- Акъыл сабырлыкъ берир.
- Чомарт бергенин айтмаз.
- Къатыны харакетли болса, эри къымсыз болур.
- Ичимден чыкъды хата, къайры барайым сата?
- Къызны минг тилер, бир алыр.
- Бал ашаргъа сюе эсенг, чибин ургъаннга тёз.
- Билеги кючлю, бирни джыгъар, билими кючлю, мингни джыгъар.
- Мухар, кеси тойса да, кёзю тоймаз.
- Ёпкелегенни ашы татлы болады.
- Тойгъа алгъа да барма, тойда артха да къалма.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ауузу аманнга «иги», деме.
- Адам къаллай бир ишленмесе, аллай бир кесин уллу кёреди.
- Джангыз терек къынгыр ёсер.
- Алим болгъандан эсе, адам болгъан къыйынды.
- Къартны бурнун сюрт да, оноугъа тут.
- Терек ауса, отунчу – кёб.
- Ашхы атаны – джашы ашхы, ашхы ананы – къызы ашхы.
- Асхат ашлыкъ сата, юйдегиси ачдан къата.
- Иги болса, тамадама – махтау, аман болса, меннге – айыб.
- Ёнгкюч къууана барыр, джылай келир.
- Юйлю уругъа ит чабмаз.
- Тилчи бир сагъатха айлыкъ хата этер.
- Эки къатын алгъан – эки ташны ортасына башын салгъан.
- Иги адамны бир сёзю эки болмаз.
- Тынгылагъан тынгы бузар.
- Мадар болса, къадар болур.
- Къобан да къуру да къобханлай турмайды, адам да къуру да патчахлай турмайды.
- Адеб этмеген, адеб кёрмез.
- Хазыр ашха – терен къашыкъ.
- Тешигини къатында, чычхан да батыр болур.
- Айыбны суу бла джууалмазса.
- Накъырда – кертини келечиси.
- Билим ат болуб да чабар, къуш болуб да учар.
- Окъугъан – асыу, окъумагъан – джарсыу.
- Эски джаугъа ышанма.
- Ана къойну – балагъа джандет.
- Байлыкъ тауусулур, билим тауусулмаз.
- Ишленмеген джаш – джюгенсиз ат, ишленмеген къыз – тузсуз хант.
- Къарнынг ауруса, ауузунгу тый
- Джетген къыз джерли эшекни танымаз.
- Этим кетсе да, сюегим къалыр.
- Джарлы тюеге минсе да, ит къабар.
- Акъыллы айтыр эди, акъылсыз къоймайды.
- Чоюнну башы ачыкъ болса, итге уят керекди.
- Тик ёргени, тик энгишгеси да болады.
- Халкъны юйю – туугъан джери.
- Аз сёлеш, кёб ишле.
- Аууз сакълагъан – джан сакълар.
- Ач къарным, тынч къулагъым.
Настоящая гордая Кумычка
Читают тему (гостей: 1)