- Къарнынг тойгъунчу аша да, белинг талгъынчы ишле.
- Бети къызарыучу адамны, джюреги харам болмаз.
- Эм уллу байлыкъ – джан саулукъ.
- Элни кючю – эмеген.
- Иги болса, тамадама – махтау, аман болса, меннге – айыб.
- Ёлюк кебинсиз къалмаз.
- Ач уят къоймаз.
- Джашда акъыл джокъ, къартда къарыу джокъ.
- Ишни аллы бла къууанма да, арты бла къууан.
- Туз, гырджын аша, тюзлюк бла джаша.
- Аманнга игилик этсенг, юйюнге сау бармазса.
- Къарнынг ауруса, ауузунгу тый
- Тешигини къатында, чычхан да батыр болур.
- Биреуге аманлыкъны тилеме да, кесинге ашхылыкъны тиле.
- Тёзген – тёш ашар!
- Эртде тургъан бла эртде юйленнген сокъуранмаз.
- Аман къатын сабий табса, бий болур…
- Билмезни кёзю кёрмез, этмезни къулагъы эшитмез.
- Сёз къанатсыз учар.
- Джеринден айырылгъан – джети джылар, джуртундан айырылгъан – ёлгюнчю джылар.
- Ханнга да келеди хариблик.
- Терек ауса, отунчу – кёб.
- Кёбню кёрген – кёб билир.
- Эртде тургъан джылкъычыны эркек аты тай табар.
- Мал ёлсе, сюек къалыр, адам ёлсе, иши къалыр.
- Эл тойса, тоймагъан, эл къойса, къоймагъан.
- Кёпюр салгъан кеси ётер, уру къазгъан кеси кетер.
- Атлыны ашхысы, ат тизгининден билинир
- Эр сокъур болсун, къатын тилсиз болсун.
- Къызбайны юйюне дери сюрсенг, батыр болур.
- Айтылгъан сёз ызына къайтмаз.
- Ариу – кёзге, акъыл – джюрекге.
- Ётюрюкню башын керти кесер.
- Адеб базарда сатылмаз.
- Кёб джат да, бек чаб.
- Адам туугъан джеринде, ит тойгъан джеринде.
- Джыланны къуйругъундан басарынг келсе, аны башы болгъанын унутма.
- Ата – баланы уясы.
- Тойчу джашха къарама, къойчу джашха къара.
- Ёмюрлюк шохлукъну джел элтмез.
- Игиге айтсанг – билир, аманнга айтсанг – кюлюр.
- Намысы болмагъанны, сыйы болмаз.
- Ариу сёз джыланны орнундан чыгъарыр.
- Чакъырылмагъан джерге барма, чакъырылгъан джерден къалма.
- Аш берме да, къаш бер.
- Байлыкъ болгъан джерде, тынчлыкъ джокъду.
- Ёпкелегенни ашы татлы болады.
- Ёлген аслан – сау чычхан.
- Тил – миллетни джаны.
- Айранны сюйген, ийнек тутар.
[ Закрыто ] Люди,а есть ли кто среди ВАС - преподаватель балкарского?
Читают тему (гостей: 1)