- Экеулен сёлеше тура эселе, орталарына барыб кирме.
- Чомарт джарлы болмаз.
- Этим кетсе да, сюегим къалыр.
- Бойнуму джети джерден кессенг да, мен ол ишни этеллик тюлме.
- Эркишини аманы тиширыуну джылатыр.
- Тамырсыз терекге таянма – джыгъылырса.
- Адам сёзге тынгыла, акъыл сёзню ангыла.
- Эки итни арасына сюек атма, эки адамны арасында сёз чыгъарма.
- Кёбден умут этиб, аздан къуру къалма.
- Ашыкъгъанны этеги бутуна чырмалыр.
- Тиширыусуз юй – отсуз от джагъа.
- Намысы болмагъанны, сыйы болмаз.
- Эм уллу байлыкъ – джан саулукъ.
- Айтхан сёзюне табылгъан.
- Джауумдан сора, кюн кюйдюрюр, ётюрюкден сора, айыб кюйдюрюр.
- Юйюнгден чыкъдынг – кюнюнгден чыкъдынг.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джигер – джаннга къыйынлыкъ.
- Нафысынгы айтханын этме, намысынгы айтханын эт.
- Башланнган иш битер, къымылдагъан тиш тюшер.
- Атынг аманнга чыкъгъандан эсе, джанынг тамагъынгдан чыкъсын.
- Юй ишлеген балта эшикде къалыр.
- Ишлегенде эринме, ишде чолакъ кёрюнме.
- Магъанасыз сёз – тауушсуз сыбызгъы.
- Башда акъыл болмаса, эки аякъгъа кюч джетер.
- Элиб деген, элге болушур.
- Билимден уллу байлыкъ джокъду.
- Чомарт къолда мал къалмаз.
- Аууздан келген, къолдан келсе, ким да патчах болур эди.
- Ойнай-ойнай кёз чыгъар.
- Джангыз торгъай джырламаз.
- Адам къыйынлыгъын кёлтюрюр, зауукълугъун кёлтюрмез.
- Къайтырыкъ эшигинги, къаты уруб чыкъма.
- Арыгъан къош чамчы болур.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Рысхы джалгъанды: келген да этер, кетген да этер.
- Джеринден айырылгъан – джети джылар, джуртундан айырылгъан – ёлгюнчю джылар.
- Джарлыны тону джаз битер.
- Башсыз урчукъ тюзюне айланмаз.
- Аллахха ийнаннган кишини, Аллах онгдурур ишин.
- Джырына кёре эжиую.
- Къоркъакъны кёзю экили кёрюр.
- Эки къатын алгъан – эки ташны ортасына башын салгъан.
- Ашыкъгъан cуу, тенгизге джетмез.
- Бал ашаргъа сюе эсенг, чибин ургъаннга тёз.
- Рысхы – сют юсюнде кёмюк кибикди.
- Накъырданы арты керти болур.
- Тёрде – темир таякълы, къаяда – чыпчыкъ аякълы.
- Билген билмегенни юретген адетди.
- Къазанда болса, чолпугъа чыгъар.
требуют откат, что делать?
|
Всё прогнило, особенно люди в кчр
|
|
|
|
|
|
NobrainNopain
особенно люди в кчр Не все... просто у вас "стакан наполовину пустой...", да и "сквозит в башке"... |
|
|
|
|
|
0709
ага |
|
|
|
|
Читают тему (гостей: 1)