- Кюлме джашха – келир башха.
- Къарнынг ауруса, ауузунгу тый
- Айтхан сёзюне табылгъан.
- Келгинчи, къонакъ уялыр, келгенден сора, къонакъбай уялыр.
- Онгсузну – джакъла, тенгликни – сакъла.
- Ата джурт – алтын бешик.
- Тёрени джагъы джокъ.
- Сабийни джумушха джибер да, ызындан бар.
- Нарт сёз къарт болмаз.
- Ашда уялгъан – мухар, ишде уялгъан – хомух.
- Ёлген ийнек сютлю болур.
- Байлыкъ келсе, акъыл кетер.
- Эринчекге кюн узун.
- Аманнга да, игиге да оноусуз къатышма.
- Ургъан суудан башынгы сакъла.
- Джангыз терек къынгыр ёсер.
- Башынга джетмегенни сорма.
- Къан бла кирген, джан бла чыгъар.
- Арпа, будай – ащды, алтын, кюмюш а – ташды.
- Насыблы элин сюер, насыбсыз кесин сюер.
- Къонагъынгы артмагъын алма да, алгъышын ал.
- Чомартха хар кюн да байрамды.
- Аджашханны ызындагъы кёреди, джангылгъанны джанындагъы биледи.
- Ашда – бёрю, ишде – ёлю.
- Аман адамны тепсинге олтуртсанг, къызынгы тилер.
- Тёрде – темир таякълы, къаяда – чыпчыкъ аякълы.
- Кёз – сюйген джерде, къол – ауругъан джерде.
- Малны кют, джерни тюрт.
- Ауругъан – джашаудан умутчу.
- Къызны минг тилер, бир алыр.
- Адебни адебсизден юрен.
- Джети тилни билген джети кишиди.
- Акъыллы айтыр эди, акъылсыз къоймайды.
- Кесинге джетмегенни, кёб сёлешме.
- Мени джылытмагъан кюн, меннге тиймесин!
- Дуния аламаты сен эсенг да, игиме деб айтма.
- Чабакъгъа акъыл, табагъа тюшсе келеди.
- Биреуге аманлыкъ этиб, кесинге игилик табмазса.
- Кёл ашады да, кеси ашады.
- Халкъны юйю – туугъан джери.
- Экеу тутушса, биреу джыгъылыр.
- Ашхы – джыяр, аман – джояр.
- Акъыл сабырлыкъ берир.
- Юй кюйдю да, кюйюз чыкъды, ортасындан тюйюш чыкъды.
- Джыйырма къойну юч джыйырма эбзе кюте эди.
- Джумушакъ сёз къаты таякъны сындырыр.
- Чомартны къолу берекет.
- Адамны джюреги нени кёрюрге сюйсе, кёзю да аны кёрюрге ёч болады.
- Таула не мийик болсала да, аууш табылыр.
- Нарт сёз – тилни бети.
[ Закрыто ] ну пожалуйста
07.11.2009 03:36:04
REALY
вечно с протянутой рукой) |
|
|
|
07.11.2009 03:38:45
Карачай
для всех стараюсь |
|
|
|
07.11.2009 04:31:25
REALY
къыйналма, пройдет ноябрь, и все стихнет. просто понимаешь, что Хороших людей должно быть много))) и поздравлений тем более. |
||||
|
|
|||
Читают тему (гостей: 1)