- Эки итни арасына сюек атма, эки адамны арасында сёз чыгъарма.
- Тил – кесген бычакъ, сёз – атылгъан окъ.
- Ишленмеген джаш – джюгенсиз ат, ишленмеген къыз – тузсуз хант.
- Ауругъанны сау билмез, ач къарынны токъ билмез.
- Адеб базарда сатылмаз.
- Тилчи тилден къаныкъмаз.
- Къонакъ болсанг, ийнакъ бол.
- Ачны эсинде – аш.
- Эринчекни аурууу – кёб.
- Кёбден умут этиб, аздан къуру къалма.
- Тойгъан антын унутур.
- Джолунга кёре – джюрюшюнг, джагъанга кёре – юлюшюнг.
- Акъыллы эркиши атын махтар, акъылсыз эркиши къатынын махтар.
- Бал чибинни ургъаны – ачы, балы – татлы.
- Ёксюзню къалачы уллу кёрюнюр.
- Узун джолну барсанг, бюгюн келирсе, къысха джолну барсанг, тамбла келирсе.
- Тойгъандан сора, ашны сёкме.
- Джыланны къуйругъундан басарынг келсе, аны башы болгъанын унутма.
- Агъач – джерни чырайы, кийим – эрни чырайы.
- Халкъны юйю – туугъан джери.
- Нарт сёз – тилни бети.
- Тау башында, тау болмаз, джангыз терек, бау болмаз.
- Кюн – узун, ёмюр – къысха.
- Чомарт къолда мал къалмаз.
- Адам къыйынлыгъын кёлтюрюр, зауукълугъун кёлтюрмез.
- Ач къалгъандан, кеч къалгъан къолай.
- Ариу сёз аурууунгу алыр.
- Биреу къой излей, биреу той излей.
- Таукел къуру къалмаз.
- Чакъырылмагъан джерге барма, чакъырылгъан джерден къалма.
- Нёгер болсанг, тенг бол, тенг болмасанг, кенг бол.
- Булут кёкге джарашыу, уят бетге джарашыу.
- Къатын къылыкъсыз, эр тынчлыкъсыз.
- Алтыннга тот къонмаз.
- Насыб бютеу халкъны юлюшюдю.
- Ётген ёмюр – акъгъан суу.
- Хатерли къул болур.
- Чакъырылмай келген къонакъ сыйланмай кетер.
- Эли джокъну – кёлю джокъ.
- Эркиши – от, тиширыу – суу.
- Эртде тургъан бла эртде юйленнген сокъуранмаз.
- Хунаны тюбюн къазсанг, юсюнге ауар.
- Сескекли кесин билдирир.
- Къатыны харакетли болса, эри къымсыз болур.
- Къонакъ аз олтурур, кёб сынар.
- Бек ашыкъгъан меннге джетсин, дегенди аракъы.
- Байны оноуу, джарлыгъа джарамаз.
- Ач отунчуну ачыуу – бурнунда.
- Джиби бир къат джетмей эди да, эки къат тарта эди.
- Тойгъа барсанг, тоюб бар, эски тонунгу къоюб бар.
