- Тенгни тенглиги джашай барсанг билинир.
- Уллу атлама – абынырса, уллу къабма – къарылырса.
- Къазанчы аман болса, къазаны къайнамаз.
- Берекет берсин деген джерде, берекет болур.
- Чакъырылмагъан джерге барма, чакъырылгъан джерден къалма.
- Аурууну келиую тынч, кетиую – къыйын.
- Булут кёкге джарашыу, уят бетге джарашыу.
- Мал ёлсе, сюек къалыр, адам ёлсе, иши къалыр.
- Элни кючю – эмеген.
- Окъуу – билимни ачхычы, окъуу – дунияны бачхычы.
- Халкъны джырын джырласанг, халкъ санга эжиу этер.
- Ата Джуртуму башы болмасам да, босагъасында ташы болайым.
- Арбаз къынгырды да, ийнек сауалмайма.
- Ат басханны джер билед.
- Сабыр джетер муратха, сабырсыз къалыр уятха.
- Ишлегенде эринме, ишде чолакъ кёрюнме.
- Акъдан къара болмаз.
- Игиге айтсанг – билир, аманнга айтсанг – кюлюр.
- Джан саулукъ бермей, сан саулукъ бермезсе.
- Къазанда болса, чолпугъа чыгъар.
- Акъыллы айтыр эди, акъылсыз къоймайды.
- Джахил болса анасы, не билликди баласы?
- Ана – юйню кюн джарыгъы.
- Бет бетге къараса, бет да джерге къарар.
- Сууда джау джокъ, кёб сёзде магъана джокъ.
- Иги болса, тамадама – махтау, аман болса, меннге – айыб.
- Тенгинг джокъ эсе – изле, бар эсе – сакъла!
- Эки элинги тыйсанг, джети элде махталырса.
- Татлы сёз – балдан татлы.
- Аш иеси бла татлыды.
- Тынгылагъан тынгы бузар.
- Къуру гыбыт бек дыгъырдар.
- Элде адам къалмаса, ит тахтагъа минер.
- Биреуге аманлыкъны тилеме да, кесинге ашхылыкъны тиле.
- Байлыкъ тауусулур, билим тауусулмаз.
- Эм уллу байлыкъ – джан саулукъ.
- Атадан ёксюз – бир ёксюз, анадан ёксюз – эки ёксюз.
- Ариу сёз аурууунгу алыр.
- Эли джокъну – кёлю джокъ.
- Ашлыкъны арба юйге келтирир, чана базаргъа элтир.
- Джырчы джырчыгъа – къарнаш.
- Таугъа чыгъаллыкъ эсенг, тюзде къалма.
- Гугук кесини атын айтыб къычыргъанча, мен, мен деб нек тураса?
- Айырылмаз джууугъунга, унутмаз сёзню айтма.
- Аш кетер да бет къалыр.
- Тулпарлыкъ, билекден тюл – джюрекден.
- Къатыны харакетли болса, эри къымсыз болур.
- Къанны къан бла джуума, аманны аман бла къуума.
- Эринчекни аурууу – кёб.
- Аз айтсам, кёб ангылагъыз.
искусство в металле
.jpg)
Читают тему (гостей: 1)