- Билимсиз иш бармаз.
- Сабий болмагъан джерде, мёлек болмаз.
- Акъыллы эркиши атын махтар, акъылсыз эркиши къатынын махтар.
- Ашыкъгъанны этеги бутуна чырмалыр.
- Ариу сёз – къылычдан джити.
- Сескекли кесин билдирир.
- Ёксюзню тилеги къабыл болур.
- Ач къарынны, токъ билмез
- Акъыл бла адеб эгизледиле.
- Экеу тутушса, биреу джыгъылыр.
- Бети бедерден, намыс сакълама.
- Ёнгкюч къууана барыр, джылай келир.
- Аман киши кеси юйюнде – къонакъ.
- Бал ашаргъа сюе эсенг, чибин ургъаннга тёз.
- Тамчы таш тешер.
- Тёгюлген тюгел джыйылмайды.
- Эски джаугъа ышанма.
- Эл тойса, тоймагъан, эл къойса, къоймагъан.
- Уясында не кёрсе, учханында аны этер.
- Къайгъыны сюйген, къайгъы табар.
- Этни да ашады, бетни да ашады.
- Хар адамгъа кеси миннген тау кибик.
- Таукелге нюр джауар.
- Юй ишлеген балта эшикде къалыр.
- Ойнай-ойнай кёз чыгъар.
- Таукел къуру къалмаз.
- Къатын байлыкъны сюер, эр саулукъну сюер.
- Кюлме джашха – келир башха.
- Мухарны эси – ашарыкъда.
- Танг атмайма десе да, кюн къоярыкъ тюйюлдю.
- Уллу къазанда бишген эт, чий къалмаз.
- Экеулен сёлеше тура эселе, орталарына барыб кирме.
- Хата – гитчеден.
- Аманны къуугъан, аманлыкъ табар.
- Узун джолну барсанг, бюгюн келирсе, къысха джолну барсанг, тамбла келирсе.
- Ана – юйню кюн джарыгъы.
- Кечеси – аяз, кюню – къыш, джарлы къаргъагъа бир аш тюш!
- Джюрекге ариу – кёзге да ариу.
- Чабакъ башындан чирийди.
- Аз сёлешген, къайгъысыз турур.
- Хантына кёре тузу, юйюне кёре къызы.
- Уруну арты – къуру.
- Тешигини къатында, чычхан да батыр болур.
- Биреу ашаб къутулур, биреу джалаб тутулур.
- Тойчу джашха къарама, къойчу джашха къара.
- Сибиртки да сыйлы болду, кюрек да кюнлю болду.
- Шапа кёб болса, аш татымсыз болур.
- Къайгъы тюбю – тенгиз.
- Келинин тута билмеген, къул этер, къызын тута билмеген, тул этер.
- Биреуге кёлтюрген таягъынг, кесинги башынга урур.
[ Закрыто ] Карачаевцы и балкарцы в белом движении
Читают тему (гостей: 1)