- Рысхы – сют юсюнде кёмюк кибикди.
- Айран тёгюлсе, джугъусу къалыр.
- Керек ташны ауурлугъу джокъ.
- Ауругъаннга – кийик саулукъ, джетген къызгъа – чилле джаулукъ.
- Алтыда кюлмеген, алтмышда кюлмез.
- Кёбню кёрген – кёб билир.
- Къыйынлы джети элге оноу этер.
- Тюзлюк тас болмайды.
- Итли къонакъ джарашмаз.
- Адамны бетине къарама, адетине къара.
- Гыдай эчки суугъа къараб, мюйюзле кёрмесе, джашма алкъын, дегенди.
- Айранын берсенг, челегин да къызгъанма.
- Бозанг болмагъан джерге, къалагъынгы сукъма.
- Эм уллу байлыкъ – джан саулукъ.
- Чабакъ башындан чирийди.
- Босагъагъа джууукъ орун болса, ашыгъыб тёрге озма.
- Юйюнг бла джау болгъандан эсе, элинг бла джау бол.
- Сууда джау джокъ, кёб сёзде магъана джокъ.
- «Ма», - дегенни билмесенг, «бер», - дегенни билмезсе.
- Чалманны аллы къалай башланса, арты да алай барады.
- Адам сёзюнден белгили.
- Иги сёз – джаннга азыкъ, аман сёз башха – къазыкъ.
- Ач отунчуну ачыуу – бурнунда.
- Мухар, кеси тойса да, кёзю тоймаз.
- Байлыкъ адамны сокъур этер.
- Айырылгъанланы айю ашар, бёлюннгенлени бёрю ашар.
- Сыфатында болмагъаны, суратында болмаз.
- Ишленмеген джаш – джюгенсиз ат, ишленмеген къыз – тузсуз хант.
- Таякъ этден ётер, тил сюекден ётер.
- Джарлы эскисин джамаса, къууаныр.
- Билмегенинги, билгеннге сор.
- Аш кетер да бет къалыр.
- Джахил болса анасы, не билликди баласы?
- Къобан да къуру да къобханлай турмайды, адам да къуру да патчахлай турмайды.
- Сабий болмагъан джерде, мёлек болмаз.
- Эл элде бирер малынг болгъандан эсе, бирер тенгинг болсун.
- Уллу суу бла уллу ауруудан башынгы сакъла.
- Аманны эки битли тону болур, бирин сеннге кийдирир, бирин кеси киер.
- Ана къолу ачытмаз.
- Чакъырылмагъан къонакъ – орунсуз.
- Джыланны къуйругъундан басарынг келсе, аны башы болгъанын унутма.
- Накъырданы арты керти болур.
- Акъыллы эркиши атын махтар, акъылсыз эркиши къатынын махтар.
- Тёрдеги кюлсе, эшикдеги ышарыр.
- Шекер бла туз – бир болмаз, ушамагъан – юй болмаз.
- Джерни букъусу кёкге къонмаз.
- Артына баргъанны, къатына барма.
- Уллу къашыкъ эрин джыртар.
- Тойгъан джерден туугъан джер игиди.
- Акъыл сабырлыкъ берир.
Личные сообщения!!!
21.07.2009 10:24:14
Сам читаю))
|
|
|
|
23.07.2009 17:03:28
|
|
|
|
23.07.2009 22:49:55
Научите лички читать..)) а то даже с админским ником не получается это сделать..))
|
|
|
|
23.07.2009 22:56:46
Azamat_SPb
Падре подробно научит... |
|
|
|
27.07.2009 16:46:50
да уж, разберись
|
||||
|
|
|||
Читают тему (гостей: 1)