- Рысхы – насыбха къор.
- Эм уллу байлыкъ – джан саулукъ.
- Алма терегинден кери кетмез.
- Иги джашны ышаны – аз сёлешиб, кёб тынгылар.
- Ойнаб айтсанг да, эслеб айт.
- Аманны тукъумуна къарама, игини тукъумун сорма.
- Айтхан сёзюне табылгъан.
- Ёлюр джаннга, ёкюл джокъ.
- Къуру гыбыт бек дыгъырдар.
- Суугъа – чабакъ, къаягъа – ыргъакъ.
- Намысы джокъну – дуниясы джокъ.
- Адам сёзге тынгыла, акъыл сёзню ангыла.
- Намысы болмагъанны, сыйы болмаз.
- Эртде тургъан джылкъычыны эркек аты тай табар.
- Кийимни бичсенг, кенг бич, тар этген къыйын тюлдю.
- Ашхы болсанг, атынг чыгъар, аман болсанг, джанынг чыгъар.
- Нарт сёз – тилни бети.
- Алтыннга тот къонмаз.
- Хатерли къул болур.
- Юй ишлеген балта эшикде къалыр.
- Шекер бла туз – бир болмаз, ушамагъан – юй болмаз.
- Ишин билген, аны сыйын чыгъарады.
- Окъугъан озар, окъумагъан тозар.
- Джылыгъа джылан илешир.
- Эски джаугъа ышанма.
- Асхат ашлыкъ сата, юйдегиси ачдан къата.
- Билим – акъылны чырагъы.
- Аджалсыз ёлюм болмаз.
- Билмезни кёзю кёрмез, этмезни къулагъы эшитмез.
- Аш кетер да бет къалыр.
- Хар зат кесини орнуна иги.
- Кёб ант этген, кёб ётюрюк айтыр.
- Босагъа таш юйге кирмей эди, тыбыр таш эшикге чыкъмай эди.
- Ёксюзню къалачы уллу кёрюнюр.
- Узун джолну барсанг, бюгюн келирсе, къысха джолну барсанг, тамбла келирсе.
- Адам къаллай бир ишленмесе, аллай бир кесин уллу кёреди.
- Джогъун бар этген, барын бал этген.
- Дуния аламаты сен эсенг да, игиме деб айтма.
- Атадан ёксюз – бир ёксюз, анадан ёксюз – эки ёксюз.
- Окъуусуз билим – джокъ, билимсиз кюнюнг – джокъ.
- Айран ичген – къутулду, джугъусун джалагъан – тутулду.
- Окъдан джара эртде-кеч болса да бителир, сёз джара, ёмюрге къалыр.
- Ачыу алгъа келсе, акъыл артха къалады.
- Биреу къой излей, биреу той излей.
- Биреуге кёлтюрген таягъынг, кесинги башынга урур.
- Байдан умут эте, джарлыдан ёгюз багъасы къорады.
- Эки элинги тыйсанг, джети элде махталырса.
- Къанны къан бла джуума, аманны аман бла къуума.
- Къонакъ кёб келюучю юйню, къазаны отдан тюшмез.
- Ашлыкъны арба юйге келтирир, чана базаргъа элтир.
ВНИМАНИЕ!!!
Читают тему (гостей: 1)