Войти на сайт
19 Апреля 2024 года

 

  • Иги болса, тамадама – махтау, аман болса, меннге – айыб.
  • Билимден уллу байлыкъ джокъду.
  • Азыгъы аз, алгъа къабар, аты аман, алгъа чабар.
  • Байлыкъ болгъан джерде, тынчлыкъ джокъду.
  • Ашхы атаны – джашы ашхы, ашхы ананы – къызы ашхы.
  • Тенгинг джокъ эсе – изле, бар эсе – сакъла!
  • Къошда джокъгъа – юлюш джокъ.
  • Онгсузну – джакъла, тенгликни – сакъла.
  • Акъыл аздырмаз, билим тоздурмаз.
  • Келлик заман – къартлыкъ келтирир, кетген заман – джашлыкъ ёлтюрюр.
  • Кюлме джашха – келир башха.
  • Урама да – ёледи, сатама да – келеди.
  • Малны кют, джерни тюрт.
  • Аман хансны – урлугъу кёб.
  • Ач къарным, тынч къулагъым.
  • Киштикге къанат битсе, чыпчыкъ къалмаз эди.
  • Уллу айтханны этмеген – уллаймаз.
  • Ёпкелегенни ашы татлы болады.
  • Чабакъгъа акъыл, табагъа тюшсе келеди.
  • Хата – гитчеден.
  • Къыз келсе, джумуш эте келеди, къатын келсе, ушакъ эте келеди.
  • Джахил болса анасы, не билликди баласы?
  • Ач отунчуну ачыуу – бурнунда.
  • Кёл – къызбай, къол – батыр.
  • Башланнган иш битер, къымылдагъан тиш тюшер.
  • Аманнга да, игиге да оноусуз къатышма.
  • Чабакъсыз кёлге къармакъ салгъанлыкъгъа, чабакъ тутмазса.
  • Ойнай-ойнай кёз чыгъар.
  • Накъырда – кертини келечиси.
  • Керилген да, ургъан кибикди.
  • Ата Джуртун танымагъан, атасын да танымаз.
  • Арыгъан къош чамчы болур.
  • Джумушакъ терекни къурт ашар.
  • Тилчи тилден къаныкъмаз.
  • Махтаннган къыз, тойда джукълар.
  • Сютню башын джалагъан къутулур, тюбюн ичген тутулур.
  • Магъанасыз сёз – тауушсуз сыбызгъы.
  • Сормай – алма, чакъырылмай – барма.
  • Окъуусуз билим – джокъ, билимсиз кюнюнг – джокъ.
  • Хантына кёре тузу, юйюне кёре къызы.
  • Тёгюлген тюгел джыйылмайды.
  • Бичгенде ашыкъма, тикгенде ашыкъ.
  • Къалгъан ишге къар джауар.
  • Кёб къычыргъандан – къоркъма, тынч олтургъандан – къоркъ.
  • Кесине оноу эте билмеген, халкъына да эте билмез.
  • Ачлыкъда тары гырджын халыуадан татлы.
  • Ачны эсинде – аш.
  • Къозулугъунда тоймагъан, къойлугъунда тоймаз.
  • Этни да ашады, бетни да ашады.
  • Ашхы сёз таш тешер.

 

Архив Форума » Зеленый Форум [архив] » - ЗФ - Искусство и литература
Страницы: 1
RSS
Кязим Мечиев.
 
#1
Джаратама0
05.09.2009 01:52:05
КЯЗИМ МЕЧИЕВ. Назмула.
 
 
 
#2
Джаратама0
05.09.2009 02:06:50
Осуят деген назмусу больше не читал. щас пачитаем
 
 
 
#3
Джаратама0
05.09.2009 02:36:07
"Ажал деген хапар берип келмейди..."

Ажал деген хапар берип келмейди,
Болжал тилегеннге ? болжал бермейди.

Патчахны да патчахлыгъын билмейди,
Жетишгенде, санга соруп алмайды.

Патчахды деп, анга хурмет этмейди,
Хурмет этип келсе, элтмей кетмейди.

Сыйлылыкъдан къоя болса биреуню,
Ажал къабыл эте болса тилеуню, ?

Расулланы къояр эди ? элтгенди,
Къоймай, экен, кезиу бизге жетгенди.

Бугъуп, къачып не дау этип жюрюрсе,
Бош жер сунуп, аны юйюне кирирсе,

Анда да сен хыр-хыр этип ёлюрсе,
Жанынгы да бу халлада берирсе.

Бир Аллахдан башха ? барын жыгъады,
Акъгъа чёргеп, къара жерге сугъады.

Ултха берсенг ? унутдум деп кетмейди,
Туура бир такъыйкъа болжал этмейди.

Ол халланы ойлашмайса ? телисе,
Бир Аллахны аллына бир кюн келирсе.

Амал эт сен, ажал санга жетгинчи,
Жашлыгъынг да сенден къуру кетгинчи.


Ма бу назмуну жаратдым
 
 
 
#4
Джаратама0
05.09.2009 02:39:40
Аман къатын

Ахшы къартла жау сюртелле мансларына,
Акъыл, адеп юйретелле жашларына,
Жаш къызчыкъла бау тагъалла чачларына,
Таулу къызла жау сюотелле къашларына,

Чачы жете болур, тейри, табанына,
Эр тапмайбыз биз къызланы аманына,
Къатынланы аманларын айтдырсагъыз,
Аланы да мен айтайым, тынгылагъыз.

Осал къатынны табаны жаркъма болур,
Чачы юйюгюр, къулакълары жатма болур.
Бухчакълары табанындан сюйрелирле,
Тюймелери къыйыкъ-мыйыкъ тюйрелирле.

Этек жайып, от жагъада ол олтурур,
От жагъаны хиппирикден ол толтурур.
Эри къызса, ата юйюне кете болур,
Этеклери чакъмакъ таууш эте болур.

Барыр, жаным, этеклерин сюйрегенлей,
Арпа унну гыржынлыкъгъа ийгенлей.
Аман къатынны баш ашы как болады,
Ахшы къатын къыш къатыкъгъа сакъ болады.

Къатын болса, юй жашаугъа къаты болсун,
Болмаса уа, жашар кюню алты болсун.
Къатын болса, юй тизгинни жыя билсин,
Шимир этмей, аш адырны жууа билсин.

Тёшеклери кюн къушлукъгъа жыйылырла,
Тауукълары тёшеклеге къуюлюрла,
Сабийлери болур тыкыраякъчыкъла,
Жаланбашла, къымыжа, къурум жыякъчыкъла.

Чийбел къатын бота чулгъар чий белине,
Чийсил гыржынны ол ашатыр эрине.
Къонакъ келсе, ол ачыудан къууурулур,
Эрни, бурну бир бирине жыйырылыр.

Толу юйню нюрюн алыр аман къатын,
Элде, кюлюп, сагъынырла аны атын.
Бошбел къатын, юлгю алып, иги болсун,
Ботаны атып, юйюне тири болсун.

Кязим аны ариу халын жыяргъа салыр,
Эрин, юйюн ариу тутса, бек къууаныр.
Алгъыш этип, айта турур аны атын,
Элин, жерин сыйлы этер аллай къатын!

(?)

бу назму уа
 
 
 
#5
Джаратама0
05.09.2009 02:41:33
http://media.elbrusoid.com/details.php?image_id=14 37&sessionid=147b84ee2b8db691555182019b5ece9f
 
 
 
#6
Джаратама0
05.09.2009 02:47:22
Осал адам эринеди,
Ишлеген насып кёреди.
Эринчеклик деген неди?
Эринчек саудан ёледи.

Ишлегенни кёлю жарыкъ,
Ишлемеген болур арыкъ.
Дунияда биз махтау аллыкъ ?
Ишди бизни къууандырлыкъ.

Ишлемесенг ? азыкъсызлай,
Ишлемесенг ? гыржынсызлай,
Ишлемесенг ? чабырсызлай,
Ишлемесенг ? намыссызлай,

Айландырса парий кибик,
Къууанмазма дарий кийип.
Къатынынг жашамаз сюйюп,
Ананг жашар, бишип, кюйюп.

Ишди ? дунияда кёз жарыкъ.
Ишди бизни къууандырлыкъ.
Ишлегенни кёлю жарыкъ,
Ишлемеген болур жазыкъ
 
 
 
#7
Джаратама0
05.09.2009 02:48:41
бездушный кролик
Осал адам эринеди,
песня есть на эти слова у "Алмосту" )))
 
 
 
#8
Джаратама0
05.09.2009 02:54:45
Ленин
Къайда тынгыларгъа боллукъду?))
МЭН
 
 
 
#9
Джаратама0
05.09.2009 02:56:55
бездушный кролик
щас подумаю)
 
 
 
#10
Джаратама0
05.09.2009 03:26:11
бездушный кролик
с контактом не вась вась?)))
могу по поште)))
 
 
 
#11
Джаратама0
05.09.2009 03:29:54
Вась Вась)))))))у тебя смотреть?
 
 
 
#12
Джаратама0
05.09.2009 03:34:33
Родную землю просбой беспокою
Я говорю ей тихо: Незабудь,
Когда умру ты мне своей рукою
Клинок и розу положи на грудь

К.Мечиев
 
 
 
#13
Джаратама0
05.09.2009 03:49:06
бездушный кролик
зашынгы стенасында къара
 
 
 
#14
Джаратама0
10.09.2009 14:07:20
эт я тоже читал когда то)

Адамды бизни атыбыз

Айтама, къулакъ салыгъыз,
Хатадан кери къалыгъыз,
Сёзюмю эсге алыгъыз,-
Адамды бизни атыбыз.

Бийикдиле тауларыбыз,
Бек кёпдюле жауларыбыз,
Эшитилселе дауларыбыз,-
Адамды бизни атыбыз.

Жерибиз аз, кёп ташыбыз,
Такъырды бизни ашыбыз,
Дагъы тёзеди жаныбыз,-
Адамды бизни атыбыз.

Юркген сюрюулей халкъыбыз,
Жокъду онгубуз, хатыбыз.
Толмайды кёп муратыбыз,-
Адамды бизни атыбыз.

Зулмугъа жетмей къарыбыз,
Къайнайды къызыл къаныбыз,
Да бюкмез палах ? къанлыбыз,-
Адамды бизни атыбыз.

Къарангыды ёз халкъыбыз,
Бирликди тутхан антыбыз,
Келгенге барды хантыбыз,-
Адамды бизни атыбыз.

Бек кёпдю затыбыз,
Азлыкъда чомартыбыз,
Кетмесин бу къууатыбыз,-
Адамды бизни атыбыз.

Алгъа барайыкъ сурап ыз,
Кёп къыйналса да жаныбыз,
Толур бир кюн муратыбыз,-
Адамды бизни атыбыз.

1908
 
 
 
#15
Джаратама0
16.10.2009 19:20:17
Прекрасные стихи!
 
 
 
#16
Джаратама0
24.11.2009 23:11:42
Рамла

Сау бол ...бу бетге салдынг ёз ...
Излеген... табар берге бир сёз...
 
 
 
#17
Джаратама0
24.11.2009 23:30:04
Эки тизгин...


Къыйын кюн жашай билирге -
Билек болугъуз бир бирге!
 
 
 
#18
Джаратама0
25.11.2009 01:39:12
Хочу создать сайт Мечиева кто поможет?
 
 
 
#19
Джаратама0
02.02.2010 22:20:07
нашла дома сборник его стихов... грустные какие - то! то о неразделенной любви, то о том, как все плохо...
ма буну бир бек джаратдым)

Бирликни атасы елдю
Бизге учузлукъ келди
Кермейбиз джуукъну, тенгни
ДЖарлыдан ётебиз кенгни...

Бошлагъанбыз ниетлени
Кир этгенбиг джюреклени.
Барыбыз биз къайры дери?
Къайда болур тюзлук джери?

Иги эталмайбыз кёлню
Тыялмайбыз пелях джелни,
Къаты къысалмайбыз белни.
Ким къоруулар энди элни?
 
 
 
#20
Джаратама0
02.03.2010 18:20:13
Иги сёз

Иги сёзню бичакъ кесмез,
Иги сёзню боран элтмез.
Иги сёз отда да кюймез,
Иги сёзге багъа жетмез.

Иги сёзсюз жашау неди?
Тузсуз хантха теппе-тенгди!
Иги сёзню айтхан ? эрди!
Акъылы, жюреги кенгди.

Иги сёз ? халкъны кючюдю,
Зулмугъа кебин бичеди.
Ол игилени ишиди,
Осаллагъа къамичиди.

Иги сёз къоркъгъанны билмейд,
Байгъа мужурача тиед.
Жарлы юйге ёкюлча киред,
Къыйынлыкъгъа ол онг беред.

Окъ жерине жетип, суууйд,
Суу да бир заманда къуруйд,
Иги сёз сууумаз, къурумаз,
Аны киши тутуп тыймаз.

Иги сёз ? жомакъды, жырды,
Сёзю барны ? кючю барды!
Иги сёзсюз дуния тарды,
Жюрек, жол да къарангыды.

Иги сёз ? кёз жарыгъынгды,
Ахлунга айтырыгъынгды.
Жылы отду от жагъангда,
Ол къоруулайд душманынгдан.

Тоюнг, къууанчынг ? иги сёз,
Кюнде жубанчынг ? иги сёз.
Кюнде тыянчынг ? игисёз,
Къаманг, къылычынг ? иги сёз.

Иги сёз ? жол нёгер болад,
Къыйын кюн биргеннге барад,
Биз ёлсек, иги сёз къалад,
Ол сау къанлагъа жарайд.

Кязим сёзюн бермез сизге,
Зулмуну сюйген бетсизле!
Мени сёзюм ? нёгерд тюзге,
Тыянч факъыргъа, ёксюзге!

1905
 
 
 
#21
Джаратама0
10.04.2010 14:38:36
Из поэмы "Бузжигит":
Прославлен тот, кто строит,
Но помни, дорогой,
Что славы блеск не стоит
Одной слезы людской.
Ребенка защищая,
Мы счастье утвердим.
Что слава мировая
Пред этим счастьем? Дым!
Увы, богатство тленно,
И слава, и почет.
Лишь доброта бесценна,
Лишь правда не умрет
 
 
 
#22
Джаратама0
12.04.2010 00:53:31
Мараучуну анасыны жыры.

Балам, жугъутур чыгъаса,
Жюрегим къайгъыдан толад.
Чынгылла тумандан толудула,
Тауда къар бугъефй кёп болад.

Балам, уллу къар жауады тауда,
Анангы жюреги жанад.
Къыш къаяла учхалауукъдула,
Чынгыл башында жол да тард!

Балам, бу къар кюн уугъа кетесе,
Жарлыд мараучу анасы.
Къанлы жауубуз барлыкъ жолунгда
Биллей болурму къамасын?

Балам, Апсаты эшитсин анангы
Жарсыуун бла тилегин!
Ол санга ипги кёзден къарасын,
Сенсе да жангыз билегим.

Балам, бюгюн таулу къаштюйдюле,
Къар жауады бир эринмей.
Мен бу дуниядан алай кетейим,-
Сени ачыуунгу кёрмей!
 
 
 
#23
Джаратама0
12.04.2010 00:54:19
Тюзлюк.

Оюлмаз къала дунияда
Тюзлюкдю, кючлю жокъ андан.
Тюзлюк ажашмаз туманда,
Ол ёлмез, кетип къаядан.

Махтанмагъыз бай да, бий да,
Бизнича, инсансыз сиз да.
Къалмабыз биз бирибиз да,
Неди байлыкъ, мюлк да, юй да?

Тюзлюк а ёлмез, чиримез,
Аны бир къылыч да кесмез,
Залим аты малтап кетмез,
Жюрегинден къама ётмез.

Ол кёп залим бойнун бургъанд,
Ол патчахладан къутулгъанд,
Зинданладан учуп чыкъгъанд,-
Темир бугъоу жоялмагъанд.

Муну айтхан акъсакъ Кязим,
Келгинчиннге манга ёлюм,
Къысылгъынчы эки кёзюм,-
Тюзлюкге къулд мени сёзюм!
 
 
 
#24
Джаратама0
13.05.2010 15:51:38
"Тёреле, суурала кибик..."

Тёреле, суурала кибик,
Жюрюген заманлада
Намыс, бет, мархумлукъ да
Кёп эди адамлада.

Энди уа не болдула
Ахшы адетле къалмай?
Берекет жокъду жерде
Бир Аллах чамланнганлай.

Жаш къартха къайырылгъан
Кюнлени кёреме мен.
Къул, бий деп айырылгъан
Кюнлени кёреме мен.

Абдез алмай, намазгъа
Сюелген кибикди ол.
Шамгъа, Кааба ташхача,
Намысха бийикди жол.

1898
 
 
 
#25
Джаратама0
30.10.2010 02:02:50
Алма ескен терекден, кертме бишип тюшмез!Сени сюйген жюрегим, башханы сюймез! Суусап болгъан адам, суудан ичип тоймаз-санга кирген жаным, алай женгил чыкъмаз...М.Кязим.
 
 
 
Страницы: 1
Читают тему (гостей: 1)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2024 Elbrusoid.org  |  Все права защищены Законами Гор.