- Аджаллыгъа окъсуз шкок атылыр.
- Къартха ушагъан джаш – акъыллы, джашха ушагъан къарт – тели.
- Орну джокъну – сыйы джокъ.
- Ишин билген, аны сыйын чыгъарады.
- Къайтырыкъ эшигинги, къаты уруб чыкъма.
- Уллу айтханны этмеген – уллаймаз.
- Адам сёзге тынгыла, акъыл сёзню ангыла.
- Бет бетге къараса, бет да джерге къарар.
- Тойгъандан сора, ашны сёкме.
- Ачлыкъ отха секиртир.
- Эм ашхы къайын ана мамукъ бла башынгы тешер.
- Узун джолну барсанг, бюгюн келирсе, къысха джолну барсанг, тамбла келирсе.
- Иги джашны ышаны – аз сёлешиб, кёб тынгылар.
- Уллу атлама – абынырса, уллу къабма – къарылырса.
- Окъугъан – асыу, окъумагъан – джарсыу.
- Тюкюрюк баш джармаз, налат кёз чыгъармаз!
- Къатын байлыкъны сюер, эр саулукъну сюер.
- Тил – миллетни джаны.
- Тай асырагъан, атха минер.
- Билим къая тешер.
- Байдан умут эте, джарлыдан ёгюз багъасы къорады.
- Эли джокъну – кёлю джокъ.
- Келлик заман – къартлыкъ келтирир, кетген заман – джашлыкъ ёлтюрюр.
- Чакъырылмагъан къонакъ – орунсуз.
- Акъыллы айтыр эди, акъылсыз къоймайды.
- Къар – келтирди, суу – элтди.
- Адебни адебсизден юрен.
- Ат да турмайды бир териде.
- Сабий болмагъан джерде, мёлек болмаз.
- Сагъышы джокъ – джукъучу, акъылы джокъ – къаугъачы.
- Олтуруб кёрюнмей эди да, ёрге туруб кёрюне эди.
- Кечеси – аяз, кюню – къыш, джарлы къаргъагъа бир аш тюш!
- Ашхы болсанг, атынг чыгъар, аман болсанг, джанынг чыгъар.
- Джетген къыз джерли эшекни танымаз.
- Уллу къазанда бишген эт, чий къалмаз.
- Кийимни бир кюнню аясанг, минг кюннге джарар.
- Адамны бетине къарама, адетине къара.
- Ачыу алгъа келсе, акъыл артха къалады.
- Махтаннган къыз, тойда джукълар.
- Къазанда болса, чолпугъа чыгъар.
- Тели турса – той бузар.
- Зар адам ашынгы ашар, кесинги сатар.
- Кесинге джетмегенни, кёб сёлешме.
- Тёрде – темир таякълы, къаяда – чыпчыкъ аякълы.
- Эски джаугъа ышанма.
- Аманны тукъумуна къарама, игини тукъумун сорма.
- Таякъ этден ётер, тил сюекден ётер.
- Окъумагъан сокъурду, сокъур ташха абыныр!
- Тёгюлген тюгел джыйылмайды.
- Ёгюзню мюйюзлери ауурлукъ этмейдиле.
Ошибка в статье "Быстрее, выше, сильнее".
11.03.2010 10:38:00
И в ряд спортивных деятелей можно было бы добавить известного тренера по боксу Серго Жабоева, футболиста Али Алчагирова.
|
|
|
|
Читают тему (гостей: 1)