- Элде адам къалмаса, ит тахтагъа минер.
- Ургъан суудан башынгы сакъла.
- Эртде тургъан бла эртде юйленнген сокъуранмаз.
- Акъыллы – эл иеси, тели – эл баласы.
- Иги джашны ышаны – аз сёлешиб, кёб тынгылар.
- Джашынгы кесинг юретмесенг, джашау юретир.
- Арбаз къынгырды да, ийнек сауалмайма.
- Намыс сатылыб алынмайды.
- От кюйдюрген, сау болса да, тот кюйдюрген, сау болмаз.
- Тилде сюек болмаса да, сюек сындырыр.
- Келинин тута билмеген, къул этер, къызын тута билмеген, тул этер.
- Баланы адам этген анады.
- Терслик кетер, тюзлюк джетер.
- Эр сокъур болсун, къатын тилсиз болсун.
- Иесиз малны бёрю ашар.
- Къралынгы – душмандан, башынгы от бла суудан сакъла.
- Гугурук къычырмаса да, тангны атары къалмаз.
- Ётген ёмюр – акъгъан суу.
- Уллу къазанда бишген эт, чий къалмаз.
- Джаралыны джастыгъында сау ёлюр.
- Соргъан айыб тюлдю, билмеген айыбды.
- Тилчи бир сагъатха айлыкъ хата этер.
- Сакъалы текени да бар, мыйыгъы киштикни да бар.
- Аз айтсам, кёб ангылагъыз.
- Сакъ юйюне сау барыр.
- Джарлыны тону джаз битер.
- Кёкдеги болмаса, джердегин кёрмейди.
- Ата джурт – алтын бешик.
- Эки итни арасына сюек атма, эки адамны арасында сёз чыгъарма.
- Мен да «сен», дейме, сен да «кесим», дейсе.
- Ауругъаннга – кийик саулукъ, джетген къызгъа – чилле джаулукъ.
- Иги адам абынса да, джангылмаз.
- Къобан да къуру да къобханлай турмайды, адам да къуру да патчахлай турмайды.
- Тойгъа барсанг, тоюб бар, эски тонунгу къоюб бар.
- Садакъачыны джаны – къапчыгъында.
- Суу ичген шауданынга тюкюрме.
- Булут кёкге джарашыу, уят бетге джарашыу.
- Къумурсхала джыйылсала, пилни да джыгъадыла.
- Джылыгъа джылан илешир.
- Эски джаугъа ышанма.
- Кёпюр салгъан кеси ётер, уру къазгъан кеси кетер.
- Таш бла ургъанны, аш бла ур.
- Башсыз урчукъ тюзюне айланмаз.
- Чыбыкълыкъда бюгюлмеген, къазыкълыкъда бюгюлмей эди.
- Кёбню кёрген – кёб билир.
- Татлы сёз – балдан татлы.
- Байлыкъдан саулукъ ашхыды.
- Къатын къылыкъсыз, эр тынчлыкъсыз.
- Айырылмаз джууугъунга, унутмаз сёзню айтма.
- Бойнуму джети джерден кессенг да, мен ол ишни этеллик тюлме.
требуют откат, что делать?
30.08.2011 02:48:34
Всё прогнило, особенно люди в кчр
|
|
|
|
30.08.2011 12:22:40
NobrainNopain
особенно люди в кчр Не все... просто у вас "стакан наполовину пустой...", да и "сквозит в башке"... |
|
|
|
30.08.2011 16:41:01
0709
ага |
|
|
|
Читают тему (гостей: 1)