- Тешик этген тынчды, аны джамагъан къыйынды.
- Къартны сыйын кёрмеген, къартлыгъында сыйлы болмаз.
- Элде адам къалмаса, ит тахтагъа минер.
- Халкъгъа джарагъан, джарлы къалмаз.
- Харам къарнашдан, халал тенг ашхы.
- Этни да ашады, бетни да ашады.
- Башда акъыл болмаса, эки аякъгъа кюч джетер.
- Эллинг бла джау болсанг да, юйюнг бла джау болма.
- Сютню башын джалагъан къутулур, тюбюн ичген тутулур.
- Тёрдеги кюлсе, эшикдеги ышарыр.
- Биреу къой излей, биреу той излей.
- Джашлыкъ этмеген, башлыкъ этмез.
- Мадар болса, къадар болур.
- Эки элинги тыйсанг, джети элде махталырса.
- Дженгил джетерикме деб, узун джолну къоюб, къысхасын барма.
- Тойгъа алгъа да барма, тойда артха да къалма.
- Керилген да, ургъан кибикди.
- Биреуге аманлыкъ этиб, кесинге игилик табмазса.
- Ачлыкъда тары гырджын халыуадан татлы.
- Эки итни арасына сюек атма, эки адамны арасында сёз чыгъарма.
- Джетген къыз джерли эшекни танымаз.
- Башынга джетмегенни сорма.
- Акъыл неден да кючлюдю.
- Ашаса, ашамаса да, бёрюню ауузу – къан.
- Иги – алгъыш этер, аман – къаргъыш этер.
- Джюрекден джюрекге джол барды.
- Баш болса, бёрк табылыр.
- Тил бла келеди джыр да.
- Чабар ат – джетген къыз.
- Ётген ёмюр – акъгъан суу.
- Ауурну тюбю бла, дженгилни башы бла джюрюген.
- Адамны сыфатына къарама, сёзюне къара.
- Окъдан джара эртде-кеч болса да бителир, сёз джара, ёмюрге къалыр.
- Огъурлуну сёзю – суу, огъурсузну сёзю – уу.
- Этни бети бла шорпасы.
- Адамны аманы адамны бети бла ойнар.
- Къыйынлы джети элни къайгъысын этер.
- Чомарт бергенин айтмаз.
- Адамны аты башхача, акъылы да башхады.
- Джашынгы кесинг юретмесенг, джашау юретир.
- Ач уят къоймаз.
- Къулакъдан эсе, кёзге ышан.
- Хата – гитчеден.
- Намысы болмагъанны, сыйы болмаз.
- Хунаны тюбюн къазсанг, юсюнге ауар.
- Сёз къанатсыз учар.
- Къонагъынгы артмагъын алма да, алгъышын ал.
- Кёз – сюйген джерде, къол – ауругъан джерде.
- Къоркъакъны кёзю экили кёрюр.
- Кёб ант этген, кёб ётюрюк айтыр.
Личные сообщения!!!
21.07.2009 10:24:14
Сам читаю))
|
|
|
|
23.07.2009 17:03:28
|
|
|
|
23.07.2009 22:49:55
Научите лички читать..)) а то даже с админским ником не получается это сделать..))
|
|
|
|
23.07.2009 22:56:46
Azamat_SPb
Падре подробно научит... |
|
|
|
27.07.2009 16:46:50
да уж, разберись
|
||||
|
|
|||
Читают тему (гостей: 1)