- Кюлме джашха – келир башха.
- Сакъ юйюне сау барыр.
- Иги сеники эсе да, сюйген кесимикин этеме.
- Уллу сёзде уят джокъ.
- Баш болса, бёрк табылыр.
- Ачлыкъ отха секиртир.
- Минг тенг да азды, бир джау да кёбдю.
- Къууут – джелге, берне – бошха.
- Къазанны башы ачыкъ болса, итге уят керекди.
- Къызбайны юйюне дери сюрсенг, батыр болур.
- Кёлсюзден сёзсюз тууар.
- Эрни эр этерик да, къара джер этерик да, тиширыуду.
- Намыс сатылыб алынмайды.
- Билимсиз иш бармаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Байдан умут эте, джарлыдан ёгюз багъасы къорады.
- Джуртун къоругъан озар.
- Аманны тукъумуна къарама, игини тукъумун сорма.
- Танг атмайма десе да, кюн къоярыкъ тюйюлдю.
- Харам къарнашдан, халал тенг ашхы.
- Чомартны къолун джокълукъ байлар.
- Къайгъыны сюйген, къайгъы табар.
- Игини сыйлагъан адетди.
- Тик ёргени, тик энгишгеси да болады.
- Окъугъан озар, окъумагъан тозар.
- Ёксюзню къалачы уллу кёрюнюр.
- Къоркъакъны кёзю экили кёрюр.
- Ауругъан – джашаудан умутчу.
- Айран ичген – къутулду, джугъусун джалагъан – тутулду.
- Кёб джат да, бек чаб.
- Билмегенинги, билгеннге сор.
- Тойчу джашха къарама, къойчу джашха къара.
- Эринчекни аурууу – кёб.
- Гугурук къычырмаса да, тангны атары къалмаз.
- Бастасын ашагъан, хантусун да ичер.
- Игиге айтсанг – билир, аманнга айтсанг – кюлюр.
- Билим – акъылны чырагъы.
- Ач, тоймам, дейди, тойгъан, ач болмам, дейди.
- Ишлегенден, къарагъан уста.
- Бети бедерден, намыс сакълама.
- Ат басханны джер билед.
- Тюзлюк тас болмайды.
- Тил джюрекге джол ишлейди.
- Хата – гитчеден.
- Ханнга да келеди хариблик.
- Юйюнгден чыкъдынг – кюнюнгден чыкъдынг.
- Бети къызарыучу адамны, джюреги харам болмаз.
- Тулпарлыкъ, билекден тюл – джюрекден.
- Сёлеш деб шай берген, тохта деб, сом берген.
- Ашхылыкъ джерде джатмайды, аманлыкъ суугъа батмайды.
искусство в металле
.jpg)
Читают тему (гостей: 1)