- Башда акъыл болмаса, эки аякъгъа кюч джетер.
- Тенгни тенглиги джашай барсанг билинир.
- Къыз келсе, джумуш эте келеди, къатын келсе, ушакъ эте келеди.
- Адам боллукъ, атламындан белгили болур.
- Ишлегенден, къарагъан уста.
- Ачылгъан эт джабылыр, кёрген кёз унутмаз.
- Къарт болгъан джерде, берекет болур, сабий болгъан джерде, оюн болур.
- Игиге айтсанг – билир, аманнга айтсанг – кюлюр.
- Джигер – джаннга къыйынлыкъ.
- Джашда акъыл джокъ, къартда къарыу джокъ.
- Айтылгъан буйрукъ, сёгюлмез
- Кёб ант этген, кёб ётюрюк айтыр.
- Алим болгъандан эсе, адам болгъан къыйынды.
- Адамны бетине къарама, адетине къара.
- Ишленмеклик адамлыкъды.
- Ауурну тюбю бла, дженгилни башы бла джюрюген.
- Ашаса, ашамаса да, бёрюню ауузу – къан.
- Ачыкъ джюрекге джол – ачыкъ.
- Накъырда – кертини келечиси.
- Болджал ишни бёрю ашар.
- Игилик игилик бла сингдирилиучю затды.
- Тюзню ётмеги тюзде къалса да, тас болмаз.
- Сормай – алма, чакъырылмай – барма.
- Джюз элде джюз ёгюзюм болгъандан эсе, джюз джууугъум болсун.
- Гыдай эчки суугъа къараб, мюйюзле кёрмесе, джашма алкъын, дегенди.
- Асхат ашлыкъ сата, юйдегиси ачдан къата.
- Душманны тышы – акъ, ичи – къара.
- Аш иеси бла татлыды.
- Уруну арты – къуру.
- Иги – алгъыш этер, аман – къаргъыш этер.
- Къарнынг ауруса, ауузунгу тый
- Сескекли кесин билдирир.
- Ойнай билмеген, уруб къачар.
- Айтхан – тынч, этген – къыйын.
- Алтыда кюлмеген, алтмышда кюлмез.
- Кюн – узун, ёмюр – къысха.
- Эл бла кёргенинг эрелей.
- Кёл – къызбай, къол – батыр.
- Айран ичген – къутулду, джугъусун джалагъан – тутулду.
- Тилчи тилден къаныкъмаз.
- Кёлю джокъну – джолу джокъ.
- Юйюнгден чыкъдынг – кюнюнгден чыкъдынг.
- Къарнынг къанлынга кийирир.
- Аякъларынгы джууургъанынга кёре узат.
- Тил джюрекге джол ишлейди.
- Эки къатын алгъан – эки ташны ортасына башын салгъан.
- Акъдан къара болмаз.
- Иги адамны бир сёзю эки болмаз.
- Чыкълы кюнде чыкъмагъан, чыкъса къуру кирмеген.
- Аш хазыр болса, иш харам болур.
Сказки народов Кавказа в одном издании. Совместный проект Эльбрусоида и РКНК
Читают тему (гостей: 1)