- Джюрекден джюрекге джол барды.
- Къошда джокъгъа – юлюш джокъ.
- Чомарт бергенин айтмаз.
- Ашлыкъ – бюртюкден, джюн – тюкден.
- Ким бла джюрюсенг, аны кёзю бла кёрюнюрсе.
- Мен да «сен», дейме, сен да «кесим», дейсе.
- Тёзген – тёш ашар!
- Атлыны кёрсе, джаяуну буту талыр.
- Аш хазыр болса, иш харам болур.
- Ашхы атаны – джашы ашхы, ашхы ананы – къызы ашхы.
- Къуру гыбыт бек дыгъырдар.
- Ишни аллы бла къууанма да, арты бла къууан.
- Акъыл аздырмаз, билим тоздурмаз.
- Биреуге аманлыкъны тилеме да, кесинге ашхылыкъны тиле.
- Къарнынг къанлынга кийирир.
- Чыбыкълыкъда бюгюлмеген, къазыкълыкъда бюгюлмей эди.
- Аманнга алтын чыдамаз.
- Аллахха ийнаннган кишини, Аллах онгдурур ишин.
- Кюл тюбюндеги от кёрюнмейди.
- Джигер – джаннга къыйынлыкъ.
- Джылар джаш, атасыны сакъалы бла ойнар.
- Этни бети бла шорпасы.
- Къартны сыйын кёрмеген, къартлыгъында сыйлы болмаз.
- Ётген ёмюр – акъгъан суу.
- Сибиртки да сыйлы болду, кюрек да кюнлю болду.
- Таула не мийик болсала да, аууш табылыр.
- Тюзлюк тас болмайды.
- Акъыл сабырлыкъ берир.
- Джылыгъа джылан илешир.
- Олтуруб кёрюнмей эди да, ёрге туруб кёрюне эди.
- Асхат ашлыкъ сата, юйдегиси ачдан къата.
- Бек анасы джыламаз.
- Ауругъаннга – кийик саулукъ, джетген къызгъа – чилле джаулукъ.
- Эл бла кёргенинг эрелей.
- Къатыны харакетли болса, эри къымсыз болур.
- Айтылгъан буйрукъ, сёгюлмез
- Экеулен сёлеше тура эселе, орталарына барыб кирме.
- Тёрде – темир таякълы, къаяда – чыпчыкъ аякълы.
- Босагъагъа джууукъ орун болса, ашыгъыб тёрге озма.
- Сангырау къулакъ эл бузар.
- Юйюнгден чыкъдынг – кюнюнгден чыкъдынг.
- Мухарны эси – ашарыкъда.
- Огъурлуну сёзю – суу, огъурсузну сёзю – уу.
- Хар адамгъа кеси миннген тау кибик.
- Эки къатын алгъанны къулагъы тынгнгаймаз.
- Урунуу – насыбны анасы.
- Кюн – узун, ёмюр – къысха.
- Кечеси – аяз, кюню – къыш, джарлы къаргъагъа бир аш тюш!
- Аш иеси бла татлыды.
- Айтылгъан сёз ызына къайтмаз.