- Кюн кёрмеген, кюн кёрсе, кюндюз чыракъ джандырыр.
- Хар сёзню орну барды.
- Таукел адам тау тешер.
- Аманнга да, игиге да оноусуз къатышма.
- Билимсиз иш бармаз.
- Чакъырылмагъан къонакъ къачан кетерин сормаз.
- Берекет берсин деген джерде, берекет болур.
- Бозаны арты дауур болур.
- Тёзгеннге, джабылгъан эшик ачылыр.
- Къуру гыбыт бек дыгъырдар.
- Башынга джетмегенни сорма.
- Мал ёлсе, сюек къалыр, адам ёлсе, иши къалыр.
- Кёрмегеннге кебек – танг, битмегеннге сакъал – танг.
- Ашхы атаны – джашы ашхы, ашхы ананы – къызы ашхы.
- Азыкъ аз болса, эртде орун сал.
- Баланы адам этген анады.
- Эл ауузу – элия.
- Эркиши – от, тиширыу – суу.
- Керти сёзге тёре джокъ.
- Къазанны башы ачыкъ болса, итге уят керекди.
- Арбаз сайлама да, хоншу сайла.
- Иги джашны ышаны – аз сёлешиб, кёб тынгылар.
- Элге къуллукъ этмеген, элге ие болмаз.
- Халкъны джырын джырласанг, халкъ санга эжиу этер.
- Адамны адамлыгъы къыйынлыкъда айгъакъланады.
- Ачыу алгъа келсе, акъыл артха къалады.
- Кирсизни – саны таза, халалны – къаны таза.
- Къыйынлы джети элге оноу этер.
- Тойгъа алгъа да барма, тойда артха да къалма.
- Ойнаб айтсанг да, эслеб айт.
- Бюгюн дуния кибик, тамбла ахыратды.
- Ауругъан – джашаудан умутчу.
- Билим насыб берир, билим джолну керир.
- Чомартны къолун джокълукъ байлар.
- Чомарт джарлы болмаз.
- Къарнынг тойгъунчу аша да, белинг талгъынчы ишле.
- Ашда уялгъан – мухар, ишде уялгъан – хомух.
- Терслик кетер, тюзлюк джетер.
- Акъыл сабырлыкъ берир.
- Тёрдеги кюлсе, эшикдеги ышарыр.
- Акъыллы эркиши атын махтар, акъылсыз эркиши къатынын махтар.
- Къонакъ болсанг, ийнакъ бол.
- Чарсда алчыны эл кёреди.
- Къан бла кирген, джан бла чыгъар.
- Джол бла сёзню къыйыры джокъ.
- Арбаз къынгырды да, ийнек сауалмайма.
- Къартны сыйын кёрмеген, къартлыгъында сыйлы болмаз.
- Тыш элде солтан болгъандан эсе, кесинги элде олтан болгъан игиди!
- Уллу атлама – абынырса, уллу къабма – къарылырса.
- Накъырда – кертини келечиси.
искусство в металле
.jpg)
Читают тему (гостей: 1)