- Бал – татлы, балдан да бала – татлы.
- Кёлю джокъну – джолу джокъ.
- Джарлы джети элни сёзюн этер.
- Байма, деб да, къууанма, джарлыма, деб да, джылама.
- Керек ташны ауурлугъу джокъ.
- Узун джолну барсанг, бюгюн келирсе, къысха джолну барсанг, тамбла келирсе.
- Акъыл неден да кючлюдю.
- Къумурсхала джыйылсала, пилни да джыгъадыла.
- Къарт болгъан джерде, берекет болур, сабий болгъан джерде, оюн болур.
- Аз сёлеш, кёб ишле.
- От этилмеген джерден тютюн чыкъмайды.
- Окъугъанны бети джарыкъ.
- Тилчиден кери бол.
- Ата Джуртча джер болмаз, туугъан элча эл болмаз.
- Окъ къызбайны джокълайды.
- Эте билген, этген этеди, эте билмеген, юретген этеди!
- Джашны джигитлиги сорулур, къызны джигерлиги сорулур.
- Чомартха хар кюн да байрамды.
- Гыдай эчки суугъа къараб, мюйюзле кёрмесе, джашма алкъын, дегенди.
- Акъыллы эркиши атын махтар, акъылсыз эркиши къатынын махтар.
- Сабыр джетер муратха, сабырсыз къалыр уятха.
- Ачлыкъда тары гырджын халыуадан татлы.
- Къарт айтханны этмеген, къартаймаз.
- Эринчекге кюн узун.
- Сютден ауузу кюйген, суугъа юфгюре эди.
- Тенгинг джокъ эсе – изле, бар эсе – сакъла!
- Ишленмеклик адамлыкъды.
- Кесинге джетмегенни, кёб сёлешме.
- Махтаннган къыз, тойда джукълар.
- Ётюрюкчюню шагъаты – къатында.
- Тил – кесген бычакъ, сёз – атылгъан окъ.
- Ашын ашагъанынгы, башын да сыйла.
- Байлыкъ адамны сокъур этер.
- Акъыл сабырлыкъ берир.
- Эл ауузу – элия.
- Эринчекни эр алмаз, эр алса да, кёл салмаз, кёл салса да, кёб бармаз!
- Джюз элде джюз ёгюзюм болгъандан эсе, джюз джууугъум болсун.
- Иги – алгъыш этер, аман – къаргъыш этер.
- Къонакъ аз олтурур, кёб сынар.
- Джылар джаш, атасыны сакъалы бла ойнар.
- Мадар болса, къадар болур.
- Атлыны кёрсе, джаяуну буту талыр.
- Джюрекге ариу – кёзге да ариу.
- Телиге акъыл салгъандан эсе, ёлгеннге джан салырса.
- Аман эсирсе, юйюн ояр.
- Орну джокъну – сыйы джокъ.
- Мал ёлсе, сюек къалыр, адам ёлсе, иши къалыр.
- Ата джурт – алтын бешик.
- Бети къызарыучу адамны, джюреги харам болмаз.
- Ач, тоймам, дейди, тойгъан, ач болмам, дейди.
Мусульманин должен это знать
18.09.2010 19:43:55
АбуАхмад
Уаалеикум ассалам. Аллаха разы болсун, спорныи момент поправлен> |
|
|
|
15.10.2010 14:30:30
Итак, хадисы по медицине..
|
|
|
|
15.10.2010 19:53:52
без логина
Аллах разы болсун, только почему именно в этой теме? Никто ведь не догадается прочитав название темы, что тут ещё пишут о хадисы о медицине)) |
|
|
|
15.10.2010 20:59:32
Abdullah
сау бол, барыбызданда болсун. да просто не нашла более подходящей темы) |
|
|
|
Читают тему (гостей: 1)