- Биреуге аманлыкъ этиб, кесинге игилик табмазса.
- Ишленмеген джаш – джюгенсиз ат, ишленмеген къыз – тузсуз хант.
- Бир абыннган – минг сюрюнюр.
- Тили узунну, намысы – къысха.
- Уллу къазанда бишген эт, чий къалмаз.
- Кёл ашады да, кеси ашады.
- Таукелге нюр джауар.
- Ат да турмайды бир териде.
- Джаралыны джастыгъында сау ёлюр.
- Ач бёрюге мекям джокъ.
- Адеб базарда сатылмаз.
- Къартха ушагъан джаш – акъыллы, джашха ушагъан къарт – тели.
- Акъыл сабырлыкъ берир.
- Джетген къыз джерли эшекни танымаз.
- Къонакъ хазыр болгъанлыкъгъа, къонакъбай хазыр тюлдю.
- Джумушакъ сёз къаты таякъны сындырыр.
- Ётюрюкню къуйругъу – бир тутум.
- Джауумдан сора, кюн кюйдюрюр, ётюрюкден сора, айыб кюйдюрюр.
- Кёзю сокъурдан – къоркъма, кёлю сокъурдан – къоркъ.
- Чомартха хар кюн да байрамды.
- Намыс болмагъан джерде, насыб болмаз.
- Сыфатында болмагъаны, суратында болмаз.
- Иги сеники эсе да, сюйген кесимикин этеме.
- Аманнга игилик этсенг, юйюнге сау бармазса.
- Къарт болгъан джерде, берекет болур, сабий болгъан джерде, оюн болур.
- Аш берме да, къаш бер.
- Ачылгъан эт джабылыр, кёрген кёз унутмаз.
- Алтыннга тот къонмаз.
- Чабар ат – джетген къыз.
- Тойну къарнашы – харс, джырны къарнашы – эжиу.
- Аджалсыз ёлюм болмаз.
- Телиге от эт десенг, юйюнге от салыр.
- Ётген ёмюр – акъгъан суу.
- Шайтан алдады, тюзлюк къаргъады.
- Ойнай-ойнай кёз чыгъар.
- Байны къызы баймакъ болса да, юйде къалмаз!
- Сакъ юйюне сау барыр.
- Ач къалгъандан, кеч къалгъан къолай.
- Сёз къанатсыз учар.
- Кёл – къызбай, къол – батыр.
- Сабийни джумушха джибер да, ызындан бар.
- Тыш элде солтан болгъандан эсе, кесинги элде олтан болгъан игиди!
- Ариу сёз – джаннга азыкъ, аман сёз – башха къазыкъ.
- Ойнай билмеген, оюн бузар.
- Къууут – джелге, берне – бошха.
- Аз айтсам, кёб ангылагъыз.
- Нарт сёз къарт болмаз.
- Суугъа – чабакъ, къаягъа – ыргъакъ.
- Айран ичген – къутулду, джугъусун джалагъан – тутулду.
- Ауругъанны сау билмез, ач къарынны токъ билмез.
Помогите найти мецената для восстановления мечети в ауле Схауат, или подскажите как это сделать!!!!!
Читают тему (гостей: 1)