- Махтаннган къыз, тойда джукълар.
- Ашатыргъа иш – ашхы, ишлетирге аш – ашхы.
- Билмегенинги, билгеннге сор.
- Суу кетер, таш къалыр.
- Эл ауузу – элия.
- Адам боллукъ, атламындан белгили болур.
- Юре билмеген ит, къонакъ келтирир.
- Рысхы – насыбха къор.
- Накъырданы арты керти болур.
- Агъач – джерни чырайы, кийим – эрни чырайы.
- Ёлген аслан – сау чычхан.
- Ач къарным, тынч къулагъым.
- Ашарыкъда сайлагъаннга – чий гырджын.
- Арпа, будай – ащды, алтын, кюмюш а – ташды.
- Уллу суу бла уллу ауруудан башынгы сакъла.
- Башланнган иш битер, къымылдагъан тиш тюшер.
- Хансыз джомакъ болмаз.
- Арбаз къынгырды да, ийнек сауалмайма.
- Ёлген эшек бёрюден къоркъмайды.
- Ётюрюкчюню шагъаты – къатында.
- Бек ашыкъгъан меннге джетсин, дегенди аракъы.
- Эрни эр этерик да, къара джер этерик да, тиширыуду.
- Игини сыйлагъан адетди.
- Айыбны суу бла джууалмазса.
- Сабий болмагъан джерде, мёлек болмаз.
- Айран ичген – къутулду, джугъусун джалагъан – тутулду.
- Чакъырылмагъан къонакъ къачан кетерин сормаз.
- Бир абыннган – минг сюрюнюр.
- Къатыны харакетли болса, эри къымсыз болур.
- Эринчекге кюн узун.
- Акъыл аздырмаз, билим тоздурмаз.
- Юйюнг бла джау болгъандан эсе, элинг бла джау бол.
- Атадан ёксюз – бир ёксюз, анадан ёксюз – эки ёксюз.
- Ач, тоймам, дейди, тойгъан, ач болмам, дейди.
- Кёзю сокъурдан – къоркъма, кёлю сокъурдан – къоркъ.
- Къыз чыгъаргъан – къызыл къымжа.
- Дууулдаса – бал чибин, къонса – къара чибин.
- Ишин билген, аны сыйын чыгъарады.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къая джолда джортма, ачыкъ сёзден къоркъма.
- Ёлюр джаннга, ёкюл джокъ.
- Аш иеси бла татлыды.
- Биреуге аманлыкъ этиб, кесинге игилик табмазса.
- Адамны аманы адамны бети бла ойнар.
- Чомартны къолу берекет.
- Биреуню тёрюнден, кесинги эшик артынг игиди.
- Къошда джокъгъа – юлюш джокъ.
- Сакъламагъан затынга джолукъсанг, не бек къууанаса, не бек ачыйса.
- Тыш элде солтан болгъандан эсе, кесинги элде олтан болгъан игиди!
- Элиб деген, элге болушур.
[ Закрыто ] Как хорошо все-таки в нашем государстве Эльбрусоид)))
Читают тему (гостей: 1)