- Къолунгдан къуймакъ ашатсанг да, атаны борчундан къутулмазса.
- Къонакъны къачан кетерин сорма, къачан келлигин сор.
- Эл бла кёргенинг эрелей.
- Джангызны оту джарыкъ джанмаз!
- Акъылсызны джууукъгъа алма, акъыллыны кенгнге салма.
- Ачыу алгъа келсе, акъыл артха къалады.
- Кютгени беш эчки, сызгъыргъаны уа, джерни джарады.
- Тойчу джашха къарама, къойчу джашха къара.
- Ишге юренсин къоллары, халкъ бла болсун джоллары.
- Эки итни арасына сюек атма, эки адамны арасында сёз чыгъарма.
- Ата Джуртча джер болмаз, туугъан элча эл болмаз.
- Эки элинги тыйсанг, джети элде махталырса.
- Айтханы чапыракъдан ётмеген.
- Къарыусузгъа кюлме, онгсузгъа тийме.
- Тамырсыз терекге таянма – джыгъылырса.
- Ёлюк кебинсиз къалмаз.
- Арбаз къынгырды да, ийнек сауалмайма.
- Джаз бир кюнню джатсанг, къыш талай кюнню абынырса.
- Эрни эр этерик да, къара джер этерик да, тиширыуду.
- Арба аугъандан сора, джол кёргюзтюучю кёб болур.
- Ёлген ийнек сютлю болур.
- Ёгюзню мюйюзюнден тутадыла, адамны сёзюнден тутадыла.
- Арбаз сайлама да, хоншу сайла.
- Дженгил джетерикме деб, узун джолну къоюб, къысхасын барма.
- Окъугъанны бети джарыкъ.
- Адам сёзге тынгыла, акъыл сёзню ангыла.
- Керти сёзге тёре джокъ.
- Ойнай билмеген, оюн бузар.
- Къарт айтханны этмеген, къартаймаз.
- Окъугъан – асыу, окъумагъан – джарсыу.
- Къуллукъчума, деб махтанма, къуллукъ – хаух джамчыды!
- Билмезни кёзю кёрмез, этмезни къулагъы эшитмез.
- Акъыл неден да кючлюдю.
- Иги бла джюрюсенг, джетерсе муратынга, аман бла джюрюсенг, къалырса уятха.
- Нарт сёз къарт болмаз.
- Эр абынмай, эл танымаз.
- Игилик игилик бла сингдирилиучю затды.
- Уллу къазанда бишген эт, чий къалмаз.
- Ханнга да келеди хариблик.
- Къазанны башы ачыкъ болса, итге уят керекди.
- Къарын къуру болса, джюрек уру болур.
- Эм ашхы къайын ана мамукъ бла башынгы тешер.
- Къайгъыны сюйген, къайгъы табар.
- Эл ауузу – элия.
- Насыблы элин сюер, насыбсыз кесин сюер.
- Айранны сюйген, ийнек тутар.
- Аш кетер да бет къалыр.
- Махтаннган къыз, тойда джукълар.
- Тилсиз миллет джокъ болур.
- Ётген ёмюр – акъгъан суу.
искусство в металле
.jpg)
Читают тему (гостей: 1)