Окъуу – билимни ачхычы, окъуу – дунияны бачхычы.
Ата – баланы уясы.
Къонакъ кёб келюучю юйню, къазаны отдан тюшмез.
Ёксюзню тилеги къабыл болур.
Борчунг бар эсе, хурджунунга ойлаб узал.
Кюн – узун, ёмюр – къысха.
Айранын берсенг, челегин да къызгъанма.
Джогъун бар этген, барын бал этген.
Суу кетер, таш къалыр.
Эр сокъур болсун, къатын тилсиз болсун.
Ашхы адам – халкъ байлыгъы, ашхы джер – джашау байлыгъы.
Ашхы болсанг, атынг чыгъар, аман болсанг, джанынг чыгъар.
Ариу – кёзге, акъыл – джюрекге.
Экеулен сёлеше тура эселе, орталарына барыб кирме.
Аз сёлеш, кёб ишле.
Къарт айтханны этмеген, къартаймаз.
Къонагъы джокъну – шоху джокъ.
Орну джокъну – сыйы джокъ.
Мадар болса, къадар болур.
Къартны бурнун сюрт да, оноугъа тут.
Чабакъ башындан чирийди.
Атынг аманнга чыкъгъандан эсе, джанынг тамагъынгдан чыкъсын.
Адамны аты башхача, акъылы да башхады.
Акъылсызны джууукъгъа алма, акъыллыны кенгнге салма.
Зар адамны насыбы болмаз.
Ашлыкъ – бюртюкден, джюн – тюкден.
Билмегенинги, билгеннге сор.
Тюзню ётмеги тюзде къалса да, тас болмаз.
Аурууну келиую тынч, кетиую – къыйын.
Урунуу – насыбны анасы.
Байма, деб да, къууанма, джарлыма, деб да, джылама.
Таула не мийик болсала да, аууш табылыр.
Къумурсхала джыйылсала, пилни да джыгъадыла.
Ёлген аслан – сау чычхан.
Джеринден айырылгъан – джети джылар, джуртундан айырылгъан – ёлгюнчю джылар.
Керек ташны ауурлугъу джокъ.
Мухарны эси – ашарыкъда.
Ариу сёз – джаннга азыкъ, аман сёз – башха къазыкъ.
Тилсиз миллет джокъ болур.
Тойчу джашха къарама, къойчу джашха къара.
Бети – къучакълар, джюреги – бычакълар.
Ёлмесенг да, къарт дамы болмазса?
Джарашыу сюйген – джалынчакъ.
Хоншуну тауугъу къаз кёрюнюр, келини къыз кёрюнюр.
Эрни эр этерик да, къара джер этерик да, тиширыуду.
Арыгъан къош чамчы болур.
Ётюрюкчюню шагъаты – къатында.
Джыланны къуйругъундан басарынг келсе, аны башы болгъанын унутма.
Тёрени джагъы джокъ.
Кечеси – аяз, кюню – къыш, джарлы къаргъагъа бир аш тюш!
