю, билмеген айыбды.
искусство в металле
Читают тему (гостей: 1)