- Ана къолу ачытмаз.
- Аман киши кеси юйюнде – къонакъ.
- Айранны сюйген, ийнек тутар.
- Уллу суу бла уллу ауруудан башынгы сакъла.
- Рысхы – насыбха къор.
- Къулакъдан эсе, кёзге ышан.
- Ишлегенде эринме, ишде чолакъ кёрюнме.
- Ачлыкъда тары гырджын халыуадан татлы.
- Берекет берсин деген джерде, берекет болур.
- Кесинге джетмегенни, кёб сёлешме.
- Къазанчы аман болса, къазаны къайнамаз.
- Аллахдан тилесенг, кёб тиле.
- Кюн – узун, ёмюр – къысха.
- Айыбны суу бла джууалмазса.
- Ариу сёзде ауруу джокъ.
- Чоюнну башы ачыкъ болса, итге уят керекди.
- Сёз – кюмюш, джыр – алтын.
- Игиге айтсанг – билир, аманнга айтсанг – кюлюр.
- Ашхылыкъ джерде джатмайды, аманлыкъ суугъа батмайды.
- Ёгюзню мюйюзюнден тутадыла, адамны сёзюнден тутадыла.
- Нарт сёз къарт болмаз.
- Ышармагъан – кюлмез, кюлмеген – къууанчны билмез.
- Эл элде бирер малынг болгъандан эсе, бирер тенгинг болсун.
- Керти сёзге тёре джокъ.
- Тил – кесген бычакъ, сёз – атылгъан окъ.
- Ёлюк кебинсиз къалмаз.
- Аман адамны тепсинге олтуртсанг, къызынгы тилер.
- Биреуню тёрюнден, кесинги эшик артынг игиди.
- Юйюнг бла джау болгъандан эсе, элинг бла джау бол.
- Ата – баланы уясы.
- Дууулдаса – бал чибин, къонса – къара чибин.
- Акъылсызны джууукъгъа алма, акъыллыны кенгнге салма.
- Башы джабылгъан челекге, кир тюшмез.
- Ишни аллы бла къууанма да, арты бла къууан.
- Бети бедерден, намыс сакълама.
- Кёб къычыргъандан – къоркъма, тынч олтургъандан – къоркъ.
- Экиндини кеч къылсанг, чабыб джетер ашхам.
- Адамны аманы адамны бети бла ойнар.
- Ана – юйню кюн джарыгъы.
- Таула не мийик болсала да, аууш табылыр.
- Адамгъа аман кюн соруб келмейди.
- Къарыусузгъа кюлме, онгсузгъа тийме.
- Байлыкъ адамны сокъур этер.
- Накъырда – кертини келечиси.
- Аман адам этегингден тутса, кес да къач.
- Кимни – тили, тиши онглу, кимни – къолу, иши онглу.
- Кёб ант этген, кёб ётюрюк айтыр.
- Онгсузну – джакъла, тенгликни – сакъла.
- Ашыкъгъан cуу, тенгизге джетмез.
- Сютден ауузу кюйген, суугъа юфгюре эди.
Новых вершин да свершим! Спостулируем постулаты?
25.05.2010 00:18:51
|
|
|
|
25.05.2010 00:21:36
969
а по теме слабо?)) |
|
|
|
25.05.2010 00:34:18
изяшниперсон
как нить потом.. мыйым бусагъатда кюеди.... |
|
|
|
22.07.2010 20:22:58
eto zhe ta girl
замечательные стихи. даже немного мужские. надеюсь вы еще будете нас радовать. |
|
|
|
29.06.2011 19:34:24
elya
|
|
|
|
30.06.2011 01:47:16
eto zhe ta girl
изнемогаю)) широко и просторно очень (хоть и не поняла сути сказанного))))) |
||||
|
|
|||
Читают тему (гостей: 1)