Войти на сайт
28 Марта  2024 года

 

  • Биреуге аманлыкъны тилеме да, кесинге ашхылыкъны тиле.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Къыйынлы джети элни къайгъысын этер.
  • Тойну къарнашы – харс, джырны къарнашы – эжиу.
  • Акъылсызны джууукъгъа алма, акъыллыны кенгнге салма.
  • Аманнга да, игиге да оноусуз къатышма.
  • Арбаз сайлама да, хоншу сайла.
  • Джюрекге ариу – кёзге да ариу.
  • Сабий кёргенин унутмаз.
  • Шапа кёб болса, аш татымсыз болур.
  • Тыш элде солтан болгъандан эсе, кесинги элде олтан болгъан игиди!
  • Къатын къылыкъсыз, эр тынчлыкъсыз.
  • Миллетни бойну – базыкъ, аны бла кюрешген – джазыкъ.
  • Мухар, кеси тойса да, кёзю тоймаз.
  • Эри аманны, къатыны – аман.
  • Иги сёз – джаннга азыкъ, аман сёз башха – къазыкъ.
  • Джумушакъ сёз къаты таякъны сындырыр.
  • Таш ата билмеген, башына урур.
  • Сёлеш деб шай берген, тохта деб, сом берген.
  • Къарт бла баш аша, джаш бла аякъ аша.
  • Къанны къан бла джуума, аманны аман бла къуума.
  • Хатерли къул болур.
  • Эркишиге тары кебек танг кёрюнюр.
  • Кёзден кетген, кёлден да кетеди.
  • Байма, деб да, къууанма, джарлыма, деб да, джылама.
  • Аш берме да, къаш бер.
  • Сютден ауузу кюйген, суугъа юфгюре эди.
  • Къонакъны къачан кетерин сорма, къачан келлигин сор.
  • Тёрени джагъы джокъ.
  • Айраннга суу къош, телиге джол бош.
  • Баш – акъыл ючюн, акъылман – халкъ ючюн.
  • Таукелге нюр джауар.
  • Айтхан – тынч, этген – къыйын.
  • Адам туугъан джеринде, ит тойгъан джеринде.
  • Джарлы эскисин джамаса, къууаныр.
  • Адамны аманы адамны бети бла ойнар.
  • Эл бла кёргенинг эрелей.
  • Къыйынлы джети элге оноу этер.
  • Сескекли кесин билдирир.
  • Хоншуну тауугъу къаз кёрюнюр, келини къыз кёрюнюр.
  • Итли къонакъ джарашмаз.
  • Соргъан айыб тюлдю, билмеген айыбды.
  • Юреннген ауруу къалмаз.
  • Аманнга игилик этсенг, юйюнге сау бармазса.
  • Бермеген къол, алмайды.
  • Иги болса, тамадама – махтау, аман болса, меннге – айыб.
  • Ишленмеген джаш – джюгенсиз ат, ишленмеген къыз – тузсуз хант.
  • Хар сёзню орну барды.
  • Дуния аламаты сен эсенг да, игиме деб айтма.
  • Эшекге миннген – биринчи айыб, андан джыгъылгъан – экинчи айыб.

 

Страницы: 1
RSS
Ачыкъ джюрекден Ёзденланы Сапарны туугъан кюню бла алгъышлайма!
 
Джюрегингде не муратларынг бар эседа Аллах сени алагъа жетдирсин, аманлыкъны кери этсин. Насыплы бол, этген ишингден къууан!
 
 


Алгъышлайма
 
Алгъышлайма, Аллах этген муратларынга жетдирсин, сюйгенлерингден айырмасын
 
Менда алгъышлайма туугъан кюнюнг бла!!!Битеу дунияда бар игиликни Аллах берсин!!!
 
Алгъышлайма. Аллах насып,саулукъ берсин. Муратларыгъызны Аллах къабыл этсин. Бизни зангы зырла бла къууандырыргъа Аллах онг берсин
 
Поздравляю ! Насыблы болугъуз,кеб джашагъыз..
 
уаааа!! мен а билмей ждим...
эм сюйген жырчыларымдан бирисе!
Аллах насып берсин! сюйген адамларыгъыздан къууандырсын! Алагъа къууанырча кесигизни да этсин!
 
Поздравляю и творческих успехов!
 
Алгъышлайма! Аллах зюрегигизде болгъан бар умутларыгъызгъа амин десин! Ёмюрюгюз узакъ болсун!

 

Алгъышлайма!
 
ай кеб джашагъыз,миллет ючюн джашагъан адамласыз,Аллах сизге разы болсун..сизни джырларыгъызда есген адамла бир тюрлю халилидиле,адеб,намыс деб англайдыла...НАСЫБ ТИЛЕЙИК сизге
 
хааарсссс!!!
 
Алгъышлайма! Насыблы болугъуз!
 
С некоторым опазданием
Сапар,туугъан кюнюнг бла алгъышлайма!!!Кеб джаша!Муратларынга джет!!! Акъылынгда-эсингде болмагъан бир кеб игиликлени УЛЛУ АЛЛАХ сенге кеб ийсин!!!
 
Къач ала сюргюнде туугъанды Сапар, джазбилгич джыры-назмусу уа Ата джуртунда джаратылгъанды. Уллу поэтни туугъан кюнюнде кертисин кесине, халкъгъа да айтыргъа излейме: Ёзденланы Сапар Къарачайны эм онглу назмучусуду бюгюн. Поэт атха тыйыншлы эки-юч адам бар эсе - аланы бири Сапарды. Бир адам бар эсе ? ол да Сапарды. Халкъ аны назмуларын окъуса, менден да уллуракъ багъа берлик болур эди, алай а, не келсин, Ёзден улуну аламат назмуларын китаб этиб, басмалатыб, халкъны къолуна тюшюрюрге бир адам табылмайды. Табылыр деб а ышанама.
Халкъынгдан къууана, Халкъынгы да къууандыра, кёб джаша, Сапар.
 
Alg'ishlaima

Sauluklu,nasipli bolug'uz!
 
сизни джырларыгъызда есген адамла бир тюрлю халилидиле,адеб,намыс деб англайдыла...
- Мен да Сапарны джырларында ёсгенме))) Есгенме десем да, адамны эм бек студент заманында не джырлагъа тынгыласа, ол джырла бек къала болурла эсинде. Мен Сапар Узденовну джырларына тынгылаучан эдим институтда. Алагъа тынгылайма деб бек кеб кере джукъумдан да къалгъанма)) - ол сагъатда магнитафонланы реверслери джокъ эди да, магнитофон бир джанына мотать этиб бошаса, кассетаны переставлять этерге керек бола эди, сора ол "чыркъ" деб тохтаса, аны переставлять этгенчин джукъунгдан аяза эдинг))).

"Джанкъозла", "Кюндюзле кетелле, кечеле келелле", "Тургъаныча турсун таш-агъач", дагъыда бир талай хар кимни да эсинде тургъан джырлары (бек тансыкълагъан ма былайда къараргъа боллукъсуз).

Сапар! Сенден уста болуб, эшта, киши да ариу алгъыш айталлыкъ болмаз. Ма ол джырларынгда миллетинге излеген ашхылыкъладан, игиликледен Аллах кесинге энчи уллу юлюш этсин! Бизден къайтмагъан Аллахдан къайтсын! Сен да оруслу, мен да оруслу болсакъ андан да кеб айтырыкъ эдим)), алай а къарачайча "тёгюлюб" къалалмайма)), но бек кеб кере къууандыргъанса, бек кеб кере "юйге тансыкъ болгъанмааа" деб джылай тебрегенлей, кассетангы салыб джырлаб башлаб къалгъанма. Аллах сени къууанч кюнлеринги кеб этсин! Джюрегинг къууанчдан толуб бушууунгу сорушдурурча Аллах этсин! Аллах энтда кеб джырла/джазмула джазарча саулукъ, кюч берсин, насыбдан юйюнгю, джюрегинги толтурсун - насыб джырла джазарча!
 
Туугъан кюню бла бизни миллетни маджал джашларыны бирин - Ёзденланы Сапарны ачыкъ джюрекден алгъышлайма! Уллу Аллах ма быллай кюнлеригизни кеб этсин! Фаъмугъузну бизге саугъа этиб бергенсиз да Аллахдан къайтсын! Саулукълу, насыблы болугъуз! Джашауугъузда къуру да къууанч хапарла эшитиб турурча Аллах ол насыбны берсин!


 
Разыма, Аллахны разылыгъын табыгъыз барынгда !!!

 
Мен да алгъшлайма!)) кеб джашагъыз!
 
Алгъышлайма Аллах ёмюрюгюзню узакъ этсин!
 
Алгъышлайма. Халкъны ичинде даражагъыз хар заманда да бийикде турсун.
 
ШАТ
Алгышлайма. Аллах муратларынга джеттирсин. Хайырлы узун саулуклу ёмюрле тилейме.
 
Насыблы бол!
Страницы: 1
Читают тему (гостей: 1)

 

Написать нам