Сабыр джетер муратха, сабырсыз къалыр уятха.
Аманнга алтын чыдамаз.
Керилген да, ургъан кибикди.
Билимли ёлмез, билимсиз кёрмез.
Джукъу тёшек сайламайды.
Алгъанда – джууукъ, бергенде – джау.
Уруну арты – къуру.
Аманны тукъумуна къарама, игини тукъумун сорма.
Кёб ант этген, кёб ётюрюк айтыр.
Рысхы – сют юсюнде кёмюк кибикди.
Ач – эснер, ат – кишнер.
Башы джабылгъан челекге, кир тюшмез.
Бети бедерден, намыс сакълама.
Сёлеш деб шай берген, тохта деб, сом берген.
Ауругъанны сау билмез, ач къарынны токъ билмез.
Уллу сёлешме да, уллу къаб.
Байлыкъ адамны сокъур этер.
Джангызны оту джарыкъ джанмаз!
Акъылсызны джууукъгъа алма, акъыллыны кенгнге салма.
Эрни эр этерик да, къара джер этерик да, тиширыуду.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Аман эсирсе, юйюн ояр.
Кютгени беш эчки, сызгъыргъаны уа, джерни джарады.
Тюз сёз баргъан сууну тыяр.
Азыкълы ат арымаз, къатыны аман джарымаз.
Тай асырагъан, атха минер.
Акъыллы эркиши атын махтар, акъылсыз эркиши къатынын махтар.
Эртде тургъан джылкъычыны эркек аты тай табар.
Джаханимни кёрмей, джандетге кёл салмазса.
Ёксюзню къалачы уллу кёрюнюр.
Къыз келсе, джумуш эте келеди, къатын келсе, ушакъ эте келеди.
Тойчу джашха къарама, къойчу джашха къара.
Окъуу – билимни ачхычы, окъуу – дунияны бачхычы.
Джангыз терек къынгыр ёсер.
Ургъан суудан башынгы сакъла.
Билим насыб берир, билим джолну керир.
Аман хансны – урлугъу кёб.
Аш берме да, къаш бер.
Зарда марда джокъ.
Окъуусуз билим – джокъ, билимсиз кюнюнг – джокъ.
Экеулен сёлеше тура эселе, орталарына барыб кирме.
Иги адам абынса да, джангылмаз.
Ёпкелегенни ашы татлы болады.
Орну джокъну – сыйы джокъ.
Ойнай билмеген, уруб къачар.
Чомарт къолда мал къалмаз.
Джаралыны джастыгъында сау ёлюр.
Ишлемеген – тишлемез.
Ашыкъгъан cуу, тенгизге джетмез.
Кийим тукъум сордурур.
А серьезно алып хар бирин отдельно тинтип керсек)))))бири биринден игичикдиле 