- Дуния мал дунияда къалады.
- Нарт сёз къарт болмаз.
- Уллу къазанда бишген эт, чий къалмаз.
- Чакъырылмагъан къонакъ къачан кетерин сормаз.
- Джашны джигитлиги сорулур, къызны джигерлиги сорулур.
- Итли къонакъ джарашмаз.
- Ач къарным, тынч къулагъым.
- Ана къойну – балагъа джандет.
- Окъумагъан сокъурду, сокъур ташха абыныр!
- Къайтырыкъ эшигинги, къаты уруб чыкъма.
- Иги джашны ышаны – аз сёлешиб, кёб тынгылар.
- Тешик этген тынчды, аны джамагъан къыйынды.
- Келлик заман – къартлыкъ келтирир, кетген заман – джашлыкъ ёлтюрюр.
- Тамчы таш тешер.
- Къыйынлы джети элге оноу этер.
- Баш – акъыл ючюн, акъылман – халкъ ючюн.
- Ауузу бла къуш тута айланады.
- Чомарт бергенин айтмаз.
- Адебсиз адам – джюгенсиз ат.
- Эл элде бирер малынг болгъандан эсе, бирер тенгинг болсун.
- Адамны артындан къара сабан сюрме.
- Зарда марда джокъ.
- Булут кёкге джарашыу, уят бетге джарашыу.
- Аманны эки битли тону болур, бирин сеннге кийдирир, бирин кеси киер.
- Акъылсызны джууукъгъа алма, акъыллыны кенгнге салма.
- Сыфатында болмагъаны, суратында болмаз.
- Таш бла ургъанны, аш бла ур.
- Уллу сёлешме да, уллу къаб.
- Биреуню эскиси биреуге джангы болмайды.
- Этим кетсе да, сюегим къалыр.
- Къолу уллу – асыу, аягъы уллу – джарсыу.
- Тёгюлген тюгел джыйылмайды.
- Къарт болгъан джерде, берекет болур, сабий болгъан джерде, оюн болур.
- Тёрде – темир таякълы, къаяда – чыпчыкъ аякълы.
- Джангыз торгъай джырламаз.
- Джыйырма къойну юч джыйырма эбзе кюте эди.
- Бир онгсуз адам адет чыгъарды, деб эштирик тюлсе.
- Азыкълы ат арымаз, къатыны аман джарымаз.
- Ишлегенде эринме, ишде чолакъ кёрюнме.
- Кёбден умут этиб, аздан къуру къалма.
- Чомартха хар кюн да байрамды.
- Тешигини къатында, чычхан да батыр болур.
- Ёлген эшек бёрюден къоркъмайды.
- Келгинчи, къонакъ уялыр, келгенден сора, къонакъбай уялыр.
- Билген билмегенни юретген адетди.
- Чакъырылгъанны аты, чакъырылмагъанны багъасы болур.
- Азыкъ аз болса, эртде орун сал.
- Тилде сюек болмаса да, сюек сындырыр.
- Башы ишлегенни, ауузу да ишлер.
- Элиб деген, элге болушур.
Модераторам: рейтинг тем.
02.08.2011 21:38:10
Er-
Есть такая ссылка Статистистика сверху, при нажатии примерно показывает, то что тебе интересно. |
|
|
|
03.08.2011 18:08:53
Er-
Азамат как-то создавал тему... вот)) |
|
|
|
03.08.2011 18:17:38
Liberty
прикольно |
|
|
|
03.08.2011 19:34:15
Сау болугъуз!
|
|
|
|
28.11.2011 03:03:59
Так и не сумел понять где написать. Обратите внимание, пожалуйста, это не для темы, а для раздела с темой на форуме...:
http://www.blago-mh.ru/issues/14-15/21_akaev.php Помню, люблю и благодарен за детство.. |
|
|
|
28.11.2011 19:06:59
Hars, круто... А где можно его песни услышать?
|
||||
|
|
|||
Читают тему (гостей: 1)