- Таш ата билмеген, башына урур.
- Джолунга кёре – джюрюшюнг, джагъанга кёре – юлюшюнг.
- Къарт болгъан джерде, берекет болур, сабий болгъан джерде, оюн болур.
- Адеб базарда сатылмаз.
- Бозаны арты дауур болур.
- Тенгни тенглиги джашай барсанг билинир.
- Къазанчы аман болса, къазаны къайнамаз.
- Элиб деген, элге болушур.
- Суу кетер, таш къалыр.
- Юреннген ауруу къалмаз.
- Къонагъынгы артмагъын алма да, алгъышын ал.
- Баш – акъыл ючюн, акъылман – халкъ ючюн.
- Душманны тышы – акъ, ичи – къара.
- Бал – татлы, балдан да бала – татлы.
- Билмезни кёзю кёрмез, этмезни къулагъы эшитмез.
- Окъ къызбайны джокълайды.
- Татлы сёз – балдан татлы.
- Эл ауузу – элия.
- Чомарт къонакъ юй иесин сыйлар.
- Биреуге аманлыкъ этиб, кесинге игилик табмазса.
- Кюн кёрмеген, кюн кёрсе, кюндюз чыракъ джандырыр.
- Тилчи бир сагъатха айлыкъ хата этер.
- Сёз садакъдан кючлюдю.
- Кёзню ачылгъаны – иги, ауузну джабылгъаны – иги.
- Ишлегенден, къарагъан уста.
- Джетген къыз джерли эшекни танымаз.
- Къулакъдан эсе, кёзге ышан.
- Бети къызарыучу адамны, джюреги харам болмаз.
- Ашхы сёз таш тешер.
- Джерни букъусу кёкге къонмаз.
- Мени джылытмагъан кюн, меннге тиймесин!
- Къаллай салам берсенг, аллай джууаб алырса.
- Зарда марда джокъ.
- Ачны эсинде – аш.
- Аман къатын алгъан, арыр, иги къатын алгъан джарыр.
- Джети тилни билген джети кишиди.
- Итли къонакъ джарашмаз.
- Агъач – джерни чырайы, кийим – эрни чырайы.
- Бети – къучакълар, джюреги – бычакълар.
- Джеринден айырылгъан – джети джылар, джуртундан айырылгъан – ёлгюнчю джылар.
- Эки къатын алгъанны къулагъы тынгнгаймаз.
- Келинин тута билмеген, къул этер, къызын тута билмеген, тул этер.
- Келлик заман – къартлыкъ келтирир, кетген заман – джашлыкъ ёлтюрюр.
- Урунуу – насыбны анасы.
- Ханы къызы буюгъа-буюгъа киштик болду.
- Тюзню ётмеги тюзде къалса да, тас болмаз.
- Бек ашыкъгъан меннге джетсин, дегенди аракъы.
- Эри аманны, къатыны – аман.
- Онгсузну – джакъла, тенгликни – сакъла.
- Тиширыусуз юй – отсуз от джагъа.
что это такое??????? :((((((((((((((
30.03.2010 23:49:00
La Bella Mafia
я говорила о Карачаево-Черкесии |
|
|
|
30.03.2010 23:51:27
удалите уже эту тему!?
|
||||
|
|
|||
Читают тему (гостей: 1)