- Таукел адам тау тешер.
- Шекер бла туз – бир болмаз, ушамагъан – юй болмаз.
- Атынг аманнга чыкъгъандан эсе, джанынг тамагъынгдан чыкъсын.
- Рысхы джалгъанды: келген да этер, кетген да этер.
- Таула не мийик болсала да, аууш табылыр.
- Кёб къычыргъандан – къоркъма, тынч олтургъандан – къоркъ.
- Билимден уллу байлыкъ джокъду.
- Джарлы тюеге минсе да, ит къабар.
- Ашын ашагъанынгы, башын да сыйла.
- Соргъан айыб тюлдю, билмеген айыбды.
- «Ёгюз, джаргъа джууукъ барма, меннге джюк боллукъса», - дегенди эшек.
- Таш бла ургъанны, аш бла ур.
- Адамны джюреги нени кёрюрге сюйсе, кёзю да аны кёрюрге ёч болады.
- Джюрекге ариу – кёзге да ариу.
- Эшекни не къадар тюйсенг да, ат болмаз.
- Билмейме деген – бир сёз
- Къатын байлыкъны сюер, эр саулукъну сюер.
- Аш хазыр болса, иш харам болур.
- Эм ашхы къайын ана мамукъ бла башынгы тешер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Сабий кёргенин унутмаз.
- Джылкъыдан – ат чыгъар, тукъумдан – джаш чыгъар.
- Къонакъ хазыр болгъанлыкъгъа, къонакъбай хазыр тюлдю.
- Къарнынг къанлынга кийирир.
- Халкъны юйю – туугъан джери.
- Аллахдан тилесенг, кёб тиле.
- Башы джабылгъан челекге, кир тюшмез.
- Джети тилни билген джети кишиди.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Акъыллы – эл иеси, тели – эл баласы.
- Къонакъ аз олтурур, кёб сынар.
- Эр абынмай, эл танымаз.
- Ичимден чыкъды хата, къайры барайым сата?
- Окъугъан озар, окъумагъан тозар.
- Эркишиге тары кебек танг кёрюнюр.
- Чабар ат – джетген къыз.
- Окъуу – билимни ачхычы, окъуу – дунияны бачхычы.
- Иги – алгъыш этер, аман – къаргъыш этер.
- Джашлыкъ этмеген, башлыкъ этмез.
- Эки ойлашыб, бир сёлешген.
- Аманнга да, игиге да оноусуз къатышма.
- Нёгерсизни джолу узун.
- Сёз – кюмюш, джыр – алтын.
- Уруну арты – къуру.
- Оюмсуз атлагъан, аджалсыз ёлюр.
- Хаухну атма, ёнгкючню сатма.
- Тюзню ётмеги тюзде къалса да, тас болмаз.
- Башсыз урчукъ тюзюне айланмаз.
- Алгъанда – джууукъ, бергенде – джау.
- Джеринден айырылгъан – джети джылар, джуртундан айырылгъан – ёлгюнчю джылар.
искусство в металле
Читают тему (гостей: 1)