- Тойгъандан сора, ашны сёкме.
- Къыз тиширыу кеси юйюнде да къонакъды.
- Аман адам этегингден тутса, кес да къач.
- «Ёгюз, джаргъа джууукъ барма, меннге джюк боллукъса», - дегенди эшек.
- Кёбню кёрген – кёб билир.
- Рысхы джалгъанды: келген да этер, кетген да этер.
- Ачлыкъда тары гырджын халыуадан татлы.
- Джарлы джети элни сёзюн этер.
- Джюрекге ариу – кёзге да ариу.
- Айтылгъан сёз ызына къайтмаз.
- Джарлы тюеге минсе да, ит къабар.
- Чомарт джарлы болмаз.
- Чабакъгъа акъыл, табагъа тюшсе келеди.
- Олтуруб кёрюнмей эди да, ёрге туруб кёрюне эди.
- Хазыр ашха – терен къашыкъ.
- Къатын байлыкъны сюер, эр саулукъну сюер.
- Аманны эки битли тону болур, бирин сеннге кийдирир, бирин кеси киер.
- Джогъун бар этген, барын бал этген.
- Ёлген эшек бёрюден къоркъмайды.
- Чакъырылмагъан къонакъ тёрге атламаз.
- Ашлыкъны арба юйге келтирир, чана базаргъа элтир.
- Нарт сёз – тилни бети.
- Къайтырыкъ эшигинги, къаты уруб чыкъма.
- Чакъырылгъанны аты, чакъырылмагъанны багъасы болур.
- Тамбла алтындан бюгюн багъыр ашхы.
- Эрине къаргъыш этген къатын, эрнин къабар.
- Уллу айтханны этмеген – уллаймаз.
- Къонакъ аз олтурур, кёб сынар.
- Аш хазыр болса, иш харам болур.
- Гугурук къычырмаса да, тангны атары къалмаз.
- Аманнга да, игиге да оноусуз къатышма.
- Сууда джау джокъ, кёб сёзде магъана джокъ.
- «Ма», - дегенни билмесенг, «бер», - дегенни билмезсе.
- Хунаны тюбюн къазсанг, юсюнге ауар.
- Юй кюйдю да, кюйюз чыкъды, ортасындан тюйюш чыкъды.
- Нёгерсизни джолу узун.
- Тилчи тилден къаныкъмаз.
- Аз сёлешген, къайгъысыз турур.
- Джарлы эскисин джамаса, къууаныр.
- Ёзденликни джайгъан – джокълукъ.
- Суугъа – таянма, джаугъа – ийнанма.
- Ёзденликни кёбю ётюрюк.
- Эки элинги тыйсанг, джети элде махталырса.
- Керек ташны ауурлугъу джокъ.
- Сёз садакъдан кючлюдю.
- Сормай – алма, чакъырылмай – барма.
- Соргъан айыб тюлдю, билмеген айыбды.
- Мураты болгъанны джюрек тебюую башхады.
- Чомартны къолун джокълукъ байлар.
- Абынмазлыкъ аякъ джокъ, джангылмазлыкъ джаякъ джокъ.
Музыкальная студия "Эльбрусоид" представляет...
|
|
|
|
|
|
|
Тенгиз Габаев: "Багъалы мени къартларым..."
 |
|
|
|
|
|
Алан адет"
Бу джыр хит боллукъду: биринчи кереден "илиннгенди") |
|
|
|
|
   *слов нет, одни эмоции* |
|
|
|
|
|
Фатима Байчорова: "Салам халкъым"
УМНИЧКА!!! |
|
|
|
|
Читают тему (гостей: 1)