- Намысы болмагъанны, сыйы болмаз.
- Алим болгъандан эсе, адам болгъан къыйынды.
- Аманны тукъумуна къарама, игини тукъумун сорма.
- Къазанчы аман болса, къазаны къайнамаз.
- Кёз – сюйген джерде, къол – ауругъан джерде.
- Кирсизни – саны таза, халалны – къаны таза.
- От этилмеген джерден тютюн чыкъмайды.
- Эр абынмай, эл танымаз.
- Уясында не кёрсе, учханында аны этер.
- Адеби болмагъан къыз – тузсуз хант.
- Билим – акъылны чырагъы.
- Тенгни тенглиги джашай барсанг билинир.
- Ёлген ийнек сютлю болур.
- Къарт болгъан джерде, берекет болур, сабий болгъан джерде, оюн болур.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Джигер – джаннга къыйынлыкъ.
- Джаханимни кёрмей, джандетге кёл салмазса.
- Мураты болгъанны джюрек тебюую башхады.
- Ханы къызы буюгъа-буюгъа киштик болду.
- Бетинги сатма, малынгы сат.
- Накъырда – кертини келечиси.
- Тёрдеги кюлсе, эшикдеги ышарыр.
- Эм уллу байлыкъ – джан саулукъ.
- Адам къыйынлыгъын кёлтюрюр, зауукълугъун кёлтюрмез.
- Эл бла кёргенинг эрелей.
- Чыкълы кюнде чыкъмагъан, чыкъса къуру кирмеген.
- Тенги кёбню джау алмаз, акъылы кёбню дау алмаз.
- Иги джашны ышаны – аз сёлешиб, кёб тынгылар.
- Азыкъ аз болса, эртде орун сал.
- Джангыз терек къынгыр ёсер.
- Тойгъа алгъа да барма, тойда артха да къалма.
- Аманнга да, игиге да оноусуз къатышма.
- Джеринден айырылгъан – джети джылар, джуртундан айырылгъан – ёлгюнчю джылар.
- Ойнай билмеген, оюн бузар.
- Адамны джюреги нени кёрюрге сюйсе, кёзю да аны кёрюрге ёч болады.
- Къонакъ кёб келюучю юйню, къазаны отдан тюшмез.
- Эм ашхы къайын ана мамукъ бла башынгы тешер.
- Кенгеш болса, уруш болмаз.
- Гыдай эчки суугъа къараб, мюйюзле кёрмесе, джашма алкъын, дегенди.
- Уллу сёлешме да, уллу къаб.
- Гугурук къычырмаса да, тангны атары къалмаз.
- Адам туугъан джеринде, ит тойгъан джеринде.
- Айтхан сёзюне табылгъан.
- Биреуню къыйынлыгъы бла кесинге джол ишлеме.
- Баш болса, бёрк табылыр.
- Къарнынг бла ёч алма.
- Мухар, кеси тойса да, кёзю тоймаз.
- Иги сёз – джаннга азыкъ, аман сёз башха – къазыкъ.
- Ёлген эшек бёрюден къоркъмайды.
- Аз айтсам, кёб ангылагъыз.
4TO TAKOE JIZN'??
26.08.2010 22:27:41
4TO TAKOE JIZN'??
Жизнь-это промежуток времени,который дан нам,чтобы подготовиться к смерти. |
||||
|
|
|||
Читают тему (гостей: 1)