- Ишге юренсин къоллары, халкъ бла болсун джоллары.
- Намысы болмагъанны, сыйы болмаз.
- Игиге айтсанг – билир, аманнга айтсанг – кюлюр.
- Джарлы джети элни сёзюн этер.
- Нарт сёз – тилни бети.
- Сютден ауузу кюйген, суугъа юфгюре эди.
- Тик ёргени, тик энгишгеси да болады.
- Аман адам элни бир-бирине джау этер.
- Сакъламагъан затынга джолукъсанг, не бек къууанаса, не бек ачыйса.
- Юреннген ауруу къалмаз.
- Азыгъы аз, алгъа къабар, аты аман, алгъа чабар.
- Башланнган иш битер, къымылдагъан тиш тюшер.
- Таукелге нюр джауар.
- Чомартха хар кюн да байрамды.
- Ариу сёзде ауруу джокъ.
- Эркиши – от, тиширыу – суу.
- Билмезни кёзю кёрмез, этмезни къулагъы эшитмез.
- Айраннга суу къош, телиге джол бош.
- Ач къарным, тынч къулагъым.
- Кёб джашагъан – кёб билир.
- Ичимден чыкъды хата, къайры барайым сата?
- Дуния малгъа сатылма, кесингден телиге къатылма.
- Байлыкъ тауусулур, билим тауусулмаз.
- Бир онгсуз адам адет чыгъарды, деб эштирик тюлсе.
- Баргъанынга кёре болур келгенинг.
- Къарны аманнга къазан такъдырма, къолу аманнга от джакъдырма.
- Рысхы – сют юсюнде кёмюк кибикди.
- Аджашханны ызындагъы кёреди, джангылгъанны джанындагъы биледи.
- Соргъан айыб тюлдю, билмеген айыбды.
- Абынмазлыкъ аякъ джокъ, джангылмазлыкъ джаякъ джокъ.
- Телиге акъыл салгъандан эсе, ёлгеннге джан салырса.
- Борчунг бар эсе, хурджунунга ойлаб узал.
- Гыдай эчки суугъа къараб, мюйюзле кёрмесе, джашма алкъын, дегенди.
- Джангыз торгъай джырламаз.
- Ойнай билмеген, оюн бузар.
- Ёлген аслан – сау чычхан.
- Эрине къаргъыш этген къатын, эрнин къабар.
- Къарт айтханны этмеген, къартаймаз.
- Ашхы адам – халкъ байлыгъы, ашхы джер – джашау байлыгъы.
- Къарт бла баш аша, джаш бла аякъ аша.
- Джюрек кёзден алгъа кёрюр.
- Чарсда алчыны эл кёреди.
- Эки къатын алгъан – эки ташны ортасына башын салгъан.
- Ашлыкъны арба юйге келтирир, чана базаргъа элтир.
- Чалманны аллы къалай башланса, арты да алай барады.
- Ауузу бла къуш тута айланады.
- Къолунгдан къуймакъ ашатсанг да, атаны борчундан къутулмазса.
- Уллу айтханны этмеген – уллаймаз.
- Акъыл бла адеб эгизледиле.
- Таула не мийик болсала да, аууш табылыр.
турецкий офицер-черкес о россии в начале 20 века
30.10.2007 23:58:35
|
|
|
|
10.11.2010 02:39:42
Да в России среди русских хорошо жить всем народам,а русским среди других народов живется не очень.
|
|
|
|
Читают тему (гостей: 1)